مساعده باستيراد سياره من أمريكا جزاكم الله خير

[bou_yousif]

الأخوه الأعزاء جميعا


السلام عليكم ,,,,,


ولدي كبر و باشتري له سياره ( جراند شيروكي ) رحت حق اغلب مكاتب السيارات لقيت أقل سياره ماشيه 50 - 60 ألف كيلو على الأقل , رضينا بالهم و قلنا نفحص لقيت اللي غرقانه و اللي مصلح البككس و اللي مدعومه ,,, الخ , مع ان الاسعر مو بسيطه !!!!!

المهم شفت سيارات بمواقع الأيباي أو كارز موديلات أحسن و أسعار أقل و ممشى ممتاز و بصراحه ودي أشتري سياره من هناك بس ماني عارف الاجراءات و أخاف ينقص علي بالفلوس و تضيع السياره و يفلس الولد من السياره !!!!

تكفون يا جماعه اللي يعرف يفيدني بالاستيراد او مثلا عنده جماعه هناك أو حتى أستورد من ناس ثقه او حتى أي معلومه ولو بسيطه و الله يجزاكم كل خير ان شاء الله ........

بو يوسف ​

 

[عادل12]

هذه ارقام مكاتب تجيب سيارات بعمولة مكتب زاجل2638585 ومكتب2626992 بس ما انصحك اتعامل معاهم الا اذا انحديت والسيارة تكاليف جيبتها مو اقل من 1000 دينار المكتب 100 دينار والشحن الدخلي حسب بعد السيارة عن الميناء والشحن من الميناء الى الكويت اقل شي 300 في عمولة لمكاتب التخليص الجمركي بحدود 250 دينار احسن لك تشوف هالرجل 7677799 ابو رازن وافضل من هذا كله اشتر من الكويت امام عينك واضمن لك حتى لو اغلى

 

[عادل12]

الشحن الداخلي من الولاية الى المينا حسب المسافة

 

[bou_yousif]

مشكور أخوي عادل و جزاك الله ألف خير ,,,, الشحن من امريكا الى الكويت بحدود 1300 دينار + 300 شحن داخلي + 100 عموله + 250 جمارك و عموله + 100 تامين = 1950 دينار ؟؟؟؟؟

و بالنسبه للشراء داخل الكويت اخوي عادل و الله انا راضي لكن السيارات الموجوده اي شي لانهم يشترون برخيص و انت عارف الرخيص بامريكا يا اما مدعوم او غرقان او فيه بلى !!!

بو يوسف

 

[princ9]

مشكور بويوسف
شدعوه يعنى واحد يجب سيارة بالف تطلع عليع 3000 مو معقولة الشحن من امريكا بالباخرة 350 دينار فقط لاغير عندك جمارك 5% من قيمة السيارة ضيف عليهم انقول حق مصاريف منيه مناك 300 دينار المجموع بحدود 750 دينار ؟؟ ممكن الحسبه هاذى معقوله ؟؟ اذا فيه واحد يفيدنا او شغال بالجمارك ؟؟؟؟ يوضح للأخوان ؟؟ وشكرا

 

[bou_yousif]

مشكور على الرد أخوي princ9 لكن يشهد الله ان أصحاب المكاتب هناك بامريكا هم اللي عطوني هذا السعر و بالضبط هذا رد احد المكاتب الموجودين بامريكا :

The Fee to Truck the Vehicle from Alliance Ohio to New York is $ 750.00
The Shipping Fee from the Port of New York to Kuwait City is $ 4,300.00
for a Total of $ 5,050.00

و اذا حسبت المبلغ بالدينار الكويتي بيطلع 1300 دينار تقريبا @@!!!

بو يوسف

 

[princ9]

مشكور اخوى بويوسف
بس انا مرة جبت سيارة عن طريق واحد بامريكا اخذ على 1800 دولار امريكى $$$ دينار مع فحص السيارة وشحنها وهو يتحمل كل شى

والحمد لله قدرت ابيع السيارة مربح 1000 دينار غير التكلفه $$$$$

 

[bou_yousif]

تسلم أخوي princ9 على الرد ,,,,,

اذا ممكن تقول لي في أي سنه صار الموضوع هذا ؟ وهل هذا الشخص ثقه و موجود حاليا بامريكا ؟؟ و شلون طريقة الدفع و الضمان ؟؟؟

و ألف شكر لك يالغالي .

بو يوسف

 

[عادل12]

سعر الشحن من امريكا الى الكويت بالعبارة 380 دينار وبالكونتينر 20قدم تقريبا 650 دينار والكونتينر 40 قدم اللي يشيل سيارتين بحدود 780 دينار وهذا اكيد غير الجمارك والشحن الداخلي ومكاتب التخليص الجمركي اللي بالكويت هذي الزبدة وشكرا وترا اسعار الشحن موثابتة والشركات واجد واحيانا في عروض

 

[free777]

يعطكم العافيه اخوانى واسمحولى على مشاركه الاخوان
انا اجيب سيارات من امريكا كل سعر يفرق على ممشى السياره على نظافه السياره على الموديل شحن الداخلى بأمريكا 300 $ جمرك السياره حسب تثمينها عند الجمارك يعنى مثلا اذا ثمنو السياره 2900 دك جمركها 5% 140 دك شحن السياره بالباخره حسب نوع السياره اذا صالون من 380 دك الى 360 دك اذا جيب او وانيت او سوبرمان 480 دك رسوم الميناء من 2 دك ارضيه 3 دك رسوم الكمبيوتر 1دك رسوم ورقه الشحن + 60 دك غرفه التجاره والصناعه يسمونها مواصفات السياره المخلص على حسب فيهم 20 دك الى 15 دك .
واللى حاب يعرف اسعار السيارات انا حاضر .واذا تبى احد تتفاهم معاه من امريكا مباشر على اسعار السيارات انا حاضر والاكشن لبيع السيارات يوم الاربعاء والخميس
وشكرا

 

[bou_yousif]

يعطكم العافيه اخوانى واسمحولى على مشاركه الاخوان
انا اجيب سيارات من امريكا كل سعر يفرق على ممشى السياره على نظافه السياره على الموديل شحن الداخلى بأمريكا 300 $ جمرك السياره حسب تثمينها عند الجمارك يعنى مثلا اذا ثمنو السياره 2900 دك جمركها 5% 140 دك شحن السياره بالباخره حسب نوع السياره اذا صالون من 380 دك الى 360 دك اذا جيب او وانيت او سوبرمان 480 دك رسوم الميناء من 2 دك ارضيه 3 دك رسوم الكمبيوتر 1دك رسوم ورقه الشحن + 60 دك غرفه التجاره والصناعه يسمونها مواصفات السياره المخلص على حسب فيهم 20 دك الى 15 دك .
واللى حاب يعرف اسعار السيارات انا حاضر .واذا تبى احد تتفاهم معاه من امريكا مباشر على اسعار السيارات انا حاضر والاكشن لبيع السيارات يوم الاربعاء والخميس
وشكرا

عساك على القوه اخوي free777 ,,, يا ريت تدز لي رقمك على الخاص اذا سمحت و اتمنى فقط لزيادة المعلومه للجميع بالمنتدى ان تقول لنا ماهو الضمان و شلون طريقة الدفع ..........

و تسلم .

بو يوسف

 

[princ9]

مشكورين عالردود واظن كل المعلومات حق استيراد السيارة من امريكا وضحها اخوى فرى777 وبالتوفيق للجميع

 

[free777]

بويوسف بخصوص الشروكى لاريدو 2007 ( 6 اسلندر ماشى 29 الف مايل 26 الف دولار )(اما 8 اسلندر ماشى 22 الف 16 الف دولار ) عموما هذى الاسعار اللى امباعت فى الاوكشن 6 السلندر اغلى من 8 السلندر علشان البانزين غالى عندهم .
هذا كله حسب المواصفات .
وشكرا

 

[hamed_zd]

والله معلومات استفدت منها
شكري وسلامي للاخ فري 777

 

[bou_yousif]

اخوي free777 جزاك الله الف خير و ما قصرت ,,,,

لكن اليوم بحديثي معاك على الهاتف اكدت لي ان الشحن بحاويه 20 قدم يكلف من 4500 - 5000 دولار أمريكي طبعا هذا غير شحن السياره من المزاد او الديلر و التامين و الجمارك بالكويت و الرسوم و المخلص ,, الخ .

وهذا يؤكد ردي الموجود ان التكاليف ممكن توصل من 1700 - 1900 دينار بس أجور , طيب مو احسن من الاول ان الواحد يزيد لو نص المبلغ هذا على سيار ه جدام عينه و يشتريها من الكويت !!!!

لكن للاسف و ين السياره النظيفه !!! ماكو غير النترديه و النطيحه عند المكاتب اللي ماشيه 60 و الله 90 ألف طبعا هذا غير اللي غرقانه و اللي مدعومه و مصلحينها و عد و خربط !!!!!!!!!!!

ما أقول الا الله كريم ...................................

بو يوسف

 

[الوديان 22]

اخوانى انا شحنت سياره قبل من امريكا وبالتحديد من هيوستن بمبلغ 1000 دولار +تامين150دولار على وصول السياره شامل يعنى ما اتوقع هذى الاسعار اللى تقولونها.

 

[بايعها]

والله ضعنا بالطوشه واحد يقول التكلفة عشر تلاف واحد يقول الف

ياجماعة اللي عنده معلومة متأكد منها يقولها حرام اللي تسوونه فينا

 

[free777]

يعطيكم العافيه يا شباب :
اخذ العلمى منى انا تونى جاى من الميناء مستلم السياره بنفسى الشحن والجمرك حسب موديل السياره ونوعها .
اى استفسار من موديل السيارات فى الشحن والجمرك انا حاضر
وشكرا

 

[Biz-Link]

يعطيكم العافيه يا شباب :
اخذ العلمى منى انا تونى جاى من الميناء مستلم السياره بنفسى الشحن والجمرك حسب موديل السياره ونوعها .
اى استفسار من موديل السيارات فى الشحن والجمرك انا حاضر
وشكرا

كم دفعت لوكيل شركة الشحن رسوم ختم البوليصة و استلام السيارة ؟ وليس قيمة الشحن

طريقة الشحن :حاوية او داخل السفينة ؟

 

[free777]

للوكيل 46.850 دك فلس .هذا من غير شحن السياره
طريقه الشحن داخل الباخره