للي ما سمع يسمع

[ياسر الروقي]

للي يحبون يسمعون اللعب بالمفردات

http://www.youtube.com/watch?v=Nyw7dyAH4ow

 

[ياسر الروقي]

يامعذب الاحباب ياغايب متى وقت الوصول
انا على نار انتظر رجعتك لوطال الغياب
ياهمي الي لو يزول العمر كله مايزول
ياقرب من الي في يدي وابعد علي من السحاب
ياصيف عمري ياربيع العمر ياغلى الفصول
يافرحتي ياسلوت الايام يانواع العذاب
يابحر جده ياشفا الطايف ياحايل ويش اقول
ياتراث مكه ياحضارت نجد يابها والضباب
يانغمت الاوتار ياعزف الموسيقى والطبول
ياظحكت الاحباب مابين التغلي والعتاب
ياعنفوان الخيل ياوقفات ماضين الفعول
يانشوت الكسبان ياعزت عزيزين الجناب
يابسمت الاطفال يانظرات في الطرف الخجول
ياهيبت السلطان ياقدر اللحى حق الرقاب
ياحكمت العاقل ياعطف الام يامعنى القبول
يالذت الماء في ظماء الظميان ياعذب الشراب
يامعجم الاخلاق يافهرس تعاليم الوصول
ياروعة الابداع يابنك المبادي والاداب
فديت عمرك يابعد عمري جعل عمرك يطول
احسب احساب الي حسب لاحساب حسبتنا حساب
بجاه رب ام القرى والقدس وبجاه الرسول
انا مصاب اوجبك يلزمك بسعاف المصاب
صبرت حول وحال حول الحول واستقبلت حول
وانا انتظرك تذوب في قلبي وقلبي فيك ذاب
وجيتك وانا كلي غلا جيتك وانا كلي ميول
النفس لارظاك احظرت والقلب لارظاك استجاب
وعجزت ياصعب طلوع اسالك ياصعب نزول
تصمت ولاحكي لك سوال اصمت ولاتحكي جواب
عزلتني عن عالمن ماكنت انا عنه معزول
اطرد وراك العمر كله كني اطردلي سراب
سمعت قولي وانت قلي ودي اسمع ويش تقول
انا طرحت الك السوال ومنتظر رد الجواب ​

 

[ياسر الروقي]

اليوم مسكت على عبد الله السميري

البارحه كلمتني بنت مبليه
معاملتها صراحه معي تعبانه
قالت كيف الحال قلت اهلين يابنيه
قالت بغيت البنات وقلت غلطانه
قالت بلاشي دلع ورح ناد بدريه
وان كانها نايمه صوت لسلطانه
قلت بصراحه ترى حنا عزوبيه
والكل منا يابنت الناس في شانه
قالت تغشمر وقلت احكي بجديه
انا رجل والرجل ممسوك بلسانه
قالت ابسولف معك لو تسمح شويه
تراي قبل اتصل بك كنت طفشانه
قلت اهرجي معي زين وصفي النيه
وانا ابسولف عليك بنيه زانه
قالت بغيت اسالك وش بعد سوريه
والهند كانك ذكي وش كثر سكانه
قلت بصراحه ماعرف الا البجاديه
واعرف من حد مكه لين غيلانه
قالت تحب قلت احب اللي حواليه
واحب ربي واحب الكنج واخوانه
واحب ديني واحب ارض السعوديه
محبة ماعطاها الخل لخلانه
قالت بضحكه ليه اخلاقك تجاريه
اصلا انا يوم ادردش معك خسرانه
وانت بدوي ماتعلمت الرومنسيه
كل بدوي حياته مالها خانه
قلت اسمعي زين ان كنتي طبيعيه
لكن اظنك يابنت الناس .... سكرانه
انا بدوي ماحنيت الراس موليه
الا لربي عزيز الجاه سبحانه
انا بدوي تفتخر كل العرب فيه
انا بدوي يموت العهد ماخانه
حنا بدو بدو بدو ان ثارت الهيه
نثبت ليا خالط البارود دخانه
حنا بدو لنكشف ستر السنافيه
يفرح بنا اللي خذو ذوده بحيرانه
حنا بدو ان كوينا ننضج الكيه
يفرح بنا اللي يشوف الضيم باعيانه
حنا بدو بدو دايم نارنا حيه
نزعل ليا صك راع البيت بيبانه
حنا بدو لالفو من بعد طرقيه
نفرح بهم فرحه الغايب بورعانه
ياللي تقولين بدو اقول يابنيه
الاصل حنا وعز البيت سيسانه ​

 

[(فزاع)]

هلابك هلا بالعتيبي ..
صبحك الله بالخير .. كيف الحال ..؟ بشرني عنك ..؟
انا اشهد انه فنان ويستاهل شاعر المليون ..
بطريقة القاءه وحتى لـ اختياره لـ مفرداته ..

يسلم ذوقك ..

 

[أوبال]

القصيدة الأولى رووووعه
يعطيك العافية أخوي وتسلم على هالإختيار

 

[zoya_y]

منو هذا !!!

 

[ياسر الروقي]

هلابك هلا بالعتيبي ..
صبحك الله بالخير .. كيف الحال ..؟ بشرني عنك ..؟
انا اشهد انه فنان ويستاهل شاعر المليون ..
بطريقة القاءه وحتى لـ اختياره لـ مفرداته ..

يسلم ذوقك ..

هلا بكوبرا انا بخير ياوجه الخير اشكرك على الاطراء وعبدالله الله من صفاة القلب عنده

القصيدة الأولى رووووعه
يعطيك العافية أخوي وتسلم على هالإختيار

الله يسلمك يا أوبال

منو هذا !!!

صج لويا
هذا شاعر يا زويا شارك برنامج شاعر المليون

 

[zoya_y]

انزين يالروقي شنو يعني مفردات !
وشسم الشاعر !!
هذا الي قال ناقتي يا ناقتي !!
ولما مافاز بجو عليه وايد بنات

 

[سيده اعمال 2008]

الروقي من متى ماصار مبدع

شكرا لك يالروقي ... اختيار موفق ​

 

[Bent_alq8]

مساء الخير أخي الروقي...بصراحة القصيدة رائعة والأجمل سماعها بلإلقاء...
يعطيك العافية على تذكيرنا بشاعر المليون...والقصائد الرائعة التي طرحت فيه.​

 

[ياسر الروقي]

انزين يالروقي شنو يعني مفردات !
وشسم الشاعر !!
هذا الي قال ناقتي يا ناقتي !!
ولما مافاز بجو عليه وايد بنات

لوووووووووول لا هذا ما بجو عليه بنات بس انا اللي بجيت عليه

اسمه عبد الله السميري اذا سمعتي القصيده راح تشوفين شلون قاعد يلعب بالفمردات

 

[ياسر الروقي]

الروقي من متى ماصار مبدع

شكرا لك يالروقي ... اختيار موفق ​

شكرآ للمرور وكل الاعضاء مبدعين بلا استثناء

 

[ياسر الروقي]

مساء الخير أخي الروقي...بصراحة القصيدة رائعة والأجمل سماعها بلإلقاء...
يعطيك العافية على تذكيرنا بشاعر المليون...والقصائد الرائعة التي طرحت فيه.​

تو ما نور المنتدى حيالله بنت الكويت
الاجمل من القصيده والقائها مرورك عليها

 

[مناوي الشعر]

عنــدي قصــيده للشــااعره "" النــادره""

أتمنــــى انها تعجبــكم وتتفهمـون معانيها

واهني منهو جاهلٍ طبع الايام... يجهل عنها جاهلٍ في غثاها

ماحار فكره في زمانه ولا حام... داخل فؤاده علة كم خفاها

ياقلب لا تحزن على مر الاعوام... ولا يتعبك ماضي السنين وعناها

أنسى المصاعب وأجعل الفكر قدام... لابد الليالي تسعدك في ضياها

خل الدموع وخل تفتيش الآلام... يمكن مع الايام تلقى دواها

ولا لا يصيبك من عناء وقتك احطام... ارض بنصيبك والحياة وقساها

ماانت الوحيد اللي شكا ويل واقسام... دنيا على غيرك تطاحن رحاها

وياكم فيهم من مساكين وايتام... ذاقوا عناها ما اهتنوا في حلاها

وياكم فيها ضاعت أحلام وأحلام... مسكين ياللي عايش في رجاها

وياقلب لا تحزن على مر الاعوام... ولا يتعبك ماضي السنين وعناها

 

[Bent_alq8]

عنــدي قصــيده للشــااعره "" النــادره""

أتمنــــى انها تعجبــكم وتتفهمـون معانيها

واهني منهو جاهلٍ طبع الايام... يجهل عنها جاهلٍ في غثاها

ماحار فكره في زمانه ولا حام... داخل فؤاده علة كم خفاها

ياقلب لا تحزن على مر الاعوام... ولا يتعبك ماضي السنين وعناها

أنسى المصاعب وأجعل الفكر قدام... لابد الليالي تسعدك في ضياها

خل الدموع وخل تفتيش الآلام... يمكن مع الايام تلقى دواها

ولا لا يصيبك من عناء وقتك احطام... ارض بنصيبك والحياة وقساها

ماانت الوحيد اللي شكا ويل واقسام... دنيا على غيرك تطاحن رحاها

وياكم فيهم من مساكين وايتام... ذاقوا عناها ما اهتنوا في حلاها

وياكم فيها ضاعت أحلام وأحلام... مسكين ياللي عايش في رجاها

وياقلب لا تحزن على مر الاعوام... ولا يتعبك ماضي السنين وعناها

صح لسانك ولسان من قالها...جزلة في المعاني وإن كانت سهلة في الكلمات..لاهنت أخوي

 

[مناوي الشعر]

صح لسانك ولسان من قالها...جزلة في المعاني وإن كانت سهلة في الكلمات..لاهنت أخوي

صح بدنج وشكرا على المرووور