هل انت من صغار المستثمرين تعال ابيك

الموضوع في 'السوق الكويتي للأوراق الماليه' بواسطة متداول جديد, بتاريخ ‏4 يوليو 2008.

  1. متداول جديد

    متداول جديد موقوف

    التسجيل:
    ‏21 يوليو 2006
    المشاركات:
    499
    عدد الإعجابات:
    0
    مكان الإقامة:
    الكويت
    السلام عليكم والصلاة والسلام على رسول الله (صلي الله عليه وسلم)...



    عندى موضوع صراحه محيرنى وايد وهم احنا صغار المستثمرين


    لان يوجد انواع من صغار المستثمرين
    1 صغار مستثمرين ما عندهم اى خلفيه عن السوق
    1 صغار مستثمرين للحين ما دخلوا السوق وعندهم معرفه قليله
    2 صغار مستثمرين مبتدئين
    3 صغار مستثمرين متوسطين

    4 صغار مستثمرين متقدمين
    5 صغار مستثمرين متمرسين
    6 صغار مستثمرين ذو خبره طويله

    المشكله ان صغار المستثمرين صاروا على ما يقولون شماعة السوق كل يوم اقرأ واسمع سواء بالصحف التلفزيون الديواوين الشارع وحتى اللى ما يعرفون اى شى عن البورصه قاموا يقولون الصغار و ان الصغار خسروا الصغار تورطوا الصغار هم المساكين الصغار هم مشكلة السوق الصغار لازم تحميهم الحكومه الصغار باعوا كل شى فى حياتهم (اذا كان بيت او ذهب او سياره او فلوس مجمعهم او من الاب او فلوس العائله او فلوس ربعه والخ)

    المهم

    لو نظرنا الى الانواع اللى ذكرتها نلاحظ المتورط هو
    1 صغار مستثمرين ما عندهم اى خلفيه عن السوق
    1 صغار مستثمرين للحين ما دخلوا السوق وعندهم معرفه
    2 صغار مستثمرين مبتدئين
    3 صغار مستثمرين متوسطين

    فقط وللاسباب الاتيه
    عدم معرفتهم بالسوق تماما او يكون معرفتهم سطحيه
    التسرع بالبيع والشراء
    المشى مع اى اشاعه
    يمشى كما يمشى اى قطيع معاهم رايح داخل خارج
    جلوسهم بالسوق بين الناصبين الذين يروجون اللاشاعات داخل السوق
    عدم معرفتهم بالتحليل الفنى اى صوره من الاشكال
    اشتراكهم مع المنتديات ومع الاسف بعضهم خلق لاصدار الاشاعات
    عدم اعتمادهم على نفسهم فى التحليل والمتابعه
    وووووالخ

    المشكله

    هنيه مربط الفرس

    ان هؤلاء الذين ذكرتهم
    1 صغار مستثمرين ما عندهم اى خلفيه عن السوق
    1 صغار مستثمرين للحين ما دخلوا السوق وعندهم معرفه قليله
    2 صغار مستثمرين مبتدئين
    3 صغار مستثمرين متوسطين

    خسروا كل شى ليس بالتداول اليومى بل الاسوأ خسروا
    وهو البيع والشراء بالآجل والبيع والشراء بسوق الخيارات
    ولماذا التورط لماذا تأخذ الآجل والخيارات مع انك لست متقدما او خبيرا او متمرسا
    اخر الاخبار يقولون ان اغلب العقود تسكرت عندما نزل السوق النزول الشرس حرام والله

    يا اخوى تبى تصير تاجر بسرعه فالرجاء الخروج من البورصات لان اللى قالك راح تصير تاجر بيوم وليله ترى هو اكبر خسران .
    يااخوى تبى تستثمر لمده طويله سنة او سنتين او للعمر كله -- نعم يا اهلا وسهلا بك

    المشكله الثانيه
    هؤلاء اللى ذكرتهم هل يسمعون بالمشاكل اللى قاعده تصير للسوق ومشاكل اللى خسروا ومشاكل اللى ضيعوا فلوسهم ومشاكل النصب والاشاعات وايضا ان السوق يتلاعب به الهوامير والصناديق والتجار من الخارج وووالخ

    زين انت قاعد تسمع وتقرأ بالمصايب والكويت صغيره حتى النمله تسمعها والمشكله ليش تدخل السوق وتورط نفسك دام انت تعرف ان السوق كله خراب بيوت

    والمشكله الى يومك فى ناس تدخل جديده لان فى ناس تخلق الاشاعات ويقولون تعالوا السوق فى فرصه الحين السوق نازل اشتر طيعنى راح تكسب ذهب وشرا الاخ قبل اسبوع والحين نزل زياده وراح فيها اخونا ..

    اخوى نصيحه اذا تبى تصير تاجر او تحب التجاره ليش لا .. افتح اى مجال ولكن انت تكون فيه خبره او يكون من ضمن دراستك او من ضمن خبرتك لان صدقنى مجالك هو اللى راح تربح فيه وتمشى بأذن الله

    نصيحه اخوى تبى تدخل السوق عليك بالدراسه والدورات والقراءه والمتابعه والبحث والمناقشه مع اصحاب الخبره والتمرن على لعبة التداول لاشهر وبعد ذلك ادخل السوق وانت آمن .. صدقنى السوق مو طاير والبورصه فيها الف الف فرصه لا تستعجل .. ندرى بنى ادم دايما عجول واحنا نفسك ولكن اصبر تنال انشالله .

    نصيحه لا تشترى ولا تدخل الى الظلمات والضياع وهى شراء عقود الآجل والخيارات وانت ما عندك اى خلفيه عن الموضوع . بس تبى تفتخر بالديوانيه انك دشيت البورصه وشريت آجل وخيارات يعنى بطل .. حبيبى حط عقلك براسك واصحى ..

    نصيحه لا تستلف ولا تضيع فلوس اللى محتاجينها عيالك او اهلك او تبيع بيت اوو تبيع سياره او قرض عشان تشترى اسهم نصيحه احذر من هاذى .. فقط اذا عندك فلوس زايده اشتر وطقطق فيها حتى لو قليله اصبر وانشالله تصير تاجر بعشر سنوات احسن من خسارتك بيوم وليله .

    نصيحه لا تقعد بالسوق وايد ولا تسمع احد فقط اشرب قهوتك و راقب واشتر وبيع على دراستك ومعلوماتك

    منقول
     
  2. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    اي والله عدل ..
    هالكلام عين الصواب ..
    تسلم ايدك يا ناقل الموضوع ..
     
  3. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    كلك عدل وموضوع ممتاز
     
  4. الاوربي

    الاوربي موقوف

    التسجيل:
    ‏24 ابريل 2008
    المشاركات:
    1,590
    عدد الإعجابات:
    0
    مكان الإقامة:
    sk
    التوفيق من الله عز وجل
    الصغار دائما خسرانين.(
     
  5. حبيبكم

    حبيبكم عضو نشط

    التسجيل:
    ‏23 مارس 2008
    المشاركات:
    1,020
    عدد الإعجابات:
    0
    بارك الله فيك