منو يعرف طريقه مبتكره لأعداد سمك التونه ؟؟

[سعمران]

السلام عليكم


يا شباب سمج التونه شلون الناس تاكله (( السمج اللى بالقواطى بالجمعيات ))

يعنى أنا مثلا أقطع معاه شوية بصل وأحمسه بالتاوه مع شوية كركم والسلام ..

بس هالطريقه طعمها أقل من عادى وما تسوى العنوه وريحة الطبخ ..

وفيه طريقه ثانيه وهى ساندويشات التونه بالمايونيز وتنوكل بارده أعتقد الكل يعرف شلون طريقتها (( تنحط داخل توست أبيض ))

سؤالى أنتم شلون تطبخون التونه ؟؟ هل عندك طرق أخرى تسوى الواحد يجربها وشايفين أنه طعمها حلو ولذيذ ؟؟

أرجو المشاركه ..

 

[zoya_y]

والله انا ماكله كلش .. مايحبني السمج
بس بيتنا يسوونه اب مايونيز وبصل ويعصرون عليه ليمون بس بس ماياكلونه اب توست

لا اب خبز عادي

 

[تكانه]

يا اخوي انا تنبط جبدي من اللي يقول طونه..

ما سمعتوا احد يقول طونه ؟

عادة ربع الطونه يسمون السلطة زلاطه ههههه


***


عندي لك وصفه انما ايييه .. تاكل صوابعك

اخلط التونه مع السلطة ، وعطها رشة ليمون وزيت زيتون

واذكرني بالخيررر

 

[saeed]

وعليكم السلام

والله يا سعمران انا نفس طريقتك بس بدل الكركم شويه معجون طماط

 

[kinghamad]

اول شي التونه ما تنطبخ تفتح العلبه وتاكله على طول بس يفضل اتعصر عليه ليمون وانا رايي بعد اتحط عليه شويه فلفل بو ديج وعندك خبز ايراني واديلو أكل .... وبالعافيه شوقتني

 

[بوعمر2]

بالطبخ عند وجهك...

المقادير...

تونه _فلفل علوب عدد1_بصل_معجون طماط..وبالمقلا لا تنسى الدهن..

وبالهنا والشفا..((طريقه الطباخ ياقوت))

 

[سعمران]

مشكورين أخوانى ولا يزال البحث جاريا عن طريقه مبتكره .

 

[boalons]

يا اخوي انا تنبط جبدي من اللي يقول طونه..

ما سمعتوا احد يقول طونه ؟

عادة ربع الطونه يسمون السلطة زلاطه ههههه


***


عندي لك وصفه انما ايييه .. تاكل صوابعك

اخلط التونه مع السلطة ، وعطها رشة ليمون وزيت زيتون

واذكرني بالخيررر

بعد طون مو طونه

 

[الفايدة للجميع]

الله يسامحك يا سعمران فتحت موضوع التونه والكل قام يعطينا

وصفته بالطبخ ... واحد يقول اعصر ليمون والثاني يقول رشه ليمون و زيت زيتون

ومعجون طماط وخبز إيراني ودقوس بو ديج..............

وأن أقراء طريقة الاعداد.... سالة سعابيلي.... يبيله تووووووونه على الصبح

 

[ام سلمى]

السلام عليكم
ممكن تييب سمك شرائح اللى هو الفيليه قطع عريضة
ترص فى الصينية
التونة تضع معها بصل وكم ملعقة طماطم ومشروم وزيتون اسود
تضع الكل على السمك فى الصينية
وعلى الوجه تضع جبن الموتزاريلا
وبالهنا

ثم تضعها بالفرن
ممكن تأجيل وضع الجبن بعد 7 -10 دقائق من دخول الفرن

 

[باب عوود]

السلام عليكم
ممكن تييب سمك شرائح اللى هو الفيليه قطع عريضة
ترص فى الصينية
التونة تضع معها بصل وكم ملعقة طماطم ومشروم وزيتون اسود
تضع الكل على السمك فى الصينية
وعلى الوجه تضع جبن الموتزاريلا
وبالهنا

ثم تضعها بالفرن
ممكن تأجيل وضع الجبن بعد 7 -10 دقائق من دخول الفرن

مشكوره يا ام الخيررررر خوش وصفه
عن صاحب الموضوع على مايطيح السعمراااااااان

 

[سعمران]

الله ينطيكم العافيه لكل الأخوه المواطنين والمقيمين .

 

[zoya_y]

شنو سعمران يعني !!