وين اسوي تغبيره للسيارة

[النوط]

ياخوان انا بسافر بالسيارة وابي اعرف وين اسوي حماية للسيارة من الغبار لاني مره استعملت السبريه بس مو مضبوط ابي حماية زينه فيدوني بارك الله فيكم

 

[خالد المـطيري]

في محلات الزينه بس مثل ماقلت سبريه

بس اخوي نصيحه لوجه الله احسنلك من التغبيره مليون مره

( صابون فيري ) بنص دينار يسويلك السياره كلها

 

[النوط]

بس اخاف صابون فيري يطير الصبغة والا عادي لان واحد قالي يطير الصبغه اذا قعد اكثر من يوم

 

[alajmiktv]

في محلات الزينه بس مثل ماقلت سبريه

بس اخوي نصيحه لوجه الله احسنلك من التغبيره مليون مره

( صابون فيري ) بنص دينار يسويلك السياره كلها

لا يحوشك صابون دير بالك تحطة .. لأنة إذا طول على السيارة إسبوع راح يخلي المكان إلي محطوط عليه الصابون لونه أفتح من لو السيارة وهذا عن تجربة

 

[بور-صا]

أبعد عن الصابون لان مواد كيماوية

 

[خالد المـطيري]

والله ياشباب انا استعمل الفيري ماشفت هالاشياء الي قلتوا عليها !!!

بعدين الواحد اذا بيحط صابون يتراولي بس حق يوم او يومين ؟ مسافة الطريق بس ويغسله

خوفتوا الرجال وبالاخير كله صابون

 

[النوط]

مشكورين يا اخوان وما قصرتوا بس انا استعملت السبرية موشي كلش بس قاعد اشوف سيارات يحطون تغبيره شكلها غير يعني اغمج من السبرية ما ادري اذا نوع ثاني جديد انا العام جربته كنت رايح سوريا وصلت الحفر نصه طاير وكملت الطريج شسوي بس في تغبيره قوية ثابته هذي اللي ادورها

 

[خالد المـطيري]

والله انا حاطها بالسعوديه بمنطقه الحفر تغبيره قويه اول مادش الحفر على ايدك اليسار اول محطه بس بالكويت والله مادري بس الي سمعته في محطه غسيل بالجهرا اتسوي التغبيره وانت مسافر على الطريق مرهم

 

[النوط]

والله انا حاطها بالسعوديه بمنطقه الحفر تغبيره قويه اول مادش الحفر على ايدك اليسار اول محطه بس بالكويت والله مادري بس الي سمعته في محطه غسيل بالجهرا اتسوي التغبيره وانت مسافر على الطريق مرهم

شنو اسم المغسلة اللي بالجهراء وين مكانها بارك الله فيك

 

[ابو مريم]

لا يحوشك صابون فيري يطير الصبغه رووح شارع الزينه احسن

 

[البواردي]

صابون فيري يخشن واجهة السياره على فكره

 

[ابــ عمر ـو]

انا جرب تغبيرت المغاسل ما تنفع
وجربت تغبيرت السبريه وشريتها من شارع الزينه اللي بالشويخ ورحت فيها مشوارين للسعوديه والحمدلله ما طار ولا بين عليه اي شي
طبعا للامانه ما صادفني عجاج قوى
بس ترا يبيلك اكثر من بطل سبريه انا حطيت لجيب برادو خمس بطول سبريه
وسعرها في شارع الزينه بدينا وربع
ورحة امس لسعوديه وحصلتها عند اول محطه تصادفك بعد ما تخرج من مركز النويصيب
وسعرها 13 ريال بعني ارخص من الكويت

 

[خالد المـطيري]

المغسله على الدائر السادس وانت رايح لما اطوف الساير ( صناعية الجهرا) معروفه على السادس تشوفها وانت مسافر

 

[ahmadm]

أنا جربت بطل السبراي وحطيت 2 وللاسف ما يكفي لسيارتي ماجنا روج شارع الزينه محل اسمه مارينا ب 5 دنانير يسويلك الساره كلها وما شاء الله 5 طبقات وهذا رقم تليفونهم 9790542

 

[ابــ عمر ـو]

يا اخوان احست شي بطل التخبيره ( السبريه )
واللي رايح السعوديه يشتريه مناك ارخص واحسن واللي ماله خلق يروح شارع الزينه

 

[ahmadm]

البطل أنا شاريه ب دينار وربع وما فيه فايده لازم تشتريلك 10 اذا تبي تسوي السياره مظبوط جرب اشتري بطل واحد ما راح تخسر شي وفي النهايه راح تروح محلات شارع الزينه يسووها لك 5 طبقات ب 5 دنانير وشوف الفرق

 

[باب عوود]

السلام عليكم
ياخوان ليش كل هذا الامر هين احسن من التغبيره برقع للسياره
اولآ يدوم لعدة سفرات
ثانيآ ممكن تركبه و تشيله بروحك
ثالثا سعره تراوح من 7 الى 15 وحسب السياره
افضل من التغبيره بالف مره وانا مجررررب الاثنين من اكثر من 3 سنين
مازال موجود ولا تغيرررررر

 

[نوط بو 1000]

أخوي بو عمر النوع اللي شريته من شارع الزينه هو نفس النوع اللي يبيعونه في الخفجي؟

و هل هو اللي لونه اصفر و عليه صورة جيب دودج دورانجو احمر و ماركته نسر أصلع؟

 

[وسيع الصدر]

السلام عليكم

أخوي حياك عندنا بالمحل ومايصير خاطرك إلا طيب عندنا التغبيره الزينه ((الخشنه)) اللي ماتروح معا الدرب وتقدر تزيلها برشه مااااااااااااااااي

الشويخ / دوار الاوكسجين / بجانب مخرطه دسمان / مقابل مغسله الصباح

أسم المحل OK لتلميع السيارات

 

[نوط بو 1000]

السلام عليكم

أخوي حياك عندنا بالمحل ومايصير خاطرك إلا طيب عندنا التغبيره الزينه ((الخشنه)) اللي ماتروح معا الدرب وتقدر تزيلها برشه مااااااااااااااااي

الشويخ / دوار الاوكسجين / بجانب مخرطه دسمان / مقابل مغسله الصباح

أسم المحل OK لتلميع السيارات

بجم تغبر بي أم ٧٤٠؟

إذا عجبني سعرك باجر انا عندك