عندي اختي صايرة لها مشكلة في تركيا ممكن مساعدة

[ام صده]

حاجزة علي التركية وسافرت يوم 30-6-2008والعودة في 14الشهر نفسه راحت تقدم الرحلة يومين اطلبوا علي كل تذكرة 120دولار هل صحيح او اني بالكويت اسويها لها

 

[الغربه]

اتوقع تقدرين تسوينها لها بالكويت من مكتب السفريات نفسه الي حجوت منه وطرشين لها نسخه من الحجز

 

[ام صده]

حتي مكتب الكويت رحت له وقال ابي فلوس انا عارفه ان الجزيرة فقط هي اللي تاخذ فلوس

 

[قنوع ؟]

عطينى اسم المكتب اللى بالكويت
ارجو على الخاص

 

[طبعنا]

تغير الحجز بفلوس
انا بغيت اغير موعد العودة دفعوني فلوس بالمطار

 

[مدور الفوايد]

حاجزة علي التركية وسافرت يوم 30-6-2008والعودة في 14الشهر نفسه راحت تقدم الرحلة يومين اطلبوا علي كل تذكرة 120دولار هل صحيح او اني بالكويت اسويها لها

سافرت 30_6 والعوده 14 في الشهر نفسه يعني 14_6
انا ودي اعرف اي مكتب مصدر هالتذكره

 

[الغربه]

ايه الحين اغلب التذاكر صارت تجاريه ومحدد باليوم واي تغير ياخذون رسوم بس مو 120 دولار واجد حرام

 

[الأرستقراطي]

اذا كان العرض باكج راح يكون في زيادة بالسعر ،،، أما اذا كانت حاجزة قبل السيزون و الان ستجدد بالسيزون يطلبون ايضا زيادة غير ذلك فاسعار التذاكر ثابته ،،،

 

[wld al salmiya]

في مكتب سفريات في مجمع الدولية بالديرة
مكتب التركية موجود بالمجمع الحين مسكر
حاولي تاخذين رقمهم من البدالة
او تروحين العصر
والله يبعد عنكم المشاكل ويرجعون سالمين
اذا في شي اقدر اسويه حاضر

 

[وطباني]

مسا الخيرات.... الظاهر إختك حاجزة تذكرة من ال(restricted) أو الأوفرات.. وهالنوع من الحجوزات إذا حاولتي تغييرين فيها تدفعين عليها في أي خطوط بالعالم عشان جذي تلاقسن أسعارهم أرخص من الحجز العادي (المفتوح) أو (unrestricted)!!!

ودمتي

 

[الأرستقراطي]

حاجزة علي التركية وسافرت يوم 30-6-2008والعودة في 14الشهر نفسه راحت تقدم الرحلة يومين اطلبوا علي كل تذكرة 120دولار هل صحيح او اني بالكويت اسويها لها

اذا تبين ترجعين يالزمن ممكن قصدهم 120 الف دولار والسعر معقول ،،،

 

[مليون دينار]

حاجزة علي التركية وسافرت يوم 30-6-2008والعودة في 14الشهر نفسه راحت تقدم الرحلة يومين اطلبوا علي كل تذكرة 120دولار هل صحيح او اني بالكويت اسويها لها

الله يرجعها بالسلامه

رايحه تركيا وماعندها 120 دولار

 

[RICARDO-KAKA]

السلام عليكم

أختي يعتمد على نوع التذكره

اذا كانت (full fare) تقدرين تبدلين التاريخ الى أي وقت

اما التذاكر الثانيه اللي عليها خصم (اللي اتوقع اختج شاريتها) أغلب الأحيان تكون عليها غرامه في حالة الألغاء أو تغيير الموعد

حاولي تتأكدين من نوع التذكره من السفريات اللي شرت منهم التذكره

ان شاء الله قدرت افيدج

والله تعالى أعلم

الله يعينكم

 

[الزعيم الوحيد]

حاجزة علي التركية وسافرت يوم 30-6-2008والعودة في 14الشهر نفسه راحت تقدم الرحلة يومين اطلبوا علي كل تذكرة 120دولار هل صحيح او اني بالكويت اسويها لها

انا قول اختج لوتدفع وتفك نفسه احسن مادام هي في تركيه بلاد حراميه

 

[ksr911]

السلام عليكم

أختي يعتمد على نوع التذكره

اذا كانت (full fare) تقدرين تبدلين التاريخ الى أي وقت

اما التذاكر الثانيه اللي عليها خصم (اللي اتوقع اختج شاريتها) أغلب الأحيان تكون عليها غرامه في حالة الألغاء أو تغيير الموعد

حاولي تتأكدين من نوع التذكره من السفريات اللي شرت منهم التذكره

ان شاء الله قدرت افيدج

والله تعالى أعلم

الله يعينكم

كلامك صحيح ................. دائما التذاكر للمدد القصيره ما تكون Full Fare و علشان تكون بسعر تنافسي يتم اصدارها على اساس Restricted Ticket و هذا النوع لا يمكن تغيير الموعد و اذا طلبوا رسوم او غرامه فمن حقهم.

 

[نوط بو ربع]

التذاكر والحجوزات هو صميم عملي ... عند وجودكم بالخارج ولتفادي أي استغلال من قبل مكاتب السفريات يتوجب على المسافر أن يتوجه الى مكاتب الشركة الرسمية والتي تحمل شعار الشركة ... أما بخصوص المبالغ التي تطلبها الشركات نظير تغيير الحجوزات فهو أمر إعتيادي جدا ويتفاوت من شركة لأخرى ويكون التعامل مع المكاتب الرسمية للشركة لتفادي اي استغلال من قبل بعض مكاتب السفر .

 

[ياسر الروقي]

التقديم في الحجز عليه رسوم
ويتفاوت من شركة الى اخرى او من دوله الى اخرى
الوضع عادي ولا فيه مشكله 120 دولار 33 دينار تقريبآ

 

[ولد البورصه]

لو تغيرين الحجز لهم من الكويت عن طريق نفس المكتب او من الشركه الناقله سواء التركيه او الكويتيه
والرسوم من المحتمل 5دنانير لكل تذكره

 

[ورق خسران]

في انواع من الحجوزات لما تكون تواريخها ثابته واب تغببر تدفع عليه فلوس بس المبلغ اللي انتي ذاكرته وايد 120$ على كل تذكره وايد وتلقين يمكن مكتب السفريات اهو اللي سوا هذا النوع من الحجز لان يطلع عليه ارخص ويستفيد عموما الله يبعد المشاكل وانصحيهم انهم يقعدون هاليومين اللي باقين احسن من الغبار

 

[Zero]

البترول مرتفع , وهالاشياء متوقعه

شركات الطيران قامت تعوض برفع بعض الرسوم ...

بعد فتره اتوقع انهم يتشددون قي بعض القرارات وذالك لتقليص بعض الخساير

يعني اذا طافتك الطياره ممكن تروح تذكرتك عليك خلاص