أسهم x أسهم = متابعه للسوق =

[nabeels8]

صباح الخير

بوعيد أنا وين دعمي :d​

 

[بوعيد]

الاخ الفاضل بوعيد
اشكرك على سعة صدرك والله يبارك فيك ويحفظك .
ممكن احظى بتحليلكم الفني لسهم
صلبوخ
خصوصا ان هناك زيادة لرأس المال تبلغ 100%
ودمتم

اتفضل سهم صلبوخ وان شاء الله يكسر المقاومه ويحقق الهدف الاول ونتابع معاك بعدين ارتداد السهم

وان شاء الله يكون الشرح واضح على الرسم

 

[بوعيد]

لو سمحت افق قابضه <الصفاة العالميه> اسم الجديد

صفاة عالمي انهى السهم موجة صعود من مستويات 320 تقريبا إلى 740 و بعدها السهم دخل في موجة قصيره نتوقع تكون اول موجة تصحيح وراح يتضح الامر لاحقا المهم ان السهم مقبل على ارتداد بعد موجة النزول ولكن الحذر ان الموجة ماتكون طويله وممكن تفشل بكسر المقاومه فيتراجع السهم لمستويات قريبه من 500 فلس

الدعم والمقاومه على الرسم واقفال فوق 700 فلس ينهي التصحيح والله اعلم

 

[بوعيد]

اخوي بو عيد اذا تحليل سهم واحد ياليت سهم الديره



كنت حاطهم لك بالترتيب

عموما عندي تحليل سهم الديره اهم من الاسهم اللي انا حاطهم

تحملنا الله يجزاك خير

وسامحنا على الاطاله

بارك الله فيك

ولا يهمك والله ودي احلل لك كل اللي طلبت لكن عامل الوقت والجهد والكسل اللي بدا يأثر فينا ويقلل مشاركاتنا هو السبب ولا انت عزيز وغالي

الديره :
السهم عند ادنى مستوى له حاليا
مع ذلك يظل السهم محتمل وصوله لسعر 350 ولعل قلة التداول تدل على رغبة صانع السوق في تنزيل السهم لهذا السعر تقريبا ومن ثم تزداد كميات التداول ويرتفع
السيوله العاليه خرجت اثناء النزول لذلك اي تداول عالي راح ينشط معاه السهم ويرتفع والمقاومات ستكون بسيطه واهمها 460

اختياري للدوليه م ا : يمكن لانها الارخص للمضارب

جيزان .......الاقرب للارتداد للاعلى وعند هالاسعار حلوه مع البحر
تمدين أ.....والله هالسهم ومجموعته مو متابعهم

 

[بوعيد]

صباح الخير

بوعيد أنا وين دعمي :d​

انت عيوني لك يا بوعدول

حياك الله ويشرفنا مرورك

وانت ادرى بالسوق اكثر من تحاليلنا الخبره لها دور

 

[بصرك]

بوعيد يعطيك العافيه سهم اسواق
تداول ضعيف واومر ضعيفه خاصه للشراء
السهم عنده زيادة راس مال بعد شهر تنزل الاسهم وين توجه السهم

 

[ALSALEM]

قواك الله ممكن عارف طاقه مع نصايحك عليه

 

[قدساوي مدريدي]

تسلم ابوعيد وماقصرت
عسى الله يرزقك الجنه

 

[فيصل25]

الامان+ الفجيره

 

[kwk]

[جزاك الله الف خير عساك على القوة دائما

 

[bo_hamood]

زين

زين زين ان شاء الله اعتقد انه انتهى من التصحيح اللي صار عند قاع 1440 و ان شاء الله يكون له ارتداد فعلي

خلنا نشوف باجر

بوعيد ماشالله عليك السهم ارتد توقعاتك يا استاذ وشكرا؟

 

[بوراشد جروب]

إشتقنالك بوعيد وين هالغيبه الطويله ؟ عسى المانع خير ...

يعطيك العافية​

 

[بوعيد]

أسيكو :

السعر الحالي ( اخر اقفال ) : 780

الدعم الحالي : 750 فلس اي اغلاق او كسر بكميه عاليه خروج مؤقت

الهدف الاول : 860 فلس

سبب التوصيه :
كسر المقاومه والقمه السابقه 750 و الثبات فوقها 4 جلسات تداول
المقاومه الحاليه 790 في حال تعدل وضع السوق سيكون من السهل تجاوزها ................والله اعلم

هذه التوصيه كانت عندما كان السهم يتداول عند اسعار 780 واليوم حقق اكثر من الهدف المذكور .....رغم ان السوق كان احمرررر

 

[بوعيد]

إشتقنالك بوعيد وين هالغيبه الطويله ؟ عسى المانع خير ...

يعطيك العافية​

الله يعافيك يا بوراشد موجود ولكن للظروف احكام ودخولي للنت قليل جدا

 

[بوعيد]

الاخوه اللي ماقدرت ارد عليهم لانشغالي و ادري الجماعه الكل حاب يتطمن على وضع سهمه ووضع السوق
والله لو كان الواحد يملك الوقت الكافي لحللت لكم كل الاسهم حتى الموازي

بس والله ضيق الوقت مشكله

راح احط تحليل للتالي ومن اختياري هالاسهم وان شاء الله يكون فيهم توضيح للاخوان وتفصيل وفائده :

المؤشر السعري

زين

اجيليتي

اكتتاب

د للاجاره

سهمين اختيار حسب المؤشرات

موفقين

اخوكم :
بوعيد

 

[بوعيد]

يبدو ان المؤشر السعري على موعد مع رحله طويله مع النزول مع انه هناك بوادر بانفراج محتمل كمرحلة ارتداد لكن اذا ماكانت تتخطى 15500 فسيكون النزول مستمر والله اعلم


الملاحظ ان السوق بعد كسر 15444 مر بمرحلة نزول عنيفه
احتمال ان يستهدف هالنزول 14300 تقريبا وعندها راح نتابع حركة الارتداد هل سيكون قمه اعلى من السابق او يظل ارتداده لموجه عكس الموجه الدافعه ليكمل بعدها النزول مستهدفا 13400 تقريبا

هذا السيناريو لن يكون منطبق على جميع الاسهم خصوصا اللي نزفت الكثير ايضا الارتداد لن يكون للجميع ولكن للغالبيه

عموما ماحدث ليس له علاقه بالوضع السياسي لاسباب ان النزول كان متوقع خصوصا بعد صعود المؤشر القوي من رقم 11980 تقريبا
لكن الشي الغريب هو ان النزول كان قوي والواضح عدم وجود اي قابلية للشراء بشكل عام

في سوق يملك نفس هالاداره الغريبه والغير منطقيه في تعاملها :
فإدارة السوق تستفسر من الشركه عند ارتفاع سهم الشركه بالحد الاعلى ليوم او يومين
فيما ان ادارة البورصه لاتسأل عن سبب نزول السهم بالحد الادنى ولو لشهر كامل فالنزول عندهم امر طبيعي و الصعود يبحثون عن سبب

 

[بوعيد]

اليوم اتضح بعد كسر الدعم اللي ذكرناه سابقا ان تصحيح الموجه الاولى a واللي امتدت 5 موجات من المحتمل تنتهي قريبا قبل 15500 بقليل ويرتد بعدها المؤشر للاعلى في موجة ارتداد مكونه من 3 موجات

الارتداد ممكن يصل بالمؤشر عند 15200 تقريبا
بعدها سيكون هناك الموجه الاخيره المكونه من خمس موجات للنزول وسيتم تحديدها لاحقا فمن السابق الان على معرفة الاهداف وان كانت المؤشرات تشير لاحتمال قريب من 13500

هذا كسيناريو قادم

يعني بإذن الله سيكون هناك ارتداد قريب للمؤشر نتمنى الاستفاده من هالارتداد والانتباه لسهمك خلال الايام القادمه


مع العلم ان المؤشر على المدى البعيد اذا انهى التصحيح المذكور راح يعطينا ارقام ممتازه

متفائل والصبر زين

 

[بوعيد]

غيرت فكرتي في اختيار اسهم معينه

حتى اقدر افيد اخواني بالمنتدى اكثر فقررت اساعد بتحليل السهم اللي يطلبونه

وحياكم الله


اخوكم :
بوعيد

 

[BoDousar]

يسلم راسك بو عيد ومشكور على المجهود وانا معاك متفائل وان شاء الله تفرج ونشوف الارتداد والله يرزق الجميع

 

[عبدالله1]

الاخ بو عيد

مساك الله بالخير
ماعليك امر
المبانى +انجازات
ولك الشكر