نبي نصيحه .... شفر كابريس

الحالة
موضوع مغلق

max11

عضو نشط
التسجيل
13 يونيو 2008
المشاركات
74
ناوي اشتري كابريس 2006 وابي منكم النصيحه ايهما افضل Ls او Ltz
كذلك سمعت من بعض الشباب انه اذا وقفت والسياره شغاله التكييف يصير حار ويشتكون من ذلك عند كل وقوف حتى عند الاشاره .... فهل هذا صحيح ؟

لا تبخلون بالنصيحه .... ولكم جزيل الشكر .....
 

heart

عضو نشط
التسجيل
15 نوفمبر 2007
المشاركات
341
سلام عليكم اخوي انا بنصحك بالي اعرفه

الكابرس انا استعملت موديل2000 طلع عيوني وقطع نار واسترالي مايسوى فلس وفلوسه موفيه
بالنسبه لل2006 هم استرالي بعد من شركه هولدن المملوكه لشركه جنرال موتورز الامريكيه

ال ال تي زد يفرق كشافات والسير الي على البيبان نفس لون السياره وسيدي وكشنات متحركه

ال ال اس نفس المحركات بس انه اقل درجه مافيه الكشافات والسيدي وربلاته سود

اذا انت بتستعمل وتكرف الموتر ما انصحك فيه مر السكراب واسال عن الدينمو او الراديتر وراح تهون

جربت سيارات كثيييير الموتر الي بطيب خاطرك بالكويت ويكرف طبعا في غيره كذا موتر

بس انا اقولك جيب برادووووووو vxوبسسس

اذا تبي صالون تكييف وهم يكرف فورد وبس كراون فكتوريا او جراند ماركيز
واسف على الاطاله
 

صن-

موقوف
التسجيل
1 مايو 2008
المشاركات
116
نصيحة وخر عن الشفر الجديد القديم احسن منة بواجد
 

max11

عضو نشط
التسجيل
13 يونيو 2008
المشاركات
74
مشكور يا أخ heart ويا أخ صن على نصيحتكم
وجزاكم الله ألف خير
 

foxmind

عضو نشط
التسجيل
23 فبراير 2008
المشاركات
1,822
مايمدحونه وانا مثلك كنت باشتري وال 2006 شكثره هالايام كل من جرب الشفر الجديد يقول خرابات اول ثلاث سنوات بعدها يبدأ العذاب
 

max11

عضو نشط
التسجيل
13 يونيو 2008
المشاركات
74
مشكور

مشكور يا أخ foxmind ....فعلا لا خاب من استشار ....
 
التسجيل
30 يوليو 2007
المشاركات
276
الإقامة
الكويت
والله يا جماعه ، انا عندى ثنتين ، والحمد لله ما تعذبت فيهم ابد
والمكيف شغال على طول
انا اللى طلع عينى الفورد ، ومن كثر ما زهقت منه بعته وافتكيت منه
وخذيت كابرس 2008 الحين

يمكن 2006 فيه مشاكل ، ما ادرى
اللى عندى 2003 و 2004 ة 2008
والحمد لله ماشيين عدل معاى ، يمكن لانى ملتزم بالسيرفس ما ادرى

هذى تجربتى الشخصيه ، والله اعلم
 

vette

عضو نشط
التسجيل
20 سبتمبر 2006
المشاركات
543
ناوي اشتري كابريس 2006 وابي منكم النصيحه ايهما افضل Ls او Ltz
كذلك سمعت من بعض الشباب انه اذا وقفت والسياره شغاله التكييف يصير حار ويشتكون من ذلك عند كل وقوف حتى عند الاشاره .... فهل هذا صحيح ؟

لا تبخلون بالنصيحه .... ولكم جزيل الشكر .....

اخوى لا تسأل وايد بموضوع السيارات لان الكل له وجهة نظر تختلف عن الثانى يعنى ممكن اى شخص يقولك هالسيارة موزينة او ماتناسبة ...
بس مومعناته انها ماتناسبك او تناسب متطلباتك.
نرجع للشفر .
المحرك والجير والكهربة والبككس من صنع جنرال موترز والبدى فقط من شركة هولدن .
وجنرال موترز تملك هولدن باستراليا
والسيارة مكفولة على مااعتقد يعنى ان شاء الله ماراح تقط عليها
اذا شريتها من الغانم التزمت بالسيرفس
يبقى حجى الناس يقووولون المكيف يصير حار اذا وقفت عند الاشارة ......
بسسسسيطة
روح حق الغانم وقولهم ابى اجرب السيارة (تست درايف)
وجربها الظهر وطق فيها لفة واوقف بالزحمة وعند الاشارة وشوف بنفسك
يمكن يعجبك ويمكن لأ المقصد لاتسمع كلام العالم لان الموضوع نسبى
مثل ماقلتلك يمكن يعجبك وما يعجبهم
واذا قالك الموظف ماعندنا سيارة حاليا قوله انك شراى ومعزم راح يدبرولك سيارة عشان اتجربها وراح يطلع معاك موظف بالتجربة
وسلامتك
 

مطيري صعب

عضو نشط
التسجيل
4 يوليو 2008
المشاركات
332
السلام عليكم
بالعربي الفصيح انت شنو نوعك بضبط تبي كد ومد مايصلح الشفر كلش صراحه لابد انك تعابل انا من ناحيتي غسلة ايدي منه من شفت واحد من الربع كل شوي رايح الصناعيه مره طقطقه بالمكينه مره المكيف مدري شفيه على العموم كلن وله رايه وانا احترم راي الشباب الي كتبولك الردود وانت عقلك براسك تعرف خلاصك على قولة اخوانا المصريين /// نقطه اخر السطر :)
 
الحالة
موضوع مغلق
أعلى