ابي رأيكم

[ياتفارق ياتحب]

قوه شباب شلونكم شخباركم


شباب انا ناوي اخذ لاب توب

وشفت لاب توب اج بي عند يوريكا

اللى شاشته اتفر +بصمه +كامير +بلوتوث+وايرلس

لقيت 400 وشي شرايكم فيه

وانا ابي اخذه اقساط

وين احسن شركه موجوده

اللى اقل فوائد واقل قسط :d


ارجو الافاده

 

[الكتكوت المتوحش]

تبى نصيحة مجرب ، هدك من اتش بى و اى بى ام و ايسر
وخلك على ديل او توشيبا واطلب لما تشترى ان تكون الكفاله 3 سنوات مو سنه واحده ، وتكون الكفاله يونفيرسال ، يعنى تقدر تصلحه باى دوله بالعالم مو شرط بالكويت

 

[ابــ عمر ـو]

في لاب توب HB نفس مواصفات اللي تبيه واحسن موموجود بالكويت
ومعروض في المنتدي وهذا رابط الاعلان
http://www.indexsignal.com/vb/showthread.php?t=113695

 

[ياتفارق ياتحب]

تبى نصيحة مجرب ، هدك من اتش بى و اى بى ام و ايسر
وخلك على ديل او توشيبا واطلب لما تشترى ان تكون الكفاله 3 سنوات مو سنه واحده ، وتكون الكفاله يونفيرسال ، يعنى تقدر تصلحه باى دوله بالعالم مو شرط بالكويت

عاد غريبه اج بي الناس يمدحونه
وبخصوص الكفاله بقولهم

ويعطيك اللف عافيه على مرورك الكريم

بس ابي احسن اقساط وين

 

[nokia*nokia]

الله بالخير أخوي

بالنسبه للأتش بي جهاز أنتشر بالفتره الأخيره بشكل واسع

وخصوصا في الخليج لكن إحرص أن يكون Intel Core 2 Duo

ولا تقبل بأقل من هالمواصفات مهما كان وبسبب أنه هو الأفضل

في الإستعمال .

وبالنسبة للأقساط توقعاتي بأن إكترونيات الغانم الأفضل .​

 

[بوحمود1]

نصيحة وعشان لاتتحسف اخذلك hp dell toshiba اختار واحد منهم ولكن اخر موديل نزل وعندك الغانم او يوريكا عشان الاقساط

 

[ياتفارق ياتحب]

الله بالخير أخوي

بالنسبه للأتش بي جهاز أنتشر بالفتره الأخيره بشكل واسع

وخصوصا في الخليج لكن إحرص أن يكون Intel Core 2 Duo

ولا تقبل بأقل من هالمواصفات مهما كان وبسبب أنه هو الأفضل

في الإستعمال .

وبالنسبة للأقساط توقعاتي بأن إكترونيات الغانم الأفضل .​

يعطيك العافيه اخوي وماتقصر

ومنك نستفيد

 

[ياتفارق ياتحب]

نصيحة وعشان لاتتحسف اخذلك hp dell toshiba اختار واحد منهم ولكن اخر موديل نزل وعندك الغانم او يوريكا عشان الاقساط[/QUOTE


اي هذيل اللى حاطهم برأسي
يعطيك العافيه خيوو

 

[nokia*nokia]

يعطيك العافيه اخوي وماتقصر

ومنك نستفيد

الله يعافيك ياخوي

وأي استفسار انا حاضر

وموفق بإذن الله​

 

[ياتفارق ياتحب]

بس شباب الغانم الناس ماتمدحه واللى خلاني اشك اكثر السعر يعني لقيت لاب توب عنده الغانم 420 ولقيته عند يوريكا 470 مع انه نفس المواصفات

 

[albttar]

تبي نصيحتي وخر عن هذا الجهاز روح يوريكا وإسأل عن توشيبا 13 إنش يكون سعره كاش 499 دينار إنتل كور 2 ديو 2.4 الحلو في هذا الجهاز يكون نازل عليه الفيستا البزنيس وفي نفس الوقت يكون معاه بالكرتون وندوز أكس بي بروفيشنال الأصلي يعني تختار بين النوعين الجهاز روعة وما فيه مشاكل .( السعر نفسه عند الوكيل ) .


وبالنسبة للأقساط الغانم ويوريكا نفس الفايدة آنا مجربهم وعارف الفايدة ما تختلف بينهم .

وبالتوفيق .








.

 

[فاضي حدي]

اخوي يوريكا عيبهم يلزمونك بسعر اقساط 500 دينار اتوقع يعني لازم تشتري اغراض ثانية

روح للغانم الي بالري او الي بالجليب عندهم انواع لابتوبات روعه واقساطهم انا اتوقع اسهل من يوريكا مع اني ماحب الغانم لكن رحت قبل سبوعين اشتري لواحد من الشباب جهاز وقارنت الاسعار والاقساط ولقيت الغانم افضل من يوركا

الغانم يآخذ على 100 دينار بالسنة 18 دينار وانت احسب جم جهازك كاش وتعرف جم يآخذون ارباح

وبالنسبة لنوع الجهاز لا تدوخ راسك ولا شيء انا ماقولك خذ اتش بي او ديل او ايسر

كل الاجهزة نفس الشيء بس الفرق الكفر والشاشة والباقي كله نفس الشيء

يعني لايقولون لك الناس اتش بي احسن او ديل مو زين او بطيخ

اهم شيء عندنا السرعة الاداء صح ولا لا؟؟

لنفرض مثلاً اتش بي مواصفاته ديل كور 2 وسرعته 2.4

والرام 2 قيقا

وكرت الشاشة 512 ATI

وكذلك نفس المواصفات بالضبط ولكن ماركة dell

وين الفرق بينهم؟؟

ولا فرق بس الكفر الي هو الديكور مال الجهاز والشاشة فقط

فقط شركتين يصنعون المعالج الي هي انتل + AMD وكروت الشاشة افضل نوعين NIVDIA + ATI

وباقي الرامات والهارديسك اي ماركة عادي واكيد اللاب توب تكون ماركته كويسه

ادري طولت عليك اخوي لكن انا اعرف حالتك اذا الواحد شاف الاجهزة اهناك يتعقد

واي خدمة اخرى اخوك حاضر

 

[Live4LiFe]

كلام الاخ الي قبلي غير صحيح

والسبب انه في شي اسمه جوده
في لابتوبات مع الفتره اتحسه خلاص ما يعطي شي وتسمع صوت المروحه واشياء غريبه

في لابتوبات لا يبا اترووح معاك ما تقول لا

شوف التوشيبا ماشاءالله صج جهاز
وانا مروو علي الاتش بي والديل والتوشيبا وال جي بعد

ماكو على التوشيبا

اشبهلك اياها بالسيارات هل كل 4 سلندر مثلا نفس الشي للوكالات كلها؟؟!!

مبروك الجهاز مقدما

 

[فاضي حدي]

لا تقول غير صحيح بدون دليل

ياخوي انا اشتغل على الكمبيوتر من سنة 93 يعني قبل لا يدش النت الكويت اعتقد هذاك الوقت عندك ناتيندو وماوصلت للسيجا

وكلامي مو من فراغ ولو تبي تغلط كلامي وتقول مو صحيح عطنا ادله واضحة

يعني لو تشبهها بالسيارة ،

تويوتا تصنع مكائن ونيسان تصنع مكائن

لكن البدي وباقي القطع من شركات مختلفه

اهني وين تركز لما تدورلك سيارة؟؟

اكيد تختار الماكينة 4 سلندر او 8 وكذلك تختار نيسان او تويوتا

وبعدها عاد تختار اي الشركات الي تصنع البدي وباقي القطع

ونفرض لقيت سيارتين كلهم ماكينة تويوتا 8 سلندر اهني وين يكون الفرق؟؟ اكيد البدي وباقي القطع

انا سبق وذكرت فقط شركتين بالعالم ينتجون المعالج الي اهم انتل و Amd ولديهم مديلات وسرعات تختلف

وانا انصح بالانتل لأنه مانزل عيوب فيه والـ Amd الجديد افضل من القديم لأن القديم كان يحتر ويسبب بطء بالجهاز ولكن عدلوه الحين ولعلمك الـ Amd أفضل حق الالعاب والجرافيكس

لاتقول الكلام مو صحيح وانت ماعندك دليل

وترى الـ Ibm أفضل من التوشيبا لكن عيبه الوزن وهذا الي نزل سعره وماعليه طلب كثر التوشيبا

حبيبي اشتر نوكيا وانسى سوالف الاب توب خلها حق اهلها

 

[ياتفارق ياتحب]

يعطيكم العافيه شباب وماقصرتو