jeme_E
عضو مميز
السلام عليكم
مع اهمية التداول بالانترنت اليوم
قررت اكتب هل موضوع المتكرر لعل الله يجعل فيه فائده للاخوان
ويفكهم من حر الصيف
وانصح الجميع بفتح حساب تداول بالانترنت لو ماتبيه يمكن تحتاجه
واغلب الشركات والبنوك الان توفر حسب علمي
اخي الكريم هناك اكثر من موضوع فتح عن شركات التداول
انا قبل كنت اتداول اني اروح اشتري او اروح ابيع وكانت متعبه جدا
خصوصا مع الحر ومشاكل المواقف
فتحت لي اشتراك في الكويتيه للوساطه الماليه
شاشة المتابعه مالتها حلوه حيل وتقدر تختار اسهم على كيفك
مجموعة اسهم تتابعهم بدال تتابع السوق كله اريح
ولكن اذا تبي تبيع او تشتري لازم انترنت مافي خدمة التلفون
والاجل لازم تروح توقع العقد عندهم او تعرف دلال
-------------
الشركة الكويتيه للوساطه الماليه
حاليها اسمها الوطني للوساطه الماليه
فتح حساب الانترنت للتداول فوق 10000 دينار
يمكن غيروها مادري تستفسر منهم احسن
للاسف خدمة التلفون غير متوفره اذا ماتعرف لك دلال معين
والاجل لازم تروح لهم توقع عندهم
شاشة المتابعه مالتهم حلوه حيل تختار اسهم معينه تتابعها
بدال لا تتابع السوق كله وتدوخ تدور السهم
اكبر عيب فيهم لو تتصل عشرين مره يمكن مره يردون عليك
خصوصا المحاسبه لو تبي تطلب شيك
ولو تطلبه بالانترنت يمكن يتاخر الطلب شوي
ولازم تسحب كل الكاش وترد بشيك اللى ماتبيه من البنك
يعني تصرف الشيك وترد ترسل لهم شيك ثاني
والكسور لازم تروح تبيع عن طريق الدلال
عنوانهم
http://www.q8tia.com/
------------------
بنك الشرق الاوسط
فتح الحساب فوق 500 دينار
وفتحت فيه حساب
وما يحتاج اسكر حسابي لان هم يعطوني رقم تداول خاص بالبنك ماله
علاقه برقم البورصه فقمت اتابع بالشركة القديمه واشتري وابيع بالاوسط
وسرعة اوامر بالنسبه لي زينه ما نقدت عليها بشي
وتقدر تشتري بالتلفون لو ماعندك كمبيوتر والاجل ممكن تشتري بالتلفون
بس مافي شاشة تداول الا عن طريق الاوسط برو اب 20 شهري
تقدر تاخذ اي مبلغ من رصيدك على كيفك مو شرط مبلغ معين
والتحويل الاحد والثلاثه ومرات اي وقت يحول على طول
وتقدر تدخل اي مبلغ من اي حساب بالشرق الاوسط
للمحفظه بس يكون فوق 10 دنانير
مرات تتوهق على العومله لو تبي تشتري سهم وتكون شاري غيره
والفلوس تقصر
والكسور تبيع بالكمبيوتر وتشتري فيه بس لازم تكون الكمية معروضه
بالتلفون على كيفك
عنوانهم
https://www.bkmeonline.com/servlet/ControllerServlet
تلفونهم
802000
داخلي اضغط
1
7
2
---------------
البنك الوطني
فتح الحساب فوق 5000 دينار
تحويل الفلوس من المحفظه للحساب فقط الاحد من كل اسبوع
وتقدر تخصم اي مبلغ تبي
فيه شري وبيع بالتلفون والانترنت بس اجل مافيه
وشاشة المتابعه تحدد لك عدد اسهم يمكن 5 تقدر تتابعهم فوري
وسرعة اوامره زينه
والحين بيغيرون شاشة التداول وبصراحه ماجربت الجديده مالته للحين
يمكن احد الاخوان عنده فكره احسن
http://www.nbk.com/ARABIC/default.htm
تلفونهم
803111
--------------
بنك الخليج
اعتقد فتح الحساب 500 دينار
شاشة التداول مالته حلوه وفيه تلفون وكمبيوتر بس مافي اجل
وياخذون عموله نص دينار على كل صفقه للبنك
http://www.gulfbank-online.com/
-----------
بيتك للتداول
مال بيت التمويل
فتح الحساب 500 دينار
صراحه ماعجبني لانه ثقيل البرنامج مالهم (( والعيب بكمبيوتري متخلف ))
مع العلم فيه متابعه
بس لكل الاسهم ماتقدر تحدد مجموعه والتداول فقط بالاسهم الشرعيه
https://********.com/MICSite/
تلفونهم
842000
============
اخي الكريم اغلب الشركات فيها الحين متابعه بالكمبيوتر وتقدم الانترنت
ولكن انا اتجهة للبنوك لان اكبر وتوفر خدمات اكثر بسبب قوة امكانياتها
وانصح بالبنوك او تفتح بالشركة اللى انت فيها الحين تداول الكتروني
وتروح للشرق الاوسط تفتح حساب وتداول عندهم او اذا شغلك كله
كاش تدخل الخليج او الوطني اذا امدحوه الشباب
والحريه كامله لك
واتمني من الاخوان اذا احد عنده فائده عن شركه جربها او تعليق
على ما ذكرنا يفيدنا اكثر مشكورا
وجزاكم الله كل خير وبارك الله فيكم
ملاحظه : البنوك اغلبها تبيع وتشتري كسور على ما اعرف
