:!@!: هل قابلت أو قابلتي احد اعضاء المنتدى على الطبيعه ؟؟ ( ارجو التفاعل ) :!@!:

[TAHOE]

بصراحه انا ماشفت احد منهم بس يمكن لو اشوفهم يمكن اعرف احد منهم بس حتى لو كنت ماعرفهم الصراحه اتشرف بمعرفتهم ومعرفة اعضاء المنتدى لانهم وايد محترمين ومعلوماتهم ومواضيعهم مفيده جدااا ومعرفتهم كنز
وهذا شرف لي اني عضو بهذا الموقع

ودمتم سالمين

 

[albttar]

في عضو في المنتدى من أعز ربعي مثل مايقولون أخو دنيا وأهو إللي قالي عن هالمنتدى الرائع بأعضائه الطيبين وإللي أتشرف بمعرفتهم جميعا وبلا إستثناء .

ومرة تعرفت على أحد الأعضاء من خلال بيعي له جهاز من خلال المنتدى الصراحة إنسان قمة في الأخلاق .
شكرا بوسعود .

شكرا للأعضاء الكرام والكريمات .




.​

 

[zoya_y]

شكرا لكم جميعا ... مروركم اسعدني واسعد بوسعود بارك الله فيكم

 

[MOHAMMED11]

انا تشرفت في مقابلة الاخ ( دايركتر )
انسان والنعم فيه وتقابلت معاه اوّل مره في رمضان بالمسجد الكبير
وبعدها تكررت اللقائات
رجال والنعم فيه ،، بس له فتره مايشبك ولا يتصل
الله يحفظة وين ماكان


موضوع جميل
الف شكر

 

[(طموح وقنوع)]

خووووش موضوع ابوسعود وانا طرحت مرة موضوع مشابه بس مااذكر بالضبط شنهي الصيغة.
عموما اتوقع تصير مفاجآت لو يطلع ابو سعود شايب عمرة ستين سنة ولايطلع ليو اسد صجي ولايطلع شرياص ولد ابو 16 سنة ولايطلعون بعض الشباب اللي نتوقعهم من طوال الشوارب بنات
يامعود خلنا جذيه احسن​

 

[sa3od29]

انا قابلة من اعضاء المنتدى ما يقارب 15 شخص ومنهم 6 ربعي الخاصين الي شبه يوميا اشوفهم ومن غير الي تعاملت وياهم في بزنس طبعا كلهم محترمين وفيهم الخير ورجال ونعم الرجال والي ماحالفني الحظ اتعرف عليه اتشرف بمعرفته وخصوصا مجموعة الزعامة الي هم اربع اشخاص في المنتدى

 

[الحمرانيـ]

بصراحه انا قابلت الحمراني وكان بصراحه نعم الشخص ، وقام بكرم الضيافة بديوانيته أثناء بيع جهازي له .....
والاجمل من ذلك بعد عودتي منه ووضعي ملاحظة أني بعد الجهاز لأجد منه إجراء جميل ومديح

ماعليك زود طال عمرك

 

[بوسعود66666]

لا احد يسألنى منو قابلت فى المنتدى بس للاسف شخص مايعرف الصدق

 

[هموم وكدر]

السلام عليكم

على طاري قابلت احد من المنتدي ذكرت موقف نادر الواحد يشوفه

كنت من جم سنه بشات وصارت مشكله بين اثنين قلت ادخل بينهم واسطه

خيرررر وبالموت سكرنا هوشتهم لانها قربت توصل برااا الانترنت المهم بعدها

بيوم بالدوانيه ولا ولد عمي زهقان من واحد متهاوش وياه قلتله هذا نت طوف

شويه ولا ولد عمي الثاني دخل الدوانيه وهم معصب من هوشه بالنت

طلعوا عيال عمي وانا كنت واسطه خير بينهم على فكره خليتهم يومين ما

يدرون عن بعض وناسه ابي اقزرها عليهم

 

[بوسعود66666]

السلام عليكم

على طاري قابلت احد من المنتدي ذكرت موقف نادر الواحد يشوفه

كنت من جم سنه بشات وصارت مشكله بين اثنين قلت ادخل بينهم واسطه

خيرررر وبالموت سكرنا هوشتهم لانها قربت توصل برااا الانترنت المهم بعدها

بيوم بالدوانيه ولا ولد عمي زهقان من واحد متهاوش وياه قلتله هذا نت طوف

شويه ولا ولد عمي الثاني دخل الدوانيه وهم معصب من هوشه بالنت

طلعوا عيال عمي وانا كنت واسطه خير بينهم على فكره خليتهم يومين ما

يدرون عن بعض وناسه ابي اقزرها عليهم

لوووووووووووووووووووووووووووووووووول
والله خوش موقف

 

[hassan_abu3eed]

موضوع ممتاز

بس ما شفت اللا يواش ابوحسين رجل والنعم اخلاق ومصداقيه وخدوم

 

[قلب المؤشر]

أنا قابلت الأخ (قريب منكم) في منتدى آخر وهو مايعرفني بمعرفي هذا
ونعم الرجل والله

واللي ودي أشوفه هو ((حــــفار قـــبور)) من غير قصور بالجميع...

شكرآ على الموضوع الأكثر من رائع.

 

[برميت]

يعطيك الف عافيه بوسعود علي الموضع الحلووو

لا والله ماحصلي الشرف ماشفت احد من اعضاء المنتدى

 

[ياسر الروقي]

العضو الهاجري تعرفت عليه بالمنتدى قبل سنه تقريبآ

وتواجهة وياه اكثر من مره اخ عزيز ومن حموله طيبه بدون قصور بالاعضاء كافه

 

[saadkuwait]

 

[نجوم777]

سعد الكويت دشيت مدونتك رووووووووعه .........جزاك الله خير رفعت الموضوع هذا ..... اول مره اشوفه حلوووو مره

 

[نجوم777]

انا صراحه مااقابلت ...وودى اقابل .....ودى اشوف حشر من بعيييييييييييد بس .....وحتى لو بسوى عشاء للا عضاء صعبه يمكن محد يجى ....وحتى لو يجووون لازم كل واحد يرفع لوحه معاه وكاتب اسمه عليها ورافعها نفس الى بالمطار .....

 

[Navigator]

عد وخربط

تشرفت مقابلة الكثيرين من اعضاء المنتدى

اعتقد الرقم يطوف 30

واعضاء الاستراحه قابلت منهم 3

ونعم الرجال

 

[بوالعيس بيك]

ودي أشوف قلم حر وأتعرف عليه

 

[قلم حر]

ودي أشوف قلم حر وأتعرف عليه

اخاف اذا شفتني تتعلق

تعال باجر ناطرك وشوفني وتمقل فيني وتعرف علي

ومن يخلص البيت بعزم اعضاء الاستراحه الطيبين

ونتشرف بمعرفتهم

​