السلام عليكم
شلونكم اخواني وخواتي
انتشرت ظاهره يديده بالمنتدى بدت بالتزايد فتره عن فتره وفعلا صارت شغله لازم اخذ موقف منها وهذي الظاهره اهيا سالفة جيك على الخاص معقوله موضوع فيه 300 رد تقريبا وبين كل ردين كلمة جيك على الخاص ؟
لي متى هذي الحاله المنتدى منتدى عام يا اخوان مو منتدى خاص علشان نجيك على الخاص اذا السالفة صارت جذي ليش الي عنده سلعه مايدز التفاصيل على الخاص لعموم المشتركين في المنتدى ويريح باله!
وياريت احد يفسر لي سالفة جيك على الخاص يعني افهم مثلا انه راعي السلعه اول مره بدز سعر وبعدين لو بغى يدز حق زبون ثاني راح يدز له سعر ثاني ولا شنو !!! دام انه التفاصيل وحده ليش مايتكرم ويحطها بالعام منها الناس تستفيد جميعا ومنها ماله داعي ننطر الاخ متى يشبك ويذكر لنا التفاصيل على الخاص اتمنى من الإدارة تنبيه هذي الفئة من الناس وتلزمهم بذكر التفاصيل
ممكن في ناس عندها خصوصيه وهالشي احنا نحترمه بس الي قاعد يحصل مو خصوصية الشغله صايره مجرد استخدام هذي الحالة لرفع الموضوع بدلا من استخدام كلمة للرفع
واول وتالي ارد واقول هذا راي شخصي فقط ممكن يكون ايجابي وممكن يكون سلبي على المنتدى بس حبيت انبه الادارة بسبب كثرة هالظاهره
ومشكورين
