حسافة عليج يا كويت دخلنا في سنة 2008 .. يعني صار لنا 18 سنة من الغزو .. يعني اللي انولد ذيج الأيام ، تخرج من الثنوية و يبي يدش الجامعة و يبي يتزوج .. يعني فيه جيل يديد طلع .. يعني السنين مرت .. يعني بدينا نكبر و نشيب .. خلال هذي الفترة ، جم شغلة تغيرت بالكويت ، نقولها للأمانة: · فتحنا سوق شرق و المارينا .. و توه هم بطلوا الأفنيوز. · الجمعيات صارت شوية كشخة. · المدينة الترفيهية صار فيها قطار ينقلب! و يمكن جم إشارة سووها دوار .. و حطوا نفق بالدائري الخامس ، صار له دهر و ما خلص .. للأسف ، راحت الأيام اللي الناس كانت تحسدنا لأنا كويتيين ، يوم كنا النموذج ، الناجح و الكل يشوفنا و يقلدنا ، و وده إصير مثلنا .. صرنا آخر عمرنا المساكين اللي نكسر الخاطر ، الناس كلها طايرة ، و احنا بالغصب نلحقهم على "عربانة و حصان" .. شوفوا الخليج اشلون قام و صار مشاريع و استثمارات و تخطيط و رؤية و تنمية و ناطحات سحاب ، و احنا لما الحين مستانسين على برج التحرير ، لا و ما يخلونا نصعده بعد !! في دبي ، بنوا أربع جزر صناعية تنشاف من القمر ، و بالكويت مو عارفين شيسون في فيلجا ! في السعودية ، بنوا مدن طبية و مستشفيات تخصصية ، و بالكويت لما الحين قاعدين يصبغون مستشفى الصباح و يرقعون الرازي و يطفون الجهرا ! في قطر ، قاعدين يسون مدينة كاملة للطاقة ، و بالكويت ، و بعز الحر ، كل يوم يدقون علينا ، يبونا نسكر المكيفات عشان ما تنطفي علينا الكهربا ! حتى المنتخب فشلنا و رفع ضغطنا .. مسرحياتنا صارت مليقة ، مسلسلاتنا صارت سخيفة ,, و الكويتية إن طارت بالموعد صفقوا للكابتن ! جسر الصبية خو من انولدت و أنا أسمع فيه ، القدس راح تتحرر و احنا ليلحين نسوي دراسة بيئية حقه ! الأسعار شبت نار ، و المعاشات ما توكل خبز ، و العيشة كلها أقساط .. بيوتنا أقساط .. سياييرنا أقساط .. حتى حريمنا قمنا ناخذهم بالأقساط ! و عسى ما صارت عطلة أو إجازة ، إن شاء الله 3 أيام ، شفت الناس كلها هجت و سافرت و الديرة خلت .. و الله ما ينلامون الأوادم ، و ين نبيهم يروحون الجزيرة الخضرا ؟؟ و لا النافورة الراقصة ؟؟ حرام و الله الكويت تصير جذي هذا اختصار سوالف البنات و الشباب عندنا بالدوام كل يوم وشكرا لكم
صح لسانك والله للأسف والله ان من دانة الخليج بالسبعينات صرنا لا شيء بالنسبه للخليج على فكرة ترى مو بس الخليج احسن منا حتى الدول المجاوة الاخرى احسن
موضوع يستحق المتابعه ماقول الا اه اه اه على الكويت مادري متى نطور بس قبل لانبي نطور الكويت خل نطور نفسنا ونشيل الحسد والحقد ونحارب الطائفيه والمحسوبيه والواسطات بعدين قولو متى نصير مثل الدول المتحضره
jamalll اشكرك على المرور استاذي وشرف لي مرروورك على موضوعي سهمنا نزل وايد 360 اعتقد عرفته متى صعووووده ؟ مليييييييييييت
وهم نحبج ياكويت وعلي راسي جلحه ملحه احبها اصبخه وغبار وعواصف احبها .... (( اسجد لربي واحمده واشكره اني انولدت كويتي ))
[QUOTE=fullmoon_q8;1343796]و الله ماذبحنا إلا الحسد إلي بينا [/QUOTE] مو بس الحسد الا احنا خربناها - اذا يينا ننتخب ننتخب واحد مو كفوعلشان مشالي معامله-- اذا جنسنا الناعم يو ينتخبون ركظه وره اللي يوزع جنط شانيل وحده تقول للثانيه وييييي ماشفتي الجنطه اللي عطوني اياها -- شوارعنا صايره حلبات قتال حتى الموت ولا التزام بقوانين مرور ولاهم يحزنون واذا حاجيت واحدهم - مد عليك السانه تقول ادلاغ وانت شكو حاطينك شرطي -- كف على ويهك يالخبل اشوف اذا سافرت الدول الاوربيه تصير مثل القمله المقصوعه - وتصير وايد محترم - مو ديرتك يالخبل اولى بالاحترم -- مستشفيانتنا من سنة يدي -- وتلقه الواحد ماسك الزقاره وفوقه علامة ممنوع التدخين ..... وغيره وغيره لو بنتكلم يطلع بلسانا اقشور من الحجي خلوها على الله -- اذا مانعدل نفسنا اول ونصير اوادم نحترم القانون ونحترم حريات الناس ماراح اتعدل ديرتنا --- دعوه لتعديل النفس علشششششششششششششششششششان اكويتنا ياجماعه والله اهي امنا وابونا -- شفتو يوم الغزو ضعنا دعوه من القلب لتعديل النفس
اذا صار قرار صائب وصارم وصفوو النفوس ذيج الساعه انشالله انتعداهم .. واضم صوتي لصوت اخوي بوغمازات . واقول احمد ربي اني كويتي مشكوره على هالموضوع ليلى وبارك الله فيج عـــــاشــت عـــاشــت
