موضوع مهم يرجى دخول الجميع فورا

[boalons]

في شي غلط قاعد يصير بالمنتدى من جم يوم ولازم يتعدل

ياناس الي موقد النصيحه لاينصح

ياكثر مانصحو الاخوه المحللين بالمنتدى وقالوا ان الوضع مايبشر والسوق خروج وبعض الجهلاء ينصحون بالتمسك بالاسهم والمقاومه (قمة الجهل)

وكل يوم موضوع

تنزيلات , الحق لاتلحق ...

السوق اعطى اشاره خروض المفروض نطلع باقل الخسائر ونحاول الرجوع وقت الارتداد وتاكيد من اشاره الدخول وهناك اشارات كثيره تدل على بدايه موجه صعود ومنها واهمها بوجه نظري قيمة التداول

فاتمنى من المراقبين اتخاذ اللازم لعدم التشويش وتظليل ضعار المتداولين

 

[Navigator]

بارك الله فيك وهذا الكلام السليم

 

[Boufaress]

الله يجزيك الخير..

 

[xerox]

طبعا تقصدني اخوي العزيز

الخروج لا يكون الان بخسارة كبيرة بدون سبب

و نعم للخروج في الوقت المناسب

معظم المالكين للاسهم الان خسارتهم كبيرة جدا فهل تريدهم ان يبيعوا

الخروج دائما بوضع حد معين للخسارة فاذا تجاوزت الحد فالافضل عدم البيع

و النقاش يكون بنفس الموضوع

وهل في موضوعي دعوة للشراء

قبل الارتداد ?

اذا لم تفهم موضوعي فهو ذنبك و عليك ان تسالني و تناقشني

مو افتح موضوع و مهم جدا

ولا روحوا يا مشرفين شوفوا هذاك شسوى!!!!

لك احترامي​

 

[المدير]

في شي غلط قاعد يصير بالمنتدى من جم يوم ولازم يتعدل

ياناس الي موقد النصيحه لاينصح

ياكثر مانصحو الاخوه المحللين بالمنتدى وقالوا ان الوضع مايبشر والسوق خروج وبعض الجهلاء ينصحون بالتمسك بالاسهم والمقاومه (قمة الجهل)

وكل يوم موضوع

تنزيلات , الحق لاتلحق ...

السوق اعطى اشاره خروض المفروض نطلع باقل الخسائر ونحاول الرجوع وقت الارتداد وتاكيد من اشاره الدخول وهناك اشارات كثيره تدل على بدايه موجه صعود ومنها واهمها بوجه نظري قيمة التداول

فاتمنى من المراقبين اتخاذ اللازم لعدم التشويش وتظليل ضعار المتداولين

السلام عليكم

للاسف الشديد قله من الاعضاء يطبقون التحليل .

​

 

[الصدق منجاه]

جزاك الله خير على هالمشاركه

الصراحه شكثر ما استغربت خاصه من الاعضاء المميزين والمحللين المحترفين اللي يقولون اللي عنده كاش يمسك اسهمه!!!
والله هذا جهل ما بعده جهل

المشكله الواحد يذبح نفسه بقراءة الكتب وتعلم ادوات التداول
واخرتها ما يطبقها

اهم شي وقف الخسارة
والرجوع للسهم من تحت وبالامان

 

[شرياص العديلية]

مادري منو الشباب ( بل غيتس ... وناصر الخرافي ) يسولفون

السوق عرض وطلب

واحد ربحان ... يقابله واحد خسران

واحد يقط ... والثاني خريط .. قصدي يشيل

نسبه وتناسب ..

تبون كل الناس تكيش وتطلع ...

منو يكون بالجهه المقابله ؟؟؟

في هوامير دشوا في بداية التصحيح ... وانصادوا !

لا تكبرون المسائل ... ومثل ما نزل .. يصعد

الله سبحانه مثل ما خسرنا اليوم ..

بقدرته وجبروته يرفع السوق فوووووق ​

 

[المدير]

جزاك الله خير على هالمشاركه

الصراحه شكثر ما استغربت خاصه من الاعضاء المميزين والمحللين المحترفين اللي يقولون اللي عنده كاش يمسك اسهمه!!!
والله هذا جهل ما بعده جهل

المشكله الواحد يذبح نفسه بقراءة الكتب وتعلم ادوات التداول
واخرتها ما يطبقها

اهم شي وقف الخسارة
والرجوع للسهم من تحت وبالامان

اذكر شخص قال هذا الكلام .

لانه بصراحه فاشل ومتناقض .

​

 

[قنوع ؟]

تحذيرنا السابق على وشك الانتهااااااااااااااء ان شاءالله

 

[شرياص العديلية]

تحذيرنا السابق على وشك الانتهااااااااااااااء ان شاءالله

هذي التعليقات السنعه .. اللي تبرد الجبد

والله انك حبيب يا قنوع ..

 

[الراقي]

موضوع مميز من اخ مميز
اخي العزيز عدم خروج الكثير من المتداولين بعد كسر الدعم لسوق يعود لكثير من الأسباب
1-ان كثير من المتداولين لايعطي اهمية لمؤشر السعري بسبب عدم مصداقية هذا المؤشر ولايعكس الواقع الحقيقي لسوق
2- الكثير من المتدولين لايهتم بتحليل الفني من الأساس في السوق الكويتي ويرجع ذالك الى ان اغلب ارباحهم تأتي من توصية من صديق او قريب
3-ان الكثير من المتدولين تحولو من مضاربين الى مستثمرين ويرجع ذالك الى قناعة الناس ان الأسعار الحالية لبعض الأسهم لشراء وليست لبيع

 

[هموم وكدر]

اقسم بالله و اقسم بالله ما خسرت الا من التخويف

يا عالم يا ناس والله والله والله وصلت خسارتي تقريبا 30 الف دينار على فكره انا

ما اتعامل آجل والله كاش تخوفون الناس تصحيح ومادري شنو

من الحين انا اتحداكم انا للى ما افهم بالسوق وانتم الخبرااااء انا اتحداكم باجر السوق مرتفع

اناااااااااااااا اقولها لكم باجر السوق مرتفع

سؤؤؤال واتمني من المشرفين اذا كانت عندهم عدال يجاوبون من غير الغاء الموضوع

هل المنتديات مخترقه من المحافظ والصناديق ؟؟؟

 

[أسد سليمان ملك]

بارك الله فيك

 

[TAHOE]

اقسم بالله و اقسم بالله ما خسرت الا من التخويف

يا عالم يا ناس والله والله والله وصلت خسارتي تقريبا 30 الف دينار على فكره انا

ما اتعامل آجل والله كاش تخوفون الناس تصحيح ومادري شنو

من الحين انا اتحداكم انا للى ما افهم بالسوق وانتم الخبرااااء انا اتحداكم باجر السوق مرتفع

اناااااااااااااا اقولها لكم باجر السوق مرتفع

سؤؤؤال واتمني من المشرفين اذا كانت عندهم عدال يجاوبون من غير الغاء الموضوع

هل المنتديات مخترقه من المحافظ والصناديق ؟؟؟[
ان شاءالله كلامك صح- و ياكثر التحليلات يا كثرها ياااااو اتصدع الراس - انا رايي المتواضع اذا كان سهمك في شركه تكانه واصحابها هم تكانه وارباحها جيده - خل سهمك عندك وراح برتفع ان شاءالله باول فزه للسوق اما اذا كان سهمك طقة خرخت واصحاب شركته دراكولات - قطه ياريال وخذ لك شي بسوه
ادري رايي هذا ما يعجب المحللين -بس هذا رايي
وسلامتكم

 

[شرياص العديلية]

للبيع القيطون يالحبيب ؟؟​

 

[هموم وكدر]

استغفر الله واعوذبالله من الشيطان الرجيم

قلت السوق باجر مرتفع وبلحظه غضب نسيت ذكر الله .... ان شاء الله السوق مرتفع وسامحوني يا اخوان

الخساره قويه وانا بعت والله يعوضنا ويعوضكم باحسن منها

ولازلت مصر على كلامي ان المنتديات مخترقه من المحافظ والصناديق للتطبيل والتخريع معا

وبالله نستعين

 

[Navigator]

شرياص العديلية
عضو نشط


تاريخ التسجيل: Oct 2005
الدولة: سوق الحمام
المشاركات: 777

عدد النقاط : 1723


انا مالي شغل

 

[TAHOE]

للبيع القيطون يالحبيب ؟؟​

لا اخوي مانبيع برخيص يالشرياص

 

[قنوع ؟]

استغفر الله واعوذبالله من الشيطان الرجيم

قلت السوق باجر مرتفع وبلحظه غضب نسيت ذكر الله .... ان شاء الله السوق مرتفع وسامحوني يا اخوان

الخساره قويه وانا بعت والله يعوضنا ويعوضكم باحسن منها

ولازلت مصر على كلامي ان المنتديات مخترقه من المحافظ والصناديق للتطبيل والتخريع معا

وبالله نستعين

ما عليك خوف مادام ان ذكر الله بقلبك سبحانه

واعلم ان الرزق بيد موزع الارزاق سبحانه

والله يعوض عليك خسارتك وان شاءالله يوفقك وترد خسارتك باذن الله

 

[شرياص العديلية]

الله يعوضك خير ..

وتغير نكك الى

أفراح

آسف

سرور

وأشوفك بكيفان عند مسجد العلبان ..




















طول بالك يالحبيب ...

والله العظيم جد جد كدرتني يا هموم

دز لي رقمك عالخاص

بسولف وياك ​