الرجاء من الجميع المشاركه للاهميه

الموضوع في 'اعلانات العقار' بواسطة MUSAED77, بتاريخ ‏15 يوليو 2008.

حالة الموضوع:
مغلق
  1. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    عندي سؤال مهم للجميع :

    مثلا

    (( انا تزوجةاليوم وعمري 30 وطابة من الاسكان بيت ونطرت دوري ووصل دوري بعد18 سنه في اخر الدنيا بعدين قمت وبنيت البيت خذا من وقت سنتين وسويته دورين علي قدر ال 70 الف مالت بنك التسليف ووصل عمري 50 سنه وقمت سكنت في دور واجرت دور لاني من الطبيعي راح اكون مطلوب فلوس لانه ال70 الف ما راح تكفي والاجار راح يساعدني )) .

    الناتج النهائي :
    1- حصلت بيت وانا عمري 50 سنه (اخر عمري وطول عمري بشقه اذا بيت ابوي صغير او ما يكفي ).
    2- بعد ال 50 سنه حصلت دور واحد لي والي اسرتي وراح اكون محتاج الاجار مو اقل من 6 الي 7 سنوات علشان اسكر ديوني .
    3- بنك التسليف راح يبدي القسط وانا عمري كبير فوق 48 سنه يعني متي اسكر القرض مالهم ( يعني اعيالي راح يدبسون بالقسط (( يعني بدال ما اورثهم فلوس اخليهم مطلوبين للبنك التسليف لانه من الطبيعي البنك راح ياخذ من واحد من عيالي القسط )).
    4- موقع البيت اللي راح يطلعلي حيل بعيد عن اهلي وجماعتي مو اقل من ساعه بالسياره اذا كنت ساكن بالمناطق الداخليه .
    5- اذا بتزوج واحد من عيالي وين اسكنه اكيد باجر له بره .
    6-
    7-
    8-
    ........................

    المجال مفتوح لكم لوضع المشاكل المحتمله لهذا الوضع الي ممكن يكون لاي شخص وصل عمره 30 وكتب كتابه.


    (( ممكن احد يقولي المؤسسه العامه للاسكان مع بنك التسليف

    وين بوصلونه ))

    انا اقولكم بوصلونه انه
    نعيش بشقه ونموت بشقه
     
  2. مال و أعمال

    مال و أعمال موقوف

    التسجيل:
    ‏30 يونيو 2008
    المشاركات:
    194
    عدد الإعجابات:
    0
    والله كلاامك صح
     
  3. خوش خبر

    خوش خبر عضو جديد

    التسجيل:
    ‏1 يناير 2006
    المشاركات:
    669
    عدد الإعجابات:
    0
    القسط

    ما فهمت شىء ؟ وشنو المطلوب باختصار :)
     
  4. من الكويت

    من الكويت عضو جديد

    التسجيل:
    ‏9 ابريل 2007
    المشاركات:
    1,135
    عدد الإعجابات:
    0
    مكان الإقامة:
    دولة الكويت
    سلام

    ولاااااااااااااا أنا صح صح شنوووو المطلووب
     
  5. just_a_guest

    just_a_guest عضو نشط

    التسجيل:
    ‏2 فبراير 2007
    المشاركات:
    392
    عدد الإعجابات:
    1
    المطلوب مصحح لغوي ..هههه
     
  6. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    المطلوب

    المطلوب لا مصحح لغوي ولا شي المطلوب راي في الموضوع

    واللي قاعد يحصل لكل واحد يتزوج وعمره فوق ال 30 هذا مصير يعني بالعربي الدوله مو قاعده تعطينا حل حق المشكله الاسكانيه بل بالعكس قاعده تخبط وحنا ضايعين بالاجارات . وابي راكم وتعليقاتكم .

    ملاحظه :
    واللي مو هامه الموضوع لايتعب نفس بالكتاب اللي مالها هدف ويتعبنا بالقراءه الغير هادفه
     
  7. جورج المطيري

    جورج المطيري موقوف

    التسجيل:
    ‏21 يونيو 2008
    المشاركات:
    321
    عدد الإعجابات:
    0
    قبل الغزو قدم تاجر من تجار الكويت مشروع للكويتيين اهو على ما اتذكر المرزوق قالهم مابي منكم فلوس ولا ابي منكم ارض وكان مشروعه يردم قطعه من البحر ويسوى عليها مشروعه فلل فخمه للكويتيين وعالبحر وكل شي على حسابه وحتى المشروع كان نظام بي او تى يعنى مايبييستملك الارض فلوسه راح ترجع له يعنى بدال ما الناس يقاسطون بنك التسليف يقاسطون المرزوق بنظام حمايه للطرفين من قبل الدوله
    بصراحه كان مشروع ناجح ومدروس من كل النواحي
    شنو الى افشل هالمشروووع؟؟؟
    قال المرزوق ابي بس المشروع يكون اسمه لؤلؤة المرزوق مع ان الحكومه كانت موافقه عالمشروع عشان الاسم رفضت المشروع كامل
    تدرون لو نظرت الحكومه نظره مستقبليه جان موافقه على هالمشروع وتحفيز باجي التجار
    جان الحين مافى ازمة سكانيه جان الحين عندنا لؤلؤة المرزوق ولؤلؤة الغانم ولؤلؤة الخرافي والى اخرى من هالعوائل الكريمه مشكلة الكويت انها اكثر دولة تخطط واخر دولة تنفذ وهذا مو كلامى هذا كلام وزير من سلطنة عمان قال احنا مانتعب بالتخطيط الكويت فيها مخططات لكل المشاريع بس محد يطبق احنا ببساطه ناخذ المشروع ونطبقه
     
  8. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22

    انا اعتقد يا خوي جورج ان الحكومه ما ارفضته علشان الاسم ارفضته لان طلع واحد من اياهم الحساده وقال اشمعنه هالمشروع ياخذه المرزوق -- قضيه حسد-- واللي ينضر فيها ديرتنا والشعب الكويتي وبالتالي نتاخر عن دول العالم
    ودمتم
     
  9. جورج المطيري

    جورج المطيري موقوف

    التسجيل:
    ‏21 يونيو 2008
    المشاركات:
    321
    عدد الإعجابات:
    0
    هلا

    اخوي اول شي مشكور عالتعقيب ثانيا انتا حليتها بنفسك وقلت طلعلهم واحد من الى يحسدون ويقولون اشمعنا فلان
    وهذا دليل انه مافي قرار ولا في قياده
    انا لو مكانهم اقول للحاسد اذا انتا تغار منه اخوى سو مثله واحنا حاضرين
    اخوي الخرافى اكبر مستثمر في مصر يستقبلونه بالمطار استقبال الرؤساء
    ماسئلت نفسك ليش ما استثمر بالكويت هل اهو يكره انه يصير حلاله جدام عيونه بالعكس شاف البيروقراطيه والمحاباة وتغير القوانين والنظام الفاشل الطارد للاستثمار
    تدرى ان شركة مرسيدس بنز كلمت الكويت عشان تقيم ثاني اكبر مصنع سيارات عشان يكون موزع لكل الشرق الاوسط
    كان هالمصنع بس يوفر 3000 فرصة عمل تدرى قالولهم شروط تعجيزيه نحشوهم راحوا خاطبوا دبي مع ان موقع الكويت الجغرافي احسن
    دبي سووولهم ارضيه كنكريت مع مسافط خاصه وقربوهم عند الميناء
    والحين روح شوف المصنع شغال بدبي كانه خلية نحل
    هالشي الى يقهر وتبينا نتطور صدقنى صعب
     
  10. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    باختصار

    قضيه حسدوالمحاباة وتغير القوانين والنظام الفاشل الطارد للاستثمار وعدم وجود الاماناء بالمكان المناسب بل العكس
    وعندنا هذا المثل اهو اللي ماشي ( من صاها عشى عيال )
    سواء حلال او حرام مو مهم
    واللي يبوق يقولون عنه ذكي ومحد يحاسبه.
    والدوله والحكومه تبي جذي مثلا

    (( انا بالدوام عندنا سلفه فلوس كل شهر حق الاداره تصدق مسؤلي يحرقها كلها سواء محتاج واله لا قلت له ليش الفايض ترده قالي اذا مثلا معطينا 1000 دينار وفاض 300 الشهر الجاي يعطونه 700 دينار ويقولون انتوا كافيه عليكم 700 دينار علشان جذي احرقها ( يزيد ولا ينقص).


    هذي هي الزبده
     
  11. wsuwsu

    wsuwsu عضو جديد

    التسجيل:
    ‏30 يناير 2008
    المشاركات:
    65
    عدد الإعجابات:
    0

    و الزبدة أيضا من موضوعك إنك تبي الناس تشتري بيوت قبل ما يصير عمر الواحد 50 سنة.....

    يعني ما ودك البيوت تطيح ...و الشباب الي مثل و مثل غيري يشترون بيوت ...تبيهم إما إنهم ياخذون قرض مدى الحياة ( ويلتعن خيرهم) ....أو إنهم يأجرون شقة لين يطلع بيتهم....



    شوف أخوي أنا أضربلك مثال فيني أنا...أنا ما كنت أحلم أشتري بيت ....بس بعد القرار الأخير عسى الله يوفق و يجزي من أقرة ...أقدر أحوشلي بيت ..!!

    على العموم الي يقرأ موضوعك ..من الواضح إنك تحث على الشراء علشان البيوت ما تنزل


    مشكور أخوي
     
  12. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0


    وانت من يقراه كلامك يقول عنك خليت الموضوع ودخلت بالنوايه والله يعطيك كل واحد علي نيته انشاء الله


    طرحي للموضوع مجرد فظفظه وطرحت شي في الواقع وليس في الخيال لانه عندي كم صديق تعدي عمره ال 30 سنه وتوه تزوج فطرحنا هذا الموضوع بالديوانيه بين ربعي واختلفنا بالراي وحبيت اطرحه عليكم لاني اعتبرك اخواني انشاء الله بس للاسف :

    1- واحد يعلق ويقول كلام الله يسامحه .
    2- والثاني طلعني تاجر عقار وابي اضارب .


    ملاحظه :

    1- انا اكتشفت انه الكتاب بالمنتديات ما تنفع يا يطلع لك واحد يتطنز او واحد تتهاوش معاه بالكلام يطلعك نصاب او كذاب وانت علي فالك ويكره الناس فيه علي الفاضي .
    2- مع احترامي الشديد لكل من شارك بالموضوع اطلب ايقاف او حذف الموضوع من قبل المشرفين بالمنتدي .

    (( والله والله والله ماقصدت اللي تقول يا اخوي العزيز wsuwsu ))
    والسلام
    :confused::confused::confused:
     
  13. محمد2000

    محمد2000 موقوف

    التسجيل:
    ‏6 فبراير 2005
    المشاركات:
    1,004
    عدد الإعجابات:
    0
    مكان الإقامة:
    الــQ8ــكــويــت

    كرر ......؟ الكلام غير مفهوم ومتناقض
     
  14. Abdulla990

    Abdulla990 عضو جديد

    التسجيل:
    ‏10 نوفمبر 2007
    المشاركات:
    447
    عدد الإعجابات:
    0
    الحمد لله على النعمة اللي حنا فيها
    الله يديمها و يزيدها
    في بعض الدول المجاورة عندهم بعض المواطنين عايشين في بيوت من صفيح (عشش)
    و فيهم ناس ماتوا من البرد في الشتاء و ما كان عندهم حتى بطانيات يتغطون فيها
    الله يرحمهم و يرحم أموات المسلمين
     
  15. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    بهذه عزالله انك صاج والحمدلله علي النعمه
     
حالة الموضوع:
مغلق