شباب محتاج مساعدة الله لا يهينكم (ضروري)

[ابو عيسى]

السلام عليكم

شباب بسأل عن تخصص ألياف ضوئية للهواتف الأرضية ودي ادرسها بالخارج

انا من حملة شهادة الثانوية العامة -

احد يساعدني على جامعه في الخارج بهالتخصص او معهد يكون بره الكويت


ويستحسن في مصر او الاردن

محتاج هالمساعده ضروري جدا​

 

[zoya_y]

اوخيي أنا ماعرف شنو ألياف ضوئيه !!!
أنت أسأل إذا هالتخصص مطلوب بالكويت بكثره هذا اهم شي
تالي انه تكون الجامعه معترف فيها

 

[ابو عيسى]

هالتخصص لوزارة المواصلات والاعلام و القطاعات الخاصه

الالياف الضوئيه مثل كيبل التلفون نحاس بس هذا متطور جدا وبدل النحاس زجاج

وبخاطري ادور جامعه او معهد خاص يوفر لي تخصص شبكات الياف ضوئية اتصالات

اذا احد عنده فكره لا يبخل علينا

ومن ناحيه الاعتراف انا من احصل اسم الجامعه او المعهد راح اسأل عنها بالتعليم العالي وبالوزاره نفسها

ومشكوره زويا

 

[(فزاع)]

اهلا ً اخي الكريم ..
بخصوص الجامعات وتخصصها ..
ما عندي اي معلومات عنها ..
لكن اللي اقدر افيدك فيه ..
انك تسآل مكاتب اختصاصها ابتعاث طلبه للخارج ..
تقدر تروح اهناك وتسآلهم ..
واللي اعرفه اهو مكتبين .. انت روحلهم اثنينهم واسآلهم ..

الاول موجود بعد دوار مخفر شرق ( شارع القواري ) .. بالعماره الثالثه على ما اذكر ..
الثاني موجود جدام مطافي شرق ( جدام فندق الرايه - شارع التلفونات ) عماره اسمها عمارة الاسماك - الدور السابع او السادس ..
انت روح اهناك واستفسر منهم ..

وسامحني يا اخوي هذا اللي قدرت افيدك فيه ..


مع الشكر الجزيل ،،،

 

[ابو عيسى]

عساك على القوه يا فزاع ماجيت بقصور والله لا يهينك انا بشوفهم والله يكتب اللي فيه الخير

ورايتك بيضه ماذخرت شي عساك سالم