المعنى الصحيح لتلك الكلمات

الموضوع في 'السوق الكويتي للأوراق الماليه' بواسطة بـوغـانـم, بتاريخ ‏18 يوليو 2008.

  1. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    صبحكم اللة بالخير اولا انا بعد ما درست تلك الكلمات وشفت مصادرها ومعناها ووقاتها شفت ان بعض الكلمات بالبورصة العكس
    اولا .. وقف الخسائر هذى كلمه تعني لاغلب الللى يملكون الاسهم انهم يبيعون لوقف خسايرهم طبعا هالكلمه اكتشفها كبار السوق لكي يصورو لاغلب الناس ان هناك خسارة وعليك وقفها يعني بيع اللى شريته بخساره وطبعا انت لو مابعت وصبرت حتما راح يرجع السهم للسعر اللى انت شريته فيه بس يبيله صبر والمده لايعلم فيها الا اللة احتمال شهر وحتمال شهرين

    ثانيا.. اشارة دخول على السهم هذى الكلمه ابتكرها صناع الاسهم لكي يصرفو ماقامو بتجميعه للسهم لانهم جمعو وبعد الانتها للسهم خلو الناس تقول اشاره دخول وفيه ادله لاسهم كثيره راجعو تاريخها وهيا هابطه وراجعو اول ايامها لما تقوم بالجرايد والمنتديات وتجعل كلمه اشاره دخول للسهم تراود الكل ويقتنع فيها اغلب الناس

    ثالثا ..اشاره خروج من السهم ..هذى تعني اشاره دخول لصانع السهم لانه صرف كل مالديه وخترعو تلك الكلمه لكي يقومو بالتجميع مجددا
    رابعا .. بصراحه هذا الكلام استنتجته من واقع اربع سنوات لانى كل ماسمعت تلك الكلمات يكون واقعها العكس طبعا اللى يبيع ولو بخساره وهو في امس الحاجه للسيوله خارج السوق فهذا لا حرج عليه لان الدينار ليومه واذا مانفع ابيومه ماله قيمه اما اللى يبيع وينطر لين ترتفع الاسهم وبعدها يقول برجع عشان اعوض اقوله انت لو مابعت جان بدال ماترجع وتعوض انت راح تبيع وتربح ارجو ان كلامى مفهوم وهذا مجرد راى فيكم من يخالفنى وفيكم من يقف بجوارى ويايدنى
    وتقبلو منى فائق الاحترام والتقدير

     
  2. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    بس في اسهم يا بوغانم ماراح ترتد لسعرها ولو بعد 100 سنه واللي اقظبو السهم علبو انه راح يرجع لسعره بعد ما نزل نزله كبيره اخسرو و لو انه بايعينه في وقت وقف الخساره لكانت خسارتهم اقل ومثال على ذلك سهم المخازن وصل سعره تقريبا 6 دنانير شوف سعره الحين,, هل تعتقد انه راح يرجع لسعره
     
  3. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    اخوى Tahoe انا معاك بلى تقوله وهذى نوعيات نادره ندعي اللة يكون ابعونهم واللى يدش على سهم بسعر خيالى اللة يعينه طيحته تعور واللى انا ذكرته كان سهم المخازم اكثر سهم بهذاك الوقت يروجوله اشاره دخول وجيزان وهو صاعد للثلاث دنانير كذالك كانت الصحف بهذاك الوقت والمنتديات تروجله وهو صاعد اشاره دخول لين اوصلت العقول المدبره للى يبونه وبعدها اخفسو فيهم القاع وانا قصدى قبل لا تقراء كلمه اشارة دخول اسئل نفسك يا من تريد ان تشترى ليش ماصارت اشاره الدخول قبل كتابتها اليوم مثلا قبل شهر او اسبوعين لان قبل شهر او اسبوعين يحاولون يعمون الناس عن هالسهم عشان التحميع واعتقد ان اغلب الناس تعرف ان الصحفيين مثلهم الاعلاء الصحاف ادفعله او صير صديقه يخليه كل يوم بالجريده حتا لو تبي اسمك بالوفيات لمده 10 ايام متتاليه يحطك
     
  4. جمبازي

    جمبازي عضو مميز

    التسجيل:
    ‏6 سبتمبر 2006
    المشاركات:
    1,790
    عدد الإعجابات:
    1

    4 سنوات يابوغانم ...بس ؟؟؟؟؟؟؟؟؟؟؟؟


    وقاعد تنتقد دراسة وعلم

    علماء صار لهم اكثر من 100 سنه ..تتواصل من جيل الى جيل .؟؟؟؟


    يعنى انت قاعد تدعوا ..للتخلف ..وبان الناس تتعلق باسهمهم سنين

    لين يرجع سعرهم ؟؟؟

    ......


    ترا كلامك ..لايعدو كونه خبره بسيطه ..وهى خبره خاطئه ..


    تعلم التحليل يابوغانم ..ثقف نفسك ..ادعوا الناس للعلم ...وليس للجهل

    اثابك الله


    وكلامك مردود عليه بمسألة لازم السهم يرد الى سعره ..ولا اريد الخوض

    فيه ..
     
  5. بو سليمان

    بو سليمان عضو مميز

    التسجيل:
    ‏1 يوليو 2005
    المشاركات:
    8,729
    عدد الإعجابات:
    16
    مكان الإقامة:
    الكويت /عريفجان
    مع احترامي لك و لشخصك يا بو غانم انت عضو توك جديد و كل يوم قاعد تعطي نصايح
    الاخوان المحللين يعرفهم زملائهم بالمنتدي و ان ان لم اقل لك انهم يلتقون مع البعض احيانا و الاخوة الاعضاء فعلا يثقون ببعض و الحمدالله

    انا اقولك وفر نصايحك

    لصالح من يتداعبان تلك الصديقان بلغه الحرب ؟؟


    لعل ماقالة يفيد بعض الاخوان والاخوات

    نصيحة لوجة الله
     
  6. FLOOD

    FLOOD عضو مميز

    التسجيل:
    ‏23 يناير 2006
    المشاركات:
    2,472
    عدد الإعجابات:
    1
    :mad:




    انت متأكد حتما راح يرجع السهم لنفس السعر الى شريته فيه انا اعرف اكثر من سهم مارجع لسعره من 2005 الى اليوم !! واذا تبى اعددلك اياهم :)

    الله يبارك فيك قول بعض الاسهم ممكن ترجع لاسعارها ولا تقول حتما راح ترجع لاسعارها علشان جذى تم ابتكار وقف الخساره الى تذمه علشان ما تنقع 4-5 سنين تتحسر على تجميد فلوسك
     
  7. hassana

    hassana عضو نشط

    التسجيل:
    ‏10 مارس 2008
    المشاركات:
    1,644
    عدد الإعجابات:
    77
    مكان الإقامة:
    الكويت
    ولد خالتي قضب سهم مركز سلطان من سعر 2.500 وللحين معاه 100الف سهم شرايك كم خسارته ممكن تحسبها إذا سمحت :D:D:D:D:D:rolleyes:
     
  8. caca

    caca عضو نشط

    التسجيل:
    ‏25 يوليو 2004
    المشاركات:
    1,285
    عدد الإعجابات:
    106

    اخى الكريم لا احد ينكر ان التحليل الفنى يستغل من صانع السوق...
    واكبر دليل على ذالك ان ليس كل من يجيد التحليل الفنى يكون ربحان....
    لكن ليست بالشكل المطلق الى انت صورتهاا ..
    تقول ان كل اشارة لصانع السوق وانه مسيطر على السوق %100 بالمئة..
    اسمحلى اخى هذه رايك شاذ عن القاعده العامه فانت الغيت التحليل الفنى ولم تذكر ايجابياتة وجعلته سلبى ...
    التحليل الفنى والاساسى هيه اداوت الاساسيه للمتداول ...
    الكل يستخدم التحليل الفنى المستثمر والمضارب لكن تفرق الاهداف والمده...

    خلنى نمسك العصى من الوسط....
     
  9. Rotary

    Rotary عضو جديد

    التسجيل:
    ‏22 ديسمبر 2007
    المشاركات:
    595
    عدد الإعجابات:
    0
    مكان الإقامة:
    الكويت
    ياجماعــه السلام عليكــم ورحمته الله وبركــاته: كــل الكلام المذكــور صـحيح مـن باب تجـربة كـل شــخص بالســوق.
    ولاكــن حطــوا بالأعتبار الأســعار الســابقه كانت نفس مشــاريع الشــركات الضخمه الأن بطبع لا, بمعنى أنه في الســابق المشــاريع قليله والأسعـار متضخمه أو ماهي أســعارها الصـحيحه.
    والأن مشــاريع كــبيرة وأرباح كــثيرة وأســعار أســهم متدنيه.((المشــكله بالتجار الأن يضــع المليون دينار بالشــركه بدل أن يضــعها بالبنك لأنه يبحث عــن الأرباح الســنوية للشــركه بدلاً عــن أرباح البنــوك المــنخفضه, بغض النـظر عــن ســعر الأســهم .


    (( عــبــدك عــلـى عــهــدك))
     
  10. bensaad

    bensaad موقوف

    التسجيل:
    ‏1 ابريل 2008
    المشاركات:
    407
    عدد الإعجابات:
    1
    صح كلامك

    لكن اللي شروا المخازن من كيفهم او واحد راعي مصلحه اشار لهم بالشراء او غشيم !!!!!!!!!!!!!!!!!!!!!!!!!!!!

    اشتر السهم بالسعر المعقول
     
  11. KOCSUBR

    KOCSUBR عضو جديد

    التسجيل:
    ‏11 سبتمبر 2007
    المشاركات:
    42
    عدد الإعجابات:
    0
    السلام عليكم

    طيب شالمشكلة اذا وقف الخسارة و باع وبعدين يرجع يشتري السهم

    نفسه من تحت

    فاذا ارتفع السهم عوض خسارته الاولى و اذا طاف سعره الاصلي يكون

    ربحان من الصوبين
     
  12. bobader77

    bobader77 عضو نشط

    التسجيل:
    ‏12 يوليو 2004
    المشاركات:
    142
    عدد الإعجابات:
    0
    مكان الإقامة:
    الكويت
    ممكن تعطينا اسم الدراسه او صاحب هالكلمات

    اخوي غانم بسك تصريحات وكلام ما تدري انت شنو معناه
    سهم بيان كان 1200
    وجيزان كان 3900
    المجموعه الدوليه 1060
    وغيرهم من اسهم
    شنو الاسعار الحاليه للأسهم ومتى راح ترجع حق هالاسعار والاخوان اللي مسكوها ، شوف حالهم الحين ، الله يعوضهم لانهم اتبعو طريقه امسك السهم اكيد راح يرجع لسعره، وخاصه اسهم في تذبذب في ارباحها مره عندها ارباح ومره عندها خساره وكل ما وزع ارباح نزل أكثر.
    للعلم كل سوق يمر بدوره صعود ودورة نزول
    شوف المؤشر السعري وين كان ووين صار وكذلك المؤشرات للأسهم
    مو معنى كلامي كل الاسهم ينطبق عليها هالكلام
    في اسهم ثانيه كانت نازلة وصعدت وتظل تصعد بس هذي اسهم blue chip وتشغيليه يعني لو ما تصعد تعطيك ارباح تعوضك، بس هم هذي الاسهم للمضارب فيها توقيف سعر لما تكون انت داش بسعر فوق ولها قاع راح ترجعله.
    يا اخوي السوق مرن وفيه أدوات لازم تستخدمها منها التبريد وتوقيف الخساره والاستثمار والمضاربه وغيرها من أدوات لازم تعرف شلون تستخدمها ومتى تستخدمها، لا تجمد على طريقة وحده.
    طبعا، انت قايلي لا أدش على مواضعيك، بس الاختلاف في الراي لا يفسد للود قضية.
    http://www.indexsignal.com/vb/showthread.php?t=113891


    هذا رابط موضوعك القديم " نصيحة لوجة الله"وبنفس الفكرة بس العنوان غير

    للعلم/ حايشني تشائم من السوق في الوقت الحالي واحتمال اكون غلطان بس الحذر واجب، لما يتعدل مسار السوق ويكون بدل النزول صعود اعتقد راح يكون هناك فرص نعوض فيها ، هذا رأي معرض للصح والخطأ والله أعلم
    أخوكم بوبدر
    sick_dr_1
    روم بورصة الكويت
     
  13. hamadxp

    hamadxp عضو جديد

    التسجيل:
    ‏10 يناير 2007
    المشاركات:
    265
    عدد الإعجابات:
    0
    يعطيك العافيه اخوى ابوغانم

    كلامك فيه نوع من الصحه ولكن ليس بالكامل صحيحا

    وسوق الكويت بالذات غير عن جميع اسواق العالم

    والمشكله ان السوق الكويتي يتمتع بشغله عجيبه غريبه

    كل سهم او قروب قاعد يمشي على نظريه خاصه فيه

    مثلا البحر يشب ويطفي بسرعة البرق الحق ما تلحق

    البدر قاعد يطفي صار له سنتين مو مترقع والكل خسران في اسهمه

    وتبي امثله ؟

    منا القابضه قبل ثلاث شهور سعرها ربع دينار تقريبا والحين شوف

    اى نظريه هذي ؟ المدينه العام سعرها حوالي 300 ووصلت 800 بسرعه بسرعه

    اللبنانيه (المستثمرون ) قبل سنه ونص سعرها نص دينار تقريبا والحين 130 فلس

    جيزان كان سعره 3900 والحين 184 ولا راح يوصل لسعره الا بعد قرن او اثنين

    والزبدة ((( السوق الكويتي مدرسة صعبه للغايه تبي قلب جامد وظهر تستند عليه ))

    آسف على الاطاله
     
  14. بوشيخة ليمتد

    بوشيخة ليمتد عضو جديد

    التسجيل:
    ‏29 نوفمبر 2006
    المشاركات:
    318
    عدد الإعجابات:
    0
    يعطيك العافيه كلام جميل
     
  15. info

    info موقوف

    التسجيل:
    ‏10 مارس 2006
    المشاركات:
    111
    عدد الإعجابات:
    0
    ماقصرت يا بوغانم

    اقول صح لسانك مو كل من عنده 40 او 50 مليون قال انا تاجر الناس عندها 1541 سهم مكتتبين فيه وينباع بلكسوور ويفتي بعد لووووووووووول
     
  16. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    انا قلت اللى احس انه يبرى ذمتى بيني وبين ربي وكنت على يقين ان صناع الاسهم راح يكون ردهم عنيف اشوى ولاكن راح اتقبله بحكم الدمقراطيه والاخوه العفويه بين الشعب الكويتي ولاكن انا على يقين ان فيه صناع اسهم يتبعون لمجموعات مصغره تحاول انها تستغل النت وزملاء لهم يستقلون الصحف ولهم زملاء وجودهم بالسوق صباحا وكل هذا لتحريك كوكبه اعلاميه لاسهمهم طبعا هالشي موجديد ولاكن هذا نشاطهم وعملهم واعتقد انى قلت بختام موضوعى هذا راى وفيكم من يخالفنى وفيكم من يايدنى
    ملاحظه .بعض الاخوه اذكرو اسهم ثقيله وقالو فيه ناس شروها وللحين ما ردت لسعارها احب اقوله شروها لما كانت الصحف والمنتديات والدواوين وصاله السوق تروج لهالاسهم انها راح تواكب صعودها وتقدرون ترجعون الى منا القابضه وهى بسعر 1800فلس كل المنتديات والصحف والدواوين اتقول انها راح توصل دينارين ونص وطبعت الناس بسعر 1800فلس وانا كلامى لصغار المستثمرين وليس لصناع السوق او كبار المستثمرين وياليت الاخوان اللى مكثرين من كلمه اشاره دخول يعطونا رايهم بسهم داماك الكويت ههههههههه الظاهر زعل صانع هالسهم لانه مايبي هالسهم ينذكر بالمنتدى عشان محد يلم معاه
    وبالختام اهديكم السلام
     
  17. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    صناع الاسهم راح يكون ردهم عنيف اشوى
    ولاكن انا على يقين ان فيه صناع اسهم يتبعون لمجموعات مصغره تحاول انها تستغل النت وزملاء لهم يستقلون الصحف ولهم زملاء وجودهم بالسوق صباحا وكل هذا لتحريك كوكبه اعلاميه لاسهمهم طبعا هالشي موجديد ولاكن هذا نشاطهم وعملهم

    هذا الموساد طال عمرك !!!!!:rolleyes:

    :D:D:D
     
  18. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    واسواق الاسهم بحر ياخذ منها الموساد اسياف عشان ترسي مراكبه طال عمرك