تخيل معي بعض اشكال الاعضاء المميزين بالموقع

الموضوع في 'إستراحة المنتدى' بواسطة TAHOE, بتاريخ ‏24 يوليو 2008.

  1. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    وانا اتصفح المنتديات بالموقع قمت اتخيل اشكال الاعضاء المميزين
    فمنهم

    الوافي ابومحمد :

    *متوسط القامه
    *يلبس عقال وغترته ينزلها مثل الشيخ جابر رحمه الله بس ما يسوي سبعه
    *لحيته خفيفه بها قليل من الشيب
    *ابيض مائل شويه على سمار
    *متواضع بس مرات يعصب و يكظم غيظه ويبين على ويهه
    *قليل الكلام كثير الانصات

    شرياص العديليه:

    *طويل قليلا
    *امدحدح ذو كرش كويتي
    * يلبس عقال وغترته يرفعها لي فوق وتبين القحفيه
    *ليس لديه لحيه
    *شعر رأسه به كثير من الشيب على الجانبين
    *كله يتنطز على خلق الله

    حفار قبور

    *ما يلبس عقال كله طاقها اجريمبه
    *اسمر غامج
    *كله لابس بلسوت وصباينه بيده ويحوس بمكاين السيارات
    *جسمه معضل اشويه
    *ما يبي احد يكلمه اذا اشتغل بشي وزقارته بحلجه

    زويا

    *طويله وضعيفه
    *شعرها كاريه ناعم
    *بصمات اصابعها ممسوحه من كثر ما اطقطق على الكي بورد
    *انيقه وتحب الكشخه والماركات


    سويت ليلى

    *امرأه محجبه وحجابها شرعي واسلامي
    *تهتم باللبس الاسلامي الشرعي وتحافظ عليه
    *متواضعه
    *امرأه من الطراز القديم النادر في هذه الايام
    *طيبة القلب
    *لاتحب الغيبه او ان يغتاب احد امامها

    فزاع

    *يشبه الصوره اللي حاطها
    *متواضع
    *يحب الاصلاح بين الناس

    قاروه
    *طويل القامه متناسق الجسم
    *يكشخ وقت الدواويين
    *حداق عنده طراد روبالو عليه مكينتين ياماها
    *يحب اكل السمج بس مايحب النويبي
    *عصبي المزاج يطنش الناس بعض المرات
    *طيب القلب

    abu.omar

    *متناسق القامه
    *يدخن غليون او سيجار
    *ما يحب لبس الدشداشه والغتره والعقال
    *يلببس البدله والكرفته في اجتماعاته الرسميه
    *ما عنده لحيه وشواربه خفيفه
    *شعره مائل الى النعومه
    *عصبي المزاج ولكن عنده قدره كبيره للتحكم بالنفس وان يظهر للناس عكس ذلك
    *مجادل شرس
    *محافظ على الصلوات بس متحرر




    تخيلو باقي الاعضاء
     
  2. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    مديرو

    قصير القامه
    مدخن
    ليس عنده لحيه وشواربه خفيفه
    ابيض اللون مائل الى الحمره
    يعتز بلبس الغتره والعقال ويتأفف من الذي لايلبسها من الكويتين الكبار
    فيه تكبر اشويه بس اذا تذكر يستغفر الله
    ما يحب اكل السمج بس يحب الربيان
    مايحب القعده على البحر
    يحب قعدات الربع والسفر
     
  3. Abo Fahad

    Abo Fahad موقوف

    التسجيل:
    ‏8 فبراير 2008
    المشاركات:
    1,260
    عدد الإعجابات:
    0
    مكان الإقامة:
    الكويت
    اذا وصفتني بالشكل الصحيح لك مني هديه

    وراح اعترف لك
     
  4. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    Tahoe


    اشكرك على الوصف والموضوووع المميز في بعض النقاط بعيييده عني :)


    شكرا لك
     
  5. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    فزاع

    *يشبه الصوره اللي حاطها
    *متواضع
    *يحب الاصلاح بين الناس



    بعد عمري والله ..:$
    يبتها رآيت ..:$

    [​IMG]
     
  6. عازف الجيتار

    عازف الجيتار عضو جديد

    التسجيل:
    ‏22 نوفمبر 2007
    المشاركات:
    949
    عدد الإعجابات:
    0
    مكان الإقامة:
    الكويت
    ههههههههههههه الحمدلله اني مو من الحسبه ههههههه

    مشكور على الموضوع الخفيف
     
  7. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    لووووووووووووووووووووووووووووووووووووووووووووووووووووووووووول تاهو والله ضحكتني
    اولا توقعك خاطئ ليش اني موطويله ومتروسه شوي ( العكس ) :eek:
    ثانيا هم توقع خاطئ ليش انه العكس ( العكس ) ;)
    ثالثا توقعك صحيح بلشت تنمسح شوي شوي :D

    رابعا توقع صحيح 100% الماركات فلستني :( :(

    وأنا بتخيل اشلون تاهو صاير :D بس بعد فتره يبيله اطلع كرتي الزرقه :p

    شكرا لك تاهو ليش انك ذكرتني مع المميزين :eek: وهذا ان دل دل على طيبك اوخيي ( خجلتني )
    بارك الله فيك
     
  8. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    صج كوبرا تشابه الصوره الي حاطها :eek: !!!
     
  9. مديرو

    مديرو عضو جديد

    التسجيل:
    ‏29 يناير 2008
    المشاركات:
    1,445
    عدد الإعجابات:
    0
    مكان الإقامة:
    اليرموك
    مشكووور يا صاحب مقولة .. "الحياة من غير نسره .. حياة هادئه :)" .. !!

    وان شاء الله تنكتب لنا يمعه حلوه بالمستقبل ..
     
  10. abu.omar

    abu.omar عضو نشط

    التسجيل:
    ‏18 يوليو 2006
    المشاركات:
    1,246
    عدد الإعجابات:
    0
    مكان الإقامة:
    بالـــ/ خطــ الأحمــْـرُ ...

    مــاشاء اللــه عليك تعال أنت شايف صورتي :)

    *متناسق القامه ( يسـلأم عليك

    *يدخن غليون او سيجار ( مارلوبورا أحمر المفضــل

    *ما يحب لبس الدشداشه والغتره والعقال ( العكس تمامآ

    *يلببس البدله والكرفته في اجتماعاته الرسميه ( جان زين في أجتماعات كله نــوم :)

    *ما عنده لحيه وشواربه خفيفه ( يسلام عليك


    *شعره مائل الى النعومه ( والصلعه واصله لظهري :p

    *عصبي المزاج ولكن عنده قدره كبيره للتحكم بالنفس وان يظهر للناس عكس ذلك ( يسـلام عليك

    *مجادل شرس ( وأستمتع فيــها

    *محافظ على الصلوات بس متحرر ( الله يسمـع منك أن اكون محافظ

    تســلم خيوووو علي القفشات والموضوع ​
     
  11. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    *متوسط الطول 172 سم

    * حنطاوي ومملوح

    *شعرك فيه ردات ومتنتف اشويه لانك في يوم من الايام كنت تستعل الجل

    *مرات تتشدق بكلامك يعني اتقط كلمتين عربيه بينهم وحده انكليزيه

    *تحب تكشخ والناس تنظر لك باعجاب وتحب تمشى بالاسواق الكشخه شاكلة افنيوز

    *تحب اكل الفاست فود وتفضله على اكل البيت

    *شخصيتك قويه بين اصحابك وتحب تقود ولا تنقاد بس ساعات اتيي عليك عكسيه

    *شكلك اتصلي وتقطع (( الله اعلم )) حافظ على صلاتك لو سمحت وله اناديلك -حفار القبور- ينصحك
     
  12. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    بوعمر عن الربربه عاااد

    شكلك مو اقرع - انا هذا تحليلي -- وانفي لا يخطأ
     
  13. maryooma-23

    maryooma-23 عضو جديد

    التسجيل:
    ‏16 يونيو 2008
    المشاركات:
    1,554
    عدد الإعجابات:
    0
    مكان الإقامة:
    الكويت
    انزيـــن و انــا ؟ :( محد تــذكرنــي
     
  14. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22

    انت شكلك غير

    * ابيض بياض العيمي

    *نعوم

    * تحب الموديلات الجديده من الهواتف والسيارات والاجهزه

    *الفلوس ما تهمك وايد يعني تطبق المثل اصرف مافي الجيب يأتيك ما في الغيب

    *تحب السفرات وما تحب اطول بديره وحده وايد يعني مثل النحله تتنقل من ورده لي ورده

    *لبسك المفضل الجينز والتي شيرت الاحمر

    * وااااايد شاعري تقدر الحب

    * بس للاسف جنك ما تحافظ على الصلاة - هم يبيلك حفار القبور ينصحك
     
  15. maryooma-23

    maryooma-23 عضو جديد

    التسجيل:
    ‏16 يونيو 2008
    المشاركات:
    1,554
    عدد الإعجابات:
    0
    مكان الإقامة:
    الكويت
    :( :( :( :(
     
  16. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    * بنت نعومه

    *مو متحبه او حجابج نص تنته

    * شعرج كثيف بس مو ناعم وايد

    * تحبين الماركات بس ادورين التقليد لانه ارخص

    *تحبين السفر بس تلوع جبدج من الطياره

    *عقدتج الزهيوي يعني يحطونج مع ديناصور ولا يحطونج مع ازهيوي

    * ملسونه وتراددين وايد

    * بسرعه تبجين بس كثير من المرات بجوة عياره يعني تمسكن لمه اتمكن

    * حنونه على امج بس على ابوج نسره
     
  17. مستثمر عنيد

    مستثمر عنيد موقوف

    التسجيل:
    ‏4 نوفمبر 2007
    المشاركات:
    1,027
    عدد الإعجابات:
    0
    يالله كل واحد ينقي شخصيته

    1.jpg
     
  18. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    unix

    *يلبس دشداشه ام بزمات

    *طويل القامه ممتلئ الجسم كرشته متهدله اشويه

    * ابيض ويهه امدور مالط اللحيه والشوارب

    * ما يحب الرياضه

    * ما يحب السفر بس اذا مع الربع يمكن

    * يحب البيزه ويعد الفلس فوق الفلس

    * هوايته تيمع الفلوس

    *بسرعه يعصب عليك اذا ما فهمت كلامه

    * حذر ما ينصاد بسرعه ((( ذيب ))
     
  19. maryooma-23

    maryooma-23 عضو جديد

    التسجيل:
    ‏16 يونيو 2008
    المشاركات:
    1,554
    عدد الإعجابات:
    0
    مكان الإقامة:
    الكويت
    لوووووووووووووووووووووووول

    امبيييييه لا لا لا

    بنت نعومه - هذي لابد منها ;)

    مو متحجبة او حجابج نص تنته - صح.. مو متحجبة

    شعرج كثيف بس مو ناعم وايد - بالعكس.. شعري زين بس ناااااااااااعم وايد :)

    تحبين الماركات بس ادورين التقليد لانه ارخص - احيانا.. يعتمد على الشغله اذا في منها تقليد بس شغل عدل.. ليش لا :)

    تحبين السفر بس تلوع جبدج من الطياره - سفرتي بعد جم يوم و صح.. تلوع جبدي من الطيارة و اخاااااااف وايد

    عقدتج الزهيوي يعني يحطونج مع ديناصور ولا يحطونج مع ازهيوي - بالضبـــــــــــــــــــــــــــــــــــــــــــط !!

    ملسونه وتراددين وايد - حرام عليك :( بس اذا كان حقي ضايع يطلع اللسان افا عليك.. غير جذي نــو ! :)

    بسرعه تبجين بس كثير من المرات بجوة عياره يعني تمسكن لمه اتمكن - هم هذي بالضبط.. و بجي العيارة بس وقت الدلع او اذا بساحل احد :p


    حنونه على امج بس على ابوج نسره - لا حرام عليك.. حنونة على الاثنين :)

    مشكووووووووووور على هالموضوع الحلووووووو :)
     
  20. TAHOE

    TAHOE عضو مميز

    التسجيل:
    ‏7 يوليو 2008
    المشاركات:
    4,256
    عدد الإعجابات:
    22
    انت شخصيتك

    * ما تهمك الكشخه وايد ولا تعرف بالماركات

    *قصير ومعضل

    * اسمر وشعرك مفلفل

    *ماتخاف من شي جسور

    *ما يعجبك العجب ولا الصيام في رجب

    * قاسي حتى مع نفسك

    *اذا متزوج متحسف ليش تزوجت واذا اعزوبي كلمتك ( بلا زواج بلا بلوط)