تخيل معي بعض اشكال الاعضاء المميزين بالموقع

maryooma-23

عضو نشط
التسجيل
16 يونيو 2008
المشاركات
1,554
الإقامة
الكويت
لوووووووووووووووووووووووول لا يحوووووووشك مستثمر عنيد.. شخصيتك مرعبه :p
 

TAHOE

عضو مميز
التسجيل
7 يوليو 2008
المشاركات
4,260
الارستقراطي

*شكله مقبول معتدل الطول

* يلبس الدشداشه بس بدون غتره و عقال

*بدون لحيه وشواربه اطوال اشويه وسود

* شبابي

* هادئ

* يحب قعدة البيت وامجابل الكمبيوتر

* ما يحب يجرح مشاعر الآخرين

* يخاف من الظلمه وما يحب طلعات المخيمات والبر

* يحب قعدة البحر ويستمتع بغروب الشمس

* يعلم بالتحليلات الاقتصاديه بس ما يحبها دخل فيها ( مجبر اخاك لا بطل )
 

TAHOE

عضو مميز
التسجيل
7 يوليو 2008
المشاركات
4,260
اعتمد

*ويهه بيضاوي

* لحيته ( ديرتي فيس )

* شعره منفوش

* مستعيل وايد وكله يتلفت وراه

*لبسه هيلقي يلبس اي شي عمره ما لبس دشداشه

* ذكي بس افكاره كور امخلبص

* مايحب يسافر الا حق الدول العربيه

* الي تتزوجه راح تنقرد فيه
 

TAHOE

عضو مميز
التسجيل
7 يوليو 2008
المشاركات
4,260
الله يكتب لج الهدايه و تكملين دينج و نسمع خبر حجابج قريباً بس يكون عن قناعه :)

مشكور تاهو موضوعك زقنبوطي :d


* ويهك ملامحه اكويتي من اهل شرق وفيك جكاره اشويه

* عندك لحيه طويله شيئا ما و يشوبها بعض الشيب بس ما تصبغها توقيرا لها

*تحب الحداق واكل الرقي على الرقعه وتحب ريحة الزفره و تروح سوق السمج مو علشان تشتري بس علشان اتنشق ازفرة السمج

*ما تحب اكل المطاعم واذا اضطريت تروح مطعم( ساكت عجيب) اللي في خيطان

* تحب السفر بس مع العيال

* بار بابوك وامك واهلك وتحب الخير للناس

* ودك يرجع الزمان الى الوراء وتعيش زمان الجندل وسكيك شرق بس حامض على بوزك ( اذا حجت البقر على اقرونها ) خلك من الاحلام يا ريال وعيش زمانك

* الله يهني زوجتك واهلك فيك
 

TAHOE

عضو مميز
التسجيل
7 يوليو 2008
المشاركات
4,260
برميت

*متحجبه بس ما تلبس عبايه

* جميله بس ويها باين عليه اثر الهموم والسهر مع اشوية كبر

* متواضعه

* كلامها فيه اشويه من اسلوب فوزيه الدريع

* ما تخاف من الظلمه حتى لو تسمع اصوات بالليل عندها الشجاعه انه تقوم من الفراش وتشوف شنو السالفه

*تحب السفر بالسياره بس ما تصبر عن الكويت بسرعه تحن لها وتلبح على اللي معاها لمه تنكد عليهم ويردونها ( الظاهر ماكله عين النقرور ونقانقه )عيل ليش اتسافرين مدام ما تصبرين عن الكويت ؟

*متواضعه

* تحب اليهال بس تنزعج منهم بسرعه اذا عفسو دارها

*ماتحب اتشوف احد جدامها يبجي وتنقهر اذا اسمعت قصة واحد مظلوم (يا ما بالسجن مزاليم ياست الكل ) ما تحمليش هم بأه


*
 

TAHOE

عضو مميز
التسجيل
7 يوليو 2008
المشاركات
4,260
فهرنهايت

*ملامحه خليجيه

*عمره مالبس البنطرونات

*هزيل القامه مع اعروده

*ذو لحيه ويحب الدين من غير تزمت

*يحب البخور ودهن العود ويفضلها على العطورات الاجنبيه

*حيي من من غير خجل

*يحب الخرفان وطلعات البر ويحب المندي المضبي ويضرب الخط يروح الخفجي حتى ياكل اهناك المندي ويرجع

*لا يحب الجدال العقيم وينئى عنه

* طيب القلب

* لا يحب التغيير كثيرا سيارته طراز الف وتسعميه وخشبه

* يا هنا والديه في ( الله يهنيكم يا ابوه وامه بولدكم اللقطه) لو عندي بنت جان زوجتها له ( اذا مو متزوج ترى واحد لقطه لا يطوفكم يا بنات ) مو شباب ها الوقت شباب الجل
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
ابي توصف بوراس يابس :D
 

TAHOE

عضو مميز
التسجيل
7 يوليو 2008
المشاركات
4,260
اوصفني يالله خلصني
وراي نوم :(

اسف على التأخير لان الطلبات وايد

* ويهك مدور بس اصغير اشويه

* شعر فيه ردات

* ازقرتي تحب السيارات الكشف بس شعرك ترى ما راح يطير

*تحب الفلوس

* كله اتنبش بالاشياء القديمه وتحب تكشف الاسرار جنك ادور قبابي

* تحب اتعرف كل شي يعني بلاغ شف

* تحب قعدات الربع وتشرب الشيشه المعسل بنكهة الفراوله

* مو متزوج وتفكر بالزواج لمه اتكون نفسك بس بالضبط بعد ما يوصل سهم زين 3 دنانير

*اطنش ربعك وايد وهذا اللي يخليهم يضايقون منك

* تخاف من البريعصي وما تواطن اتشوفه
 
التسجيل
4 نوفمبر 2007
المشاركات
1,027
انت شخصيتك

* ما تهمك الكشخه وايد ولا تعرف بالماركات

*قصير ومعضل

* اسمر وشعرك مفلفل

*ماتخاف من شي جسور

*ما يعجبك العجب ولا الصيام في رجب

* قاسي حتى مع نفسك

*اذا متزوج متحسف ليش تزوجت واذا اعزوبي كلمتك ( بلا زواج بلا بلوط)

مشكور على تحليلك الطيب صراحة !! :)

تعالوا يا جماعة نشوف ويا بعض شخصية تاهووووووو


الشعر سبايكي

البشرة بيضاء

مكرش شوي

يحب يخز اللي رايح واللي ياي

مبسط بالبورصة و محد يسلم منه

دايما مندفع رباعي

شرابك المفضل باربيكان فراولة

اكلتك المفضلة مطبق زبيدي
 

نوط بو 1000

موقوف
التسجيل
6 يونيو 2004
المشاركات
1,426
* ويهك ملامحه اكويتي من اهل شرق وفيك جكاره اشويه

ملامحي كويتيه صحيح.. بس مو من أهل شرق :rolleyes: .. بالنسبه للجكر فالناس تحكم :cool:

* عندك لحيه طويله شيئا ما و يشوبها بعض الشيب بس ما تصبغها توقيرا لها

لحيتي فعلاً إبتدا يطلع فيها شيب :( .. عشان هالشي أحشها مكينه ١/٤ مع الشنب ولا من شاف ولا من درا و عن الدندره :mad:

*تحب الحداق واكل الرقي على الرقعه وتحب ريحة الزفره و تروح سوق السمج مو علشان تشتري بس علشان اتنشق ازفرة السمج

البحر أحبه بس مو صوب الحداق نهائياً .. الزفره أحب ريحتها بالأكل لكن سوق السمج ما أدله (الله يخلي الدانه توصيل) .. الرقي مو ذاك الزود معاه :rolleyes:

*ما تحب اكل المطاعم واذا اضطريت تروح مطعم( ساكت عجيب) اللي في خيطان

العكس تماماً .. ١/٢ مطاعم الكويت يعرفوني و زبون دائم عند فريج صويلح (برياني ربيان وبس) ;)

* تحب السفر بس مع العيال

أحب لكن الواقع دايماً أسافر بروحي مجبور بسبب الشغل و تليفوني ما يسكت منهم :(


* بار بابوك وامك واهلك وتحب الخير للناس

الوالد الله يرحمه و يرزقه الجنه و يجمعني وياه فيها و يكون راضي عني بإذن الله .. الوالده الله يطول بعمرها و يسمع منك و أكون بار فيها و تكون دايماً راضيه عني .

* ودك يرجع الزمان الى الوراء وتعيش زمان الجندل وسكيك شرق بس حامض على بوزك ( اذا حجت البقر على اقرونها ) خلك من الاحلام يا ريال وعيش زمانك

لا لا لا مو لهالدرجه :confused: .. ودي عز الكويت و نفوس الكويتيين يرجعون نفس قبل بس :(

* الله يهني زوجتك واهلك فيك

تسلم .. أنا أقول جذي بعد :cool:

أشكرك إنك عطيتني من وقتك و أمتعتنا بهالموضوع إللي تعرفنا فيه على بعض بشكل غير مباشر و سحبت منا الكلام بشطاره ;)
 

al7bebe

عضو نشط
التسجيل
24 مارس 2005
المشاركات
10,052
اتخيل اكثر الاعضاء من الوزن الثقيل لوجودهم اكثر الاوقات مجابل الكمبيوتر والاكل من حلو واصناف الطعام .:)
 

(طموح وقنوع)

عضو نشط
التسجيل
27 نوفمبر 2007
المشاركات
4,085
حللني يامحلل البشر ولك هدية:)
 

بوسعود66666

عضو مميز
التسجيل
1 أغسطس 2007
المشاركات
15,265
الإقامة
مجلس الوزراء
الحين نسيتو عميد المميز::verymad::::verymad::
 

fullmoon_q8

عضو نشط
التسجيل
14 أبريل 2006
المشاركات
156
حكيم روحاني صاير
الظاهر راح تترك الهندسة وتوصف أشكال الأعضاء
:p
 

Abo Fahad

موقوف
التسجيل
8 فبراير 2008
المشاركات
1,260
الإقامة
الكويت
*متوسط الطول 172 سم

* حنطاوي ومملوح

*شعرك فيه ردات ومتنتف اشويه لانك في يوم من الايام كنت تستعل الجل

*مرات تتشدق بكلامك يعني اتقط كلمتين عربيه بينهم وحده انكليزيه

*تحب تكشخ والناس تنظر لك باعجاب وتحب تمشى بالاسواق الكشخه شاكلة افنيوز

*تحب اكل الفاست فود وتفضله على اكل البيت

*شخصيتك قويه بين اصحابك وتحب تقود ولا تنقاد بس ساعات اتيي عليك عكسيه

*شكلك اتصلي وتقطع (( الله اعلم )) حافظ على صلاتك لو سمحت وله اناديلك -حفار القبور- ينصحك


سبــــــحـــــــــــــــــــان الله هذا وصفي بس مو حنطاوي ابيض شوي:)
 

TAHOE

عضو مميز
التسجيل
7 يوليو 2008
المشاركات
4,260
اتخيل اكثر الاعضاء من الوزن الثقيل لوجودهم اكثر الاوقات مجابل الكمبيوتر والاكل من حلو واصناف الطعام .:)



تعاااال والله نسسيناك يالحبيبي
اسفين

* قبل كنت مملوح بس الحين بينت عليه علاما ت الشيخوخه

*امصلع صلعته مثل صالة السكيتنج

* نظارتك قاعة بطل

*من قدماء البورصه كان على ايام سوق الجت يقعد على الكرسي الحطب اللي بالممر وريل على ريل ويفلب مسباحه ويخوزر بالهنديات اللي يمرون بس وقتها ما كان عنده خبره كله امفلع وخسران بس تعلم الدرس عدل ايام سوق المناخ وتعدلت اموره ( اخذو من خبرته يا جماعه والله ترى حفار اقبور امزهب شبله حقه )

* ذكي وخبرة عمل بالبورصه والحياة ( ما يعترف بالتحاليل والشارتات لان خبرته اكبر من ذلك )


*محبوب عند ربعك من اتقوم لك فريه عوده بينهم يعني مايملون مجلسك

*ايام طفولته كان يلعب دواويم واتيل ( نقوشي بللتيل )

*صاحب اداره ممتاز في االبيت والعمل

* كان رماي شوزن ام بطنين ماهر بس الحين اطيحك الحين عندك امصجمه ديانا وتصيد امدقيه
*
 

TAHOE

عضو مميز
التسجيل
7 يوليو 2008
المشاركات
4,260
حللني يامحلل البشر ولك هدية:)

اشوي اشوي علينا يا جماعه ترى الطلبات وايد

الله يعينك يا الوافي ابومحمد

انت أممممممممممممممم

* اسمراني مايل على الغموقه اشويه

* متوسط القامه امربع اشويه

*تحب اكل اللحم اكثر من الدياي والسمج

*راعي طلعات بر وكله وين مخيمات الربع تروح حتى لو بالصمان

* مالك شغل بالكره يعني لو يسألونك جاسم يعقوب باي نادي يلعب الحين تقول لهم في انتر ميلانو

* طموح بس مو قنوع ومتخفي ورا كلمة قنوع لالالالا موقنوع ينطبق عليك المثل ( نمله تمشي ورا ريح الدسم )

*ذكي في تجميع البيزات بس وين ما اطقها عويه

*لبسك عادي ومتواضع

* سيارتك شكلها جيب باترول حق البران والمخيمات

* قلبك ابيض وشقردي راعي نخوه بس اذا يبي احد يتسلف منك دينار امله بالسلف وامل ابليس بالجنه واحد
 
أعلى