تخيل معي بعض اشكال الاعضاء المميزين بالموقع

[نوط بو 1000]

حلو والله يا نوط بو الف

والله انك عيار , مساعه ساكت ابي احد يعاوني على التحليلات ماكو ,, لان عنواني مو انا بس اللي يحلل ابي كل واحد يتخيل شخصيه واحد من الاعضاء ويحللها ,, بس الحين يوم شفت فيها هدايا ومن لندن بعد طلع صوتك

والله انك (ديايه ومنقارها حديد)

بس على العموم لقيت واحد يساعدني على التحاليل

مشكور يا نوط بو الف ,, بس على فكره متى راح يصدرونك ويطبعونك في البنك المركزي ويطلعونك للتعامل ,, لان الصراحه ملينا من نوط بو عشرين ماييب شي هالايام ؟

لعيون كاكاو لندن مستعد أصير مروان المطوع

بالنسبه لسؤالك متى يطبعوني فهالشي قريب جداً لأن مثل منت شايف التضخم واصل للنخاع و نوط بو عشرين كأنه نص دينار لا يهش ولا ينش و البوك متروس عالفاضي تروح الجمعيه تطلع منها طرق دشداشتك و يمكن ترهن بطاقتك عند الكاشير على ما تكمل الحساب..!!

 

[الأرستقراطي]

الارستقراطي

*شكله مقبول معتدل الطول

كلامك فيه كثير من الصحة بس مايل الى الجكر ،،،

* يلبس الدشداشه بس بدون غتره و عقال

100% لبست الغترة مرة يوم اتزوج ،،،

*بدون لحيه وشواربه اطوال اشويه وسود

صح وفيهم كم شيبه ،،،


* شبابي

وايد ،،،


* هادئ

جدا و اكره الازعاج وامنيتي أعيش في ناطحة سحاب بشارع الشيخ زايد في دبي ،،،

* يحب قعدة البيت وامجابل الكمبيوتر

بيتوتي بطبعي ،،،

* ما يحب يجرح مشاعر الآخرين

ما أنام الليل اذا حسيت اني مضايق أحد ،،،


* يخاف من الظلمه وما يحب طلعات المخيمات والبر

أعشق الظلمة وما أحب طلعات البر ،،،

* يحب قعدة البحر ويستمتع بغروب الشمس

علشان جذي دفعت مبلغ خيالي علشان أعيش مقابل البحر ،،،


* يعلم بالتحليلات الاقتصاديه بس ما يحبها دخل فيها ( مجبر اخاك لا بطل )

لا والله بطل واعتمدت على نفسي ( انسان عصامي لكنه فقير الحظ )


شكرا أخوي تاهو على الفراسة الرائعة ،،، و 80% من اللي كاتبه صح ،،، تحياتي ،،،

 

[TAHOE]

بوسعود وينك الأيام الي طااااااافت !!! طالع بطراد 30 قدم وموماخذنا ​

وينج انتي يا زويا الله يهداج

يله حلليلنا جم عضو من الاعضاء اللي تعرفينهم خلينا نتخيل ها الاعضاء اللي متخفين وراء الكواليس ووراء نكات وما نعرف اسرارهم

 

[برميت]

برميت

*متحجبه بس ما تلبس عبايه

صحيح

* جميله بس ويها باين عليه اثر الهموم والسهر مع اشوية كبر

لالا مايبين علي الكبر

* متواضعه



* كلامها فيه اشويه من اسلوب فوزيه الدريع

لوووووووووووووووووول اعجبتني يمكن والله


* ما تخاف من الظلمه حتى لو تسمع اصوات بالليل عندها الشجاعه انه تقوم من الفراش وتشوف شنو السالفه


لالالالا بهذي غلطان حدي خوافه من صجك انزل تحت

*تحب السفر بالسياره بس ما تصبر عن الكويت بسرعه تحن لها وتلبح على اللي معاها لمه تنكد عليهم ويردونها ( الظاهر ماكله عين النقرور ونقانقه )

عاد ولا مره سافرت بسياره والله يمكن احب السفر بالسياره اكثر

عيل ليش اتسافرين مدام ما تصبرين عن الكويت ؟

شنسوي بعد نغير جوو شويه بس صج ما اقدر اصبر عن الكويت



*متواضعه




* تحب اليهال بس تنزعج منهم بسرعه اذا عفسو دارها

اوووووف اموووت علي اليهال

صاج اذا اعفسوو الدار وانا توني مسويتهااا يويلهم مني

*ماتحب اتشوف احد جدامها يبجي وتنقهر اذا اسمعت قصة واحد مظلوم (يا ما بالسجن مزاليم ياست الكل ) ما تحمليش هم بأه

اي والله بهذي صااااااااااااااااااااااااااااااج



*

يعطيك الف عافيه تاهوو عي الموضوع الحلوو حسافه توني اشوفه

خووووووووووووووووووووووش موضوع

 

[TAHOE]

ميكانيكي


* اقصير ومدحدح

*اقرع من كثر الحسابات والتحليلات

*ما يكشخ الا اذا بيروح دوانية عضو او وزير

*انسان واصل قعداته كله مع الوزراء وكبار الشخصيات

*بالبيت كله يشخط باليهال علشان ما يخلونه يسمع الاخبار

*راعي طلعات بحر وشاليهات بس على مستوى عالي

*ما فيه شي من الرومانسيه

* حاد الطباع جدي وايد الغشمره اطرها منه اطراره

* يحب السيارات الاوروبيه وما يحب السيارات اليابانيه والامريكيه

*ما استمتع بطفولته لان الظاهر وايد اهله صاكين عليه بالدراسه الله يهداهم لمه وصلوه الى مرحلة الجديه بالتعامل حتى مع زوجته وعياله

 

[TAHOE]

يعطيك الف عافيه تاهوو عي الموضوع الحلوو حسافه توني اشوفه

خووووووووووووووووووووووش موضوع :d:d

مشكوره يا برميته على المرور

عاد لحد يزعل تراني ماني مروان المطوع ,,, لا تاخذونها بحزازيه

 

[برميت]

مشكوره يا برميته على المرور

عاد لحد يزعل تراني ماني مروان المطوع ,,, لا تاخذونها بحزازيه

منو بيزعل والله فاضي اللي يزعل

تدري شلون عيل بزعل

 

[acton]

* ابيض مايل على الحمره(اووله احمر بعد لايكون انا ايرش ونا مادري انا حنطاوي)

*شعرك قصير اسود مائل على الشقره ( وصف غلط انا على الموس)

*ويهك مره تحط لحيه ديرتي فيس ومره قفل ومره تسحكها بالمره وتير عليها السيفون(شنو هالحجي بعد )

*طولك 170 الى 175 سم(الطول غلط )

*زقرتي ماتحب القعده الارضيه تحب قعدة القنفات (صح)

* شاعري وتحب التصوير(صح)

* ما تحب لوية اليهال والتكتت (احب اليهال وماحب التكتت)
* تحب المسرحيات والتمثيليات الكويتيه القديمه
(احب كل شي عن الكويت)
*خواف وتخاف من ذلالك وكله تتبع المثل ( ابعد عن الشر وغنيله )(اخاف من السكران بس)

* تنتقي اصحابك بدقه كبيره وبسرعه اتوخر عن اللي يضرك وتتبع في ذلك المثل اللي يقول ( واحذر جليس ضايع الراي يعميك وابعد عن الاجرب ترا هو يعديك )

* احنين وحبوب(انت كده)

*تحب السفر يالطياره وتستمتع بالاقلاع ويضيق خلقك بالهبوط وخاصه اذا كنت على الكويتيه لانها تلوووووووووووع الجبد البنغاليه احسن منها(امم صحيح)

* ما تاكل المرقوق - تحب الربيان (اكل كل شي طباخ واحب اكل الكويتي)

* تحب من الحيوانات الطيور والاسماك فقط

نسبتك 60% تستاهل هديه مني بس علمني شنو هالبرنامج اللي مركبه
ـــــــــــــــــــــــــــــــــــــــــــــــــ
تعال يابو نوط بوألف


دام السالفه فيها هديه من لندن بوصفك و لا تنساني بكاكاو لندن



* حنطاوي و عيونك عسليه و جسمك رياضي و تحب المشي خصوصاً بعد صلاة الفجر .(صحيح)

* متدين في باطنك و متسامح ما تحب المشاكل و المحاكم و دايماً مفوض أمرك لله .(صحيح)

* إمتداد للرعيل الأول و ما تعجبك أحوال شباب هالأيام و تحب العادات و التقاليد الكويتيه .(صحيح)

* شغلك يتطلب السفر للخارج بشكل دائم و هالشي يسبب لك صعوبه بمتابعة البورصه .(صحيح)

* تحب طلعات الشاليه و عندك طراد ٣٦ قدم و تموت عالسمج و بالذات الميد .eek ابي ميـــــــــــــــــــد
* دايماً تصيف بلندن و عندك بيت هناك .eek:)

* تتكلم لغات عربي و إنجليزي و تطقطق هندي .rolleyes

* إيميلك عالهوتميل و ساعات يأذيك ما يفتح و ما تحب الشات و تنقد عالشباب إللي يدخلونه .:verymad:

* مولود بالروضه بس حالياً بمشرف لكن تحن لمسقط رأسك .()
تستاهل هديه من شبزبوش

 

[TAHOE]

منو بيزعل والله فاضي اللي يزعل

تدري شلون عيل بزعل

اوووووووووووووووووه عاد هذي شي راضيها ماكل عين النقرور

انزين عيل حلليلنا شخصيه من شخصيات الاعضاء اللي تعرفينهم

 

[نوط بو 1000]

تعال يابو نوط بوألف


دام السالفه فيها هديه من لندن بوصفك و لا تنساني بكاكاو لندن



* حنطاوي و عيونك عسليه و جسمك رياضي و تحب المشي خصوصاً بعد صلاة الفجر .(صحيح)

* متدين في باطنك و متسامح ما تحب المشاكل و المحاكم و دايماً مفوض أمرك لله .(صحيح)

* إمتداد للرعيل الأول و ما تعجبك أحوال شباب هالأيام و تحب العادات و التقاليد الكويتيه .(صحيح)

* شغلك يتطلب السفر للخارج بشكل دائم و هالشي يسبب لك صعوبه بمتابعة البورصه .(صحيح)

* تحب طلعات الشاليه و عندك طراد ٣٦ قدم و تموت عالسمج و بالذات الميد .eek ابي ميـــــــــــــــــــد

* دايماً تصيف بلندن و عندك بيت هناك .eek:)

* تتكلم لغات عربي و إنجليزي و تطقطق هندي .rolleyes

* إيميلك عالهوتميل و ساعات يأذيك ما يفتح و ما تحب الشات و تنقد عالشباب إللي يدخلونه .:verymad:

* مولود بالروضه بس حالياً بمشرف لكن تحن لمسقط رأسك .()

تستاهل هديه من شبزبوش

عاد مو بالكلام..!!

 

[برميت]

توقعاتي ​

زويا

* مرحه بشكل كبيييير

* واقعيه وكل شي تقيس بالقلم والمسطره

* حساسه

* حافظه للسر وقلبها كبير



بومحمد (الباب العود)

* راعي نكته يحب الغشمره والضحك

* ملتزم شوي

* ينام امبجر

* يحب اليهال


بو عبدالله ( بوراس يابس)

* متواضع

* يحب شغله

* يدور كل ماهوو جديد

* يحب التواصل مع الكل


فزاع

* عصبي

* حساس

* طيب بشكل كبير

* متمسك بالماضي والتراث


سويت ليلا

* بنوته طيوبه وحلوه

* واقعيه

* متدينه نوعا ما

* فاهمه في امور الحياة


مديروو

* كان شاطر بالمدرسه

* يحب التميز

* طيب القلب

* وراعي واجب

* يحب اليهال


تاهوو

* شاطر ويحب يكون شغله كامل بكل شي

* صبور بشكل كبير

* حساس

* طيب لكن شوي فيه نوع من العصبيه

* متمسك بالماضي​

 

[(فزاع)]

فزاع

* عصبي

* حساس

* طيب بشكل كبير

* متمسك بالماضي والتراث

كل شي قلتيه صح ..
بس انا مو عصبي نهائيا ً ..!​

 

[برميت]

كل شي قلتيه صح ..
بس انا مو عصبي نهائيا ً ..!​

شواا يعني غلطه وحده بس

 

[TAHOE]

توقعاتي ​

زويا



تاهوو

* شاطر ويحب يكون شغله كامل بكل شي

* صبور بشكل كبير

* حساس

* طيب لكن شوي فيه نوع من العصبيه

* متمسك بالماضي​

مشكوره يا برميته نسبه 90 %

 

[برميت]

مشكوره يا برميته نسبه 90 %

شنو الغلط

 

[(فزاع)]

مشكور تاهو على رسالتك اللي على الخاص واللي ابصراحه لها الاستفاده الكامله ..
ووصيت الريال يدعيلك بالخير ..

 

[مديرو]

مديروو

* كان شاطر بالمدرسه ---> تخرجت من الثانويه بثلاث سنين و نص ..

* يحب التميز ---> اسعى للتميز .. وأحب أقرا عن هالموضوع

* طيب القلب ---> صح (وهالشي ساعات يودّرني)

* وراعي واجب ---> عدل .. (وانقد عاللي يطوف مناسبه بدون عذر )

* يحب اليهال ---> واااايد .. عشان جذي طايح بولدي زففف 24 ساعه .. بس بصراحه أحب اليهال من صج عاد ..


النتيجه .. 95% .. بررافووو

 

[zoya_y]

وينج انتي يا زويا الله يهداج

يله حلليلنا جم عضو من الاعضاء اللي تعرفينهم خلينا نتخيل ها الاعضاء اللي متخفين وراء الكواليس ووراء نكات وما نعرف اسرارهم

أوكي ابي احلل بوراس يابس ليش انت ماحللته

مم بوعبدالله


أقرب القوانين على قلبه المدني يروح المحكمه مبجر ... ومايحب يسكر الروب يخليه هدد وبحكم عمله صارت الدشداشه الأقرب إلى قلبه
تعود مسكين

عنييييييد وطموح ووده يصير اكبـر محامي بالديره بأقل وقت ممكن >>> عصبي بس يكتم غيضه ولسانه طويل بس حججه قويه ويداحر الناس بأخلاق عاليه معارض شديــــــــد ومراقب جيد لأولاده


يلبس نظاره للقراءه وينزلها شوي لما يقرى مثل الشياب
ويندمج بالقراءه ومايحب أحد يقاطعه


يحب الهدوء لإعادة ترتيب أوراقه مايقتنع اب اي فكره إلا إذا كانت منطقيه وفوضوي


يحب يسافر بالسياره ومع الربع


طيب ويحبونه ربعه ... وعلاقاته مادوم وايد إلا جم واحد ربعه من زمااان


طول 180 تقريبا أو أقل شوي وزنه 79 او اكثر شوي مو مكرش ( متناسق )


ابيضاني ... عنده قفل ممم من غير شنب او ديرتي


يدخن والأقرب لقلبه الشيشه أكثر ويحب القهوه التركيه


فيه جكر شوي


يحب الأكل البحري والجاينيز ... بس الأكل الي مايعرفه ماياكله


بس هذا الي اتوقعه


ها بوعبدالله شرايك ?!!! ​

 

[acton]

مسكينه زويا محد راضي يحلل لها بوراس يابس مادري ليش
انا دقايق خلصو علي وبشتري الهديه من شبزبوش
تبين اشتري هديه لهم على الطريج ويعطونج اوصافه بس ها تدفعين سعر الهديه

 

[zoya_y]

لووووووووووووول خلااص كا انا حللته
ودي احلل بعد عودوه وكوبرا
بس بعدين ان شاءالله