____**** وقف الخساره ****____

[ميكانيكي]

يعني مواضيعي السابقه بايخه

 

[سوق التجار]

يعني مواضيعي السابقه بايخه

لا حشا .. مو قصدي .. بس موضوعك اليوم ممتاز .. و فعلاً يحتاج الى نقاش حتى نصل الى نتيجه تفيد الجميع.

 

[ساره78]

وقف الخساره هو الاسلوب الامثل فى التداول ..
وقف الخساره افضل من التبريد على الاسهم..
اى سهم يكسر الدعم القوى يجب ايقاف خسارته لانه سوف ينزل الى الدعم الثانى عندها تقرر اعاده شرائه او انتظاره تحت وبالطريقه تكون افضل من التبريد لانك لاتحتاج الى سيوله اكثر يعنى بردت على السهم بدون ان تصرف سيوله اكثر...من وجهه نظرى وقف الخساره ضرورى وخاصه للمضاربين
..

 

[aliii]

شخصيا ما أستعمل وقف الخسارة الا قليل جدا جدا

بنظري الشخص اللي يستعمل وقف الخسارة ما عنده تصور مسبق عن حركة
السهم وبالتالي داخل على السهم بدون تناغم

اسلوب وقف الخسارة تعني ان الشخص مبني تداوله على الفعل ورد فعل
يعني وحده بوحده .... مثال كسر ترند أو كسر دعم وهكذا


.

 

[aliii]

وقف الخساره هو الاسلوب الامثل فى التداول ..
وقف الخساره افضل من التبريد على الاسهم..
اى سهم يكسر الدعم القوى يجب ايقاف خسارته لانه سوف ينزل الى الدعم الثانى عندها تقرر اعاده شرائه او انتظاره تحت وبالطريقه تكون افضل من التبريد لانك لاتحتاج الى سيوله اكثر يعنى بردت على السهم بدون ان تصرف سيوله اكثر...من وجهه نظرى وقف الخساره ضرورى وخاصه للمضاربين
..

مع الاسف أختلف معاج هنا ... المضارب اللي يعتمد على وقف الخسارة
خسارته مضمونة قبل ما يدخل على السهم والافضل له ترك المضاربة
ما عندي أي شك بالهالشي


.

 

[ساره78]

مع الاسف أختلف معاج هنا ... المضارب اللي يعتمد على وقف الخسارة
خسارته مضمونة قبل ما يدخل على السهم والافضل له ترك المضاربة
ما عندي أي شك بالهالشي


.

واختلف معك اخوى لان المضارب لابد ان يعمل وقف خساره لانه ليس مستثمر ..المضارب يدخل على السهم ليجنى ارباح سريعه تكه او اثنين او اكثر ولايريد ان ينتظر كالمستثمر السهم ينزل ويصحح ومن ثم يعاود الارتفاع لابد ان يعمل وقف خساره لان دخوله للسهم بقصد المضاربه وليس الاستثمار والمضارب طبعا هو الاكثر تعرضا للخساره لان مو شرط كل سهم لابد ان يدخل عليه المضارب يرتفع .........
وايضا فى وقف خساره للمستثمر على مدى متوسط واقصد وقف خساره للارباح اى مستثمر محقق ارباح جيده فى سهم وحصل هبوط للسهم بسبب خبر سلبى او خساره وحصل للسهم هبوط وكسر للدعومات عليه وقف خساره ارباحه والخروج من السهم بارباحه المحققه بدلا من خسارتها من جراء هبوط السهم .......

 

[barbarian]

أنا ما أحب شئ اسمه وقف الخساره

أصير مستثمر حتى لو أكثر من سنتين بس آخر شئ أبيعه بربح

مثال شريت سهم الرابطة بسعر 650 فلس السنة اللي طافت ونزل ال 395 فلس يعني خسارتي قريب من الـ 50% ومرت الشهور والسهم صعد وتفصخ واخذت ارباح 2007 والسهم طالع عليّ الحين بسعر 500 فلس والسهم سعره الآن 385 فلس

الحمدلله الخساره قلت كثيراً وبانتظار السهم يروح فوق النص بعدين اشوته حتى لو كان بـ 2010 عادي ماكو مشكله

 

[jeme_E]

السلام عليكم

بوفجر ما شاء الله عليك مميز بكل شي



ماقصروا الاخوان الكل ابدع

السلام عليكم ورحمة الله وبركاته



موضوع ممتاز

والممتاز فيه إن 99.999999999999999999999999% من المتداولين ما يفعلون وقف الخسارة



علشان تستخدم وقف الخسارة لازم تحط في بالك عدة أمور:

1- مقارنة الربح المستهدف بالفترة الزمنية المستهدفة

(ربح مستهدف قدره 15% في فترة زمنية تصل إلى 4 شهور مو معقولة وقف الخسارة يكون تحت سعر الشراء بتكة أو تكتين)

ميزة التحليل الفني إنه يحدد لك وقف الخسارة على الشارت بناء على النموذج الفني إللي دشيت على أساسه

2- تحديد وقف الخسارة بناء على سبب فني منطقي، مو بناء على :

(والله أنا حدي خسارة 2000 دينار وعقبها ما أقدر\ أو بطلع براس مالي وباخذه من تحت ............ إلخ)

3- إحدى الطرق التي أؤمن فيها بشكل قطعي غير قابل للجدل:

إذا السوق قال خروج، أطلع ولا تجادل


بارك الله فيكم يا شباب وخوش موضوع

وعليكم السلام ورحمة الله وبركاته

جزاك الله كل خير وبارك الله فيكم

ولكن استفسار هل يكون وقف الخساره مثل ما قال اخونا سوق التجار

بعد كسر الدعم الثاني وننطر اقفال لانه مرات يكون وهمي وبسرعه يرتد

الله يكافينا شر الرده ولا يكون في سعر معين يبين بالتحليل يكون وقف

للخساره وشلون نقدر نعرفه على الشاره يكون واضح صيده سهل للكل

ولا لازم متمكن بالتحليل وليش هل سعر بالذات

لان واجد ناس يوقفون الخساره بدون تحليل وطبعا انا اولهم

طحت فيها اكثر من مره وعلى قولتهم كل طراق بتعلومه

يا كثر ما انطقينا طقققق ولا احد يفاكك الكل يضحك من بعيد وانشلخنا شلاخ

بس نحاول نتعلم

أي هاذي المواضيع السنعه يا بو فجر ..

شوف أخوي .. بالنسبه لموضوع وقف الخساره .. فمن وجهة نظري .. في بعض الحالات تجد تطبيقه يكون صعب ..

أعطيك مثال .. لنفرض أن سهم معين لديه دعم على سعر 300 فلس .. و كسر الدعم .. فمن المنطقي إنك تفعل وقف الخساره لهذا السهم .. لكن صانع السوق على السهم ما يعطيك فرصه .. و يوصل السهم الى الدعم التالي وهو على سبيل المثال 270 فلس .. فمن غير المنطقي إنك تبيع السهم على الدعم ؟؟!!

الحل في هذه الحاله .. يا إنك تنتظره يكسر الدعم الثاني و تبيع على 265 فلس أو إنه يرتد و تنتظره يوصل سعر المقاومه 300 فلس (الدعم السابق الذي كسره) و تبيع...

لكن في الواقع العملي ماذا يحصل ؟ .. تجد أن السهم بعد ما بعته بسعر 265 عند كسره للدعم الثاني .. في الغالب يكون له دعم على 255 و يقف عنده .. و هنا أنت لم تستفد كثيراً من عمليه وقف الخساره .. أما الحاله الثانيه الي يرتد السهم من الدعم الثاني 270 فلس و يصل الى سعرك (300فلس) التي أصبحت مقاومه .. وتبيع عندها .. تجده يتعداها و يصعد الى أسعار لا تتوقعها.. و يكون قرار وقف الخساره قد فوت عليك فرصه الربح.

مع هذا .. كان قرار وقف الخساره بالنسبه لي لبعض الاسهم قرار صائب و جنبني عن خساره كبيره فيما لو إحتفظت بالسهم .. لكن ليس في كل الأوقات

أدري طولتها عليك و على الشباب و دوختكم بالمثال

هل مشكله توني ما صاري شهر طايح فيها

كسر الدعم الاول وماكان في مجال ابيع قلت انطر الثاني

كسره وبعت بس بسرعه رد والحين هو فوق سعري وخسارتي فيه كانت

تقريبا بين 10-15/100

والحمدلله على كل حال

بس غلطتي ما اخذت من محلل سعر وقف الخساره وحطيته من نفسي

الدعم الثاني وكان كسره وهمي

 

[Bo Mostafa]

مشكورين على المرور

ابي تفاعل اكثر .. للحين ماقريت المشاركات كلها

(( للعلم )) انا اطبقها بحذافيره هالمبدأ .. بس خسرني الكثير .. لو صابر جان ابرك

الي اكتشفته .. ان وقف الخسار والسهم في ترند هابط ضروري جدا .. وهذا المفيد

ولا شرايكم

كل الشكر يا بوفجر على الموضوع المهم جدا ً

تبي الصراحة أأيدك في ما طرحت باللون الأحمر

حتى أنني ذكرت ما يشبه هذا المبدأ في موضوع منفصل
تحت عنوان ..:: سهمك في موجه ...... (صاعدة أم هابطة) ::..

وذكرت فيه ما يلي :

أنه لو علمت أن لو سهمك في موجه صاعدة ونزل عليك فلابد أن يصعد ويعوضك خير بس يبيله صبر .

أما لو علمت أن سهمك في موجه هابطة وصعد عليك فلابد أن ينزل ويخسرك ويبيله وقف خساير .

يعني لو سهمك سوالك قاع أعلى من السابق وارتد منه بكميات عاليه هذا معناه ان شاء الله ان السهم في موجه صاعده للأعلى والعكس صحيح .

ملاحظة : طبقوا هذه القواعد وللمحللين نظره عامة فستشيروهم .

ولمشاهدة الأمثلة على ذلك

إضغط على الرابط هنـــــــــــا

مع تمنياتنا للجميع بالربح الوفير الحلال

وتقبلوا تحياتي / بومصطفى

 

[الطراروه]

السلام
والله انا اقول وقف الخساره مو على جمميع الاسهم في اسهم ما يهزك ريح ومهما تنزل اول الصعود راح ترد سعرها واتمنا عدم البيع حق اسهم الثقيله واللى وراها ظهر في اسهم ثقيله وما تتاثر في تصحيح السوق وايد ويا اخوان لازم تعرفون شي اذا انت تملك في السوق مبلغ بيسط وخسارتك في اليوم 300 او 1000 في ناس لها ملاين وبدليل الخرافي تداول على سهم زين بيوم مليار وسبعمين مليون لازم يا اخوان تعرف مصير السوق الارتفاع واذا انت مو محتاج الفلوس خلهم في السوق مستحيل السوق ينهار ويصير ابلاش اذكر سنه 2005 اكثر من نص راس المال راح بس خساير غير محققه ما بعت الاسهم وبعد الصبر زاد والحمد لله اكثر من 50 في الاميه يا جماعه لا تشوفون الحين السوق يصير في تغير ماركز ويصير في تصحيح حق جدام عشان نبيعهم الحين وناخذ منهم في العالي انا حتي في الارتفاع تتجه حق الاسهم الثقيله اللى ما يا تربحك يا تطلعك براس مالك انا اشوف السوق زين بدليل السوق 300 نقطه نزول وماكو غير اقل من 3 شركات حد ادني يا جماعه السوق زين ويبشر روح حق الاسهم الثقيله واسهم فيها الارباح التشغيليه وخل افلوسك ولا يهمك نزول اليوم والسنه باقي عليها اقل من 5 شهور وترد فلوسك وفوقها مربحه وشكرا

 

[العلمي]

مساكم الله بالخير جميعا

وتقبل الله طاعتكم

ثم فكيف اخي الحبيب ميكانيكي قد اسهب فيها الاخوه جزاهم الله خير كلا بحسب ما يراه وقد استوقفني حقيقة قول البعض ان لاحاجة للعمل بوقف الخساره عند التعرف على اتجاه السهم وسلوكه القادم

وهذا الكلام في جانب منه صحيح ولكنني لا اتفق معه على اطلاقه

اذ مع اليوت تحديدا يمكنك ان وفقك الله للراي الصحيح ان تتعرف على سلوك وحركة السهم للايام القادمه وترسم لنفسك كما نقول خارطه للطريق ومع هذا تقل اهمية وقف الخساره

ولكن السؤال ؟؟؟

ما ادراك انك اخترت الاحتمال الصحيح ؟؟؟

التحليل الفني في نظري هو فن المفاضله بين الاحتمالات من خلال اليوت يمكن ان يضع المحللين للشارت الواحد اكثر من احتمال وتصور ومن الصعب جدا الاتفاق على واحد منها وهنا تاتي اهمية وقف الخساره انك عندما ترسم لنفسك طريق معين ثم يتبين لك عند نقطه فنيه معينه ان هذا الاحتمال لم يعد مقبول فعليك ان تفعل هذا المبدء المهم وان تغير نظرتك وتحليلك والا تغالي بفهمك فلا يوجد شيئ مؤكد بهذا الخصوص

هذا والله سبحانه اعلم

تحياتي​

 

[آفة السوق]

تدري شلي يموتك من القهر ؟


اذا طبقت وقف الخساره وبعد ربع ساعه من التداول طار السهم حد أعلى ( رزق ولله الحمد )

بس بشكل عام وقف الخساره مبدأ ممتاز ويعتمد على نوع السهم

بس اذا كان السوق في نزول حاد أو تصحيح فأرشح وقف الخساره بأسرع وقت

والله أعلم

 

[al_7ooooooooot]

كلامك في نوع من الصحه ميكااا
ميد في بعض الاوقات وسيء في اوقات اخرى

 

[bobader77]

وقف الخساره نص الحل؟

اتباع طريقة وقف الخساره نص الحل وليس كل الحل، لا تكتمل الطريقه الا عند التعويض بأسعار من تحت للسهم. لهذا انت متضايق إنك سويت نص الحل وليس كله (السوق خوف وطمع) فكان عندك (خوف وقناعه) الخوف
من الشراء لأن يمكن السهم ينزل أكثر والقناعه بالخساره ولم تكتمل الحلقه!
فما هو الحل؟
وهذا انا اللي ادوره بنفسي،
السؤال لماذا بعت بالسعر هذا لوقف الخساره بالنسبه لي إنه كسر ترند او دعم ، إذا السهم متجه للأسفل.
أين يمكن ان أتلقاه. الدعم اللي تحت بتكه او تكتين اذا لم يكون وقف الخساره منطقي . اما اذا كان ترند نازل انتظر حتى يستقر السهم و أحاول اشتري عن طريق دفعات بوضع أمر شراء بأسعار مختلفه على الدعومات.
وبنفس الوقت راح تكون هي طريقة التبريد للأسهم اللي شريتهم من تحت.
أما الاخ، اللي ذكر طريقة وارين بافيت ، للتوضيح انه قال شراء الاسهم الممتازه والتشغيليه عندما الكل يلغي أسهمه ويكون عامل دراسه على السعر العادل للسهم ولا يهتم بسعر السوق حيث يهمه الاداء التشغيلي والتاريخي للسهم وحتى لو ينزل بعدها فإنه مقتنع بسعر السهم السوقي عندما شراه وأن السوق ظلمه يعني بالمصري كان سعر لؤطه ولا تنسى بأنه يشتري كميات كبيره.

ملاحظه من خلال ، تداول يوم الخميس اللي طاف كان المؤشر نازل 50 - 60 نقطه وكانت الاسهم الممتازه تصعد حركه حيرتني يعني لو الاسهم الكبيره ما صعدت وظلت على حالها وين كان راح يكون نزول السوق.
هل تم اللجوء للأسهم الممتازه والتشغيليه أو رفع المؤشر بها وهذا صعبه لانها اسهم كبيره ورفعها يحتاج ونش عملاق.
اعتقد والعلم عند الله في اجابات راح تكون في الايام الجايه.
راح اراقب المؤشر ان يكون 15 الف ويثبت فوقها
راح اراقب زين تتعدى 1600 وتثبت فوقها
بيتك فوق الثلاثه وتثبت فوقها
اهنيه ان شاء الله اقول السوق تعافى من التصحيح
هذا راي شخصي معرض للخطأ اكثر من الصح

اخوك بوبدر

 

[الشامري]

مشكور على المرور اخوي بو محمد

بس النقطه رقم واحد مو واضحه

وجملتك الاخير .. هذي فعلتها .. ..السوق عطانه خروج قبل فتره وبعت سهمي بخساره يوم كسر الدعم وبعد اسبوع تقريبا رد فوق تكلفتي
شالحل

حياك الله

النقطة رقم واحد أوضحها لك بعدين (يمكن اليوم يمكن باجر إذا الله أراد)

بالنسبة للموقف إللي حاشك من وقف الخسارة لما السوق أعطى إشارة خروج أفهم منه الآتي:

إنت مضارب يومي أو سوينجر سريع وحطيت وقف خسارة و موعد دخول كسونجر طويل الأمد أو بوزشن تريدر

هني الخطأ

للتنويه إن أعظم وأغنى مستثمر في العالم وهو الأمريكي وارن بافيت لا يعترف بشي إسمه وقف الخسارة والسبب

إذا تم تحليل السهم زين وتم شراءه بسعر رخيص جدا يقول حتى إن نزل شوي فمصير السهم الصعود وإن البورصة أساس لعبتها الصبر

ويقول أيضا المتداول الذي يخاف من نزول السهم بعد شراءه بسعر رخيص من الأفضل لا يدخل البورصه نهائيا


والله في الحقيقه أنا أشوف إن وقف الخسارة خسرتني وايد وكل ما وقفتها صعد السهم إلي سعر أعلى من إلي أشتريه

فآنا أقترح بأن رأي أغنى رجل في العالم هو الصح لأنه لو كان خطأ ما كان أغنى رجل في العالم وعلى فكره أغلب أمواله من البورصة

ومشكورين على هالموضوع الحساس

لا تنسى بأنه مستثمر

وشتان بين المستثمر والمضارب

وارن بفت يحتفظ بالسهم 10 سنوات وطالع، ويمكن طول العمر

شخصيا ما أستعمل وقف الخسارة الا قليل جدا جدا

بنظري الشخص اللي يستعمل وقف الخسارة ما عنده تصور مسبق عن حركة
السهم وبالتالي داخل على السهم بدون تناغم

اسلوب وقف الخسارة تعني ان الشخص مبني تداوله على الفعل ورد فعل
يعني وحده بوحده .... مثال كسر ترند أو كسر دعم وهكذا


.

هذا يعني أنك لا تخطئ بتحليلك إلا قليل جدا جدا

إللي عمره ما استخدم وقف خسارة معناته عمره ما أخطأ

 

[aliii]

شخصيا ما أستعمل وقف الخسارة الا قليل جدا جدا

بنظري الشخص اللي يستعمل وقف الخسارة ما عنده تصور مسبق عن حركة
السهم وبالتالي داخل على السهم بدون تناغم

اسلوب وقف الخسارة تعني ان الشخص مبني تداوله على الفعل ورد فعل
يعني وحده بوحده .... مثال كسر ترند أو كسر دعم وهكذا


.

هذا يعني أنك لا تخطئ بتحليلك إلا قليل جدا جدا

إللي عمره ما استخدم وقف خسارة معناته عمره ما أخطأ

أعتبر نفسي من أكثر الناس اللي أخطئوا طول سنوات التداول وأحيانا أخطاء
كلفتني الالاف ولكن كل كف كانت بتعلومة بالنهاية

طموح كل محلل هو تطوير قدراته دائما للوصول الى أقل مستوى من الأخطاء
و لأقصى درجة من الدقة ... وهو في هذا الطريق دائما يتحدى نفسه

أعتقد بالامكان ان يصل الشخص الى نقطة يجد هناك ان مفهوم وقف الخسارة
مصطلح ضحل وقديم ...

أخوي الشامري ... في السوق الامريكي سعر السهم أحيانا يكون فوق 300$
ولكن التحدي يكون بتحديد الاهداف بالسنت والسنتين ... اذا فاهم قصدي

المشكلة يا عزيزي الشامري بالسوق الكويتي ان السهم مكبل يعني مثل الحمامة اللي مربط جناحها
وذلك لوجود الحدود السعرية اليومية بالارتفاع والنزول فالسهم ما يأخذ حريته بالحركة
فبالتالي توجد اشكالية فعلية بالتحليل يجب أخذه بالاعتبار

بالاضافة ان السوق الكويتي سوق أعرج ... لعدم وجود امكانية التداول بالشورت
وهذا يجعل السوق غير متوازن الحركة كالاعرج

الحديث طويل ... وان شاء الله يجمع الله بينا ونطلع كل اللي بالقلب

تحياتي لك



.

 

[anw-exchange]

السلام عليكم

موضوع الاسبوع

شرايكم بوقف الخساره ؟؟

هل مفيد ؟

هل ممتاز ؟

هل سيئ ؟

ابي كل واحد يجاوبني بصراحه وخصوصا المحللين وذوي الخبره .. بدون عاطفه وتكبر وعناد ::verymad::


انا عن نفسي الي لاحظته ان جيد في بعض الاوقات

وبعض الاوقات لأ .. لانه يرد حق سعرك بفتره بسيطه وتقدر تطلع بدون ما تبيع بخساره مع ارتداد السوق بشكل عام او السهم

شرايكم

حاولت أطبقه بس المشكلة من أبيع يرتفع السهم ويصير أعلى من السعر اللي بعت فيه::verymad:: قرادة
قمت ما أبيع تعقدت أبرد على السهم وايد أحسن وعموما أنا دايما أشتري الأسهم الاستثمارية اعتمادا على التحليل الاساسي لأني ما اعرف بالتحليل الفني واللي عادة ما يخطئ

 

[boursachi]

مشكلة الستوب لوس هي انك لم تفعلها فانك تكون خسرت نسبة من راس المال
والمشكلة تكمن في ان هالنسبة عشان تستردها (اي تسترد مبلغ راس المال) تحتاج الى نسبة عائد اعلى على الاستثمار الجديد بطبيعة الحال
مثلا: ال10 صارت 8 بعد وقف الخسارة
تبي الحين هال8 تصير 10 .. تكون خسرت 20% والحين تحتاج استرداد 25% عشان توصل راس المال

لست مقتنع بالقاعدة اذا كان الدخول مبني على اسس صحيحة..
والحين انا قمت اتعامل مع الاسهم على اساس انها جزء من اداء محفظة .. ولذلك فالستوب لوس برايي المتواضع و المارجيننق كذلك من الافضل ان يتم احتسابه على اداء المجموعة وليس السهم لحاله بعد الاخذ بالاعتبار الفرص للارتداد وغيره

 

[TAKE-OVER]

يا سلام عليك يا بو فجر على الموضوع المفيد
قرار وقف الخساره
لا يختلف عن قرار البيع و قرار الشراء
و المهم فيه
هو عامل التوقيت

يا شباب
مبدأ وقف الخساره ضروري جدا
و من الخطأ الاحتفاظ بالسهم عندما يكون نزوله متوقع و بقوه
مثال
انا اشتريت ايفا ب 460
و بعته ب 450
و آخر اغلاق له كان 400
يعني من فضل الله تم ايقاف الخساره
و اهم نقطه هي (( التوقيت ))

 

[Master-Leo]

وقف الخساره للمضارب في فكره غالبا ماكنت أطبقها بالسابق

السهم إذا كسر دعم أو ترند صاعد أروح اشتري السهم عند منطقه الدعم التاليه يعني تبريد على السهم

طبعا مو مع أي سهم أسويها لازم سهم يكون تكانه ومعروف عنه غالبا و تاريخيا إن له قابلية الإرتداد للأعلى

بعد التبريد طبعا تقل التكلفة فأنتظر السهم فتره بسيطه من الزمن ويصعد لسعر المقاومه وبهالحالة اتخلص منه يا أما بربح أو بخساره بسيطه أو براس المال حسب رؤيتي لوضع السهم

هالفكره طبعا ماهي مضمونه النتائج ويبيلها سرعه في الملاحظة و صبر عند طلب السهم وتتطلب أيضا انك ماتكون قاط كل فلوسك في هالسهم وقاعد تتفرج لا أنت اللي قادر تبيع ولا أنت قادر تبرد

مثال سريع

سهم شريته 300 وكان الدعم 290 وكسر الدعم أروح اشتريه عند الدعم التالي مثلا عند 270 فتكون تكلفتي بالسهم 285 فأنتظر السهم يوصل 285-290 وأبيعه بهالحاله تكون الخساره قليله

في حال إذا كسر الدعم الثاني 270 على طول بيع بخسارة بدون تردد أو عاطفه وهذا الكلام للمضاربين اللي غالبا يطامرون من سهم لي سهم