ابو سعود 66666 وحشتنا يا الغالى

[ابو سالم1]

يا جماعة انا لاحظة غياب اخوى ابو سعود66666 الى تعودنا على قفشاتة الحلوة ومواضيعة الاكثر من رائعة فعلا هذا الشخص يستحق ان نسئل عنه اتمنا ان يكون بخير وبصحة جيدة و الغايب عذرة معاه والى يعرفة يوصل السلام له .

 

[برميت]

ليش شفيه بوسعود وينه


يالله الله يرده بالسلامه ان شا الله

 

[zoya_y]

بوسعود امس كان موجود بس ماكتب اي موضوع !!! مادري ليش

 

[نوط بو 1000]

من يومين تلاقيت وياه بقسم السوق الكويتي يقز..

يمكن محتج عالإداره عشان ما عطوه الإشراف..

سمعت إنه مقدم طعن للمحكمه يبي يعيد الفرز

 

[maha_Q8]

ياجماعه عنده 6 ستات عساه يلحق يدخل المنتدى
صج افتقدناك ترجع بالسلامه

 

[Abo Fahad]

ابوسعود66666
محتج على الوطنيه للاتصالات مو ناوين يزيدون له رقم سته


له وحشه عموما ومواضيعه ممتعه

 

[جورج المطيري]

تسلم يابوسالم عالمشاركه الحلوه صح بوسعود وينه بس اتوقع انه مسافر واذا حتسي بمحله الله يرده بالسلامه

 

[ابو سالم1]

بو سعود الاماكن كلها مشتاقة لك

 

[q8q822]

شدعوة تسئلون عن باريس هليتون ))


تلاقونة بالتوقيف غياب انهار من نزول جراند وغاب لوووووووووووووول

 

[ابو سالم1]

سلالا م يا بو سعود ومني ياعسا عمرك طويل \\ من شاعر فكره سبح بحر المعاني كلهاا

من هاجس اللي يترك الهزله وفكره وبالجزيل \\دق المعاني ماحسبنا حاسبها في جلهاا

ماغبت عني ذاكرك يصاحبي في كل ليل \\ وغيرك غيب وغيبته حرام مانفطلهاا

ماهانت العشرة علينا وساسنا اساس اصيل \\ اما الردي ساسه ردي طبع الرداا ورثن لهاا

الشجرة اللي مابها ظلن على وقت المقيل \\ شلون تسقيهاا من الماا وانت فاقد ظلهااا

ترى العما عما القلوب ونكان تبغا لك دليل \\ كيف الزقاير تشتريهاا والنفوس تسلهااا .

ولا يهونون كل الاخوان ولكن هذى قصيدة تعبر عن المحبة الاخوية

 

[ابو سالم1]

ياليت من يدرى عن الغيب وش فية هو صاحبي ولا الليالى اخلفنة ..

 

[بوسعود66666]

بوسالمـ مالـه شبيهـن بالأصحـاب قدره ترى والله علـى الـراس عالـي
صاحب وفي ترخص له احباب وارقاب يرخص له كل العمر أهو راس مالـي
لامن طلبته فـز مـن بيـن الأقـراب يحفظـه رب الكـون بيـن الغـوالـي
منسى له الفزعات في وقت الأصعـاب منسـى أنـا وقفـات شيـخ الرجالـي
يجعل طريقه روض اخضـر وجـذاب يحميـه رب الكـون مـن كـل فالـي
ربـي يقدرنـي أرد لـه هالأتـعـاب خفـف علـي همـي بعـد ماجرالـي
وإن كانوا الأصحاب دايـم للأصحـاب أشهد انا بهلكـون أهـو ألـي بقالـي
ودام الحياة تراب راجـع الـي تـراب يفداه كـل عمـري ونفسـي وحالـي ​

 

[بوسعود66666]

اشكر الجميع واشكر اخوى بوسالم على فتح هالموضوع والسؤال عنى
وانا اقول الف شكر لك يااخوى
وان شاء الله راح يكون موجود بوسعود 66666 معاكم عن قريب
تقبلو تحياتى​

 

[ابو سالم1]

سلام مثل الشيك بثنين مليون
يزيد في قلب الفقير الوناسة
بالله يلي صوب دارة تمرون
ودوا سلامي لة بليا قياسة
قولولة أن الشوق يا ناس ملعون
يحد قلب الآدمي لتعاسة
وأنا على شوفتك يابو سعود مفتون
شوق المرشح لأنتخاب الرئاسه

 

[بوسعود66666]

يستاهـل الطيّبـه مـن طـال لازمهـا

ويستاهل الطيب منهـو رافـع ٍ راسـه



ويستاهل المـدح مـن نفسـه مشيمهـا
ويستاهل الخيـر منهـو كاسـبٍ ناسـه



المعرفـه والوفـا والجـود حاشمـهـا
وثوب الخوي والرفاقـه أطهـر لباسـه



ماحاستـه عثـرة الايــام ودهمـهـا
والوضع لوهو صعيبٍ‘‘ فـره وحاسـه



نفسه علـى خطـوة الوافيـن مرغمهـا
طال الرجوم الصعيبـه والوعـر داسـه



نعم الخوي ‘عز قـوم فيـكٍ محزمهـا
نعم الطراا يازعيم الطيـب ،، ياساسـه



والا المشاعـر علـى شـرواك كاتمهـا
مابيحهـا ليـن يعلـن وقتـي افلاسـه



وان حجرت خطوتي وضاعـت هممهـا
والقاع ضاقت علىّ ،، ثم ضاعت الطاسه



قلـت الرفاقـه كثيـر ولازم ازهمـهـا
ولا ترى الوقت يسقي من همـج كاسـه



مابه رفيـق ٍ علـى الشـدات يحسمهـا
مثـل الرفيـق المحنـك لانثنـى باسـه



بوسالم حٌـر ٍ بوقـت الضيـق يفهمهـا
واللي فقد خوتـك ياصاحبـي ،، واسـه



وانا ترى مقصدي مـن قبـل اختمهـا
ارفـع تباريكـي لمـن دقـت اجراسـه



ماجيـت ازكـي هـل العليـا واقيمهـا
ولاجيت ابشكي الزمن وانـواع جلاسـه



جيت امدح اللي بفعـل الطيـب دسمّهـا
يستاهل المـدح ،، والتعبيـر واحساسـه



واللي فجـر فكـرة القيفـان واكرمهـا
فرحة رفيق ٍ يبارك لـك علـى الماسـه​

 

[(طموح وقنوع)]

ابو سعود يلا حيووووه.
فينك ياشيخ؟​

 

[بوسعود66666]

ابو سعود يلا حيووووه.
فينك ياشيخ؟​

هلا والله فيك يالغالى موجود طال عمرك

 

[نوط بو 1000]

هلا والله فيك يالغالى موجود طال عمرك

شكلك كنت بالنزهه..!!

 

[Fishta]

شكلك كنت بالنزهه..!!

هههههههههه

بس أعتقد شالوه من النزهة نقلوه مكان ثاني لأن مريت النزهة ولقيته مسكر

 

[Fishta]

شدعوة تسئلون عن باريس هليتون ))


تلاقونة بالتوقيف غياب انهار من نزول جراند وغاب لوووووووووووووول

هههههههههههههههههههههههههههههههه