سؤال لأهل الخبره (عن الكاميرات)

[man.vip]

السلام عليكم ورحمه الله وبركاته



بغيت تفيدوني ياشباب...

بخصوص نوع كاميرات الديجيتال؟



انا ودي اشتري كاميره للاستعمال الشخصي...


وياريت الي يقدر يقولي شنو الماركه الزينه والنوعيه الممتازه..


وما ادري اذا في مواصفات معينه قولولي...


وشنو احسن محل يبيع باسعار مناسبه..




تحياتي للجميع..



شكرا مقدما للجميع..

 

[nokia*nokia]

الله بالخير أخوي man.vip

الكاميرات طبعا أنواع وكل واحد فينا بيمشي على ذوقه

لكن من ناحيتي وتجربتي إن كاميرات الديجيتال السوني إهي الأفضل

وعندك هذا النوع

Sony Cybershot DSCW300 13.6MP Digital Camera

أخر موديل نزل بالأسواق ومن أقوى المواصفات

وعلى فكرة راح تحصلها بأكترونيات الغانم صناعه يايبانيه وصينية

وفرق السعر بينهم بسيط ، ومن الأفضل تاخذ الياباني وأتوقع سعره

مابين 120 دك لى 128 كامل مع اغراضه

واذا حبيت تتطلع أكثر عالمواصفات

إضغــــط هنـــــا

وهذي صورة للكاميرا

موفق بإذن الله​

 

[man.vip]

جزاك الله خير


علي سرعة الرد


بس ما اقدر احصل شي عملي وارخص اشوي

 

[nokia*nokia]

جزاك الله خير


علي سرعة الرد


بس ما اقدر احصل شي عملي وارخص اشوي

أخوي اذا حبيت أرخص تابع مواضيع الأعضاء وانشالله بتحصل اللى تبيه

لكن لازم تكون عندك درايه ومعرفه بأسعار الجديدة علشان سومتك تكون بمكانها

وحياك الله وموفق خير ان شاء الله​

 

[yawwash]

هلا اخوي

هذا موقع متخصص ببيع كاميرات ومعدات التصوير المستعمله ​

http://www.mstaaml.com/vb/​

واذا تبي شي معين مثلا كاميرا احترافيه او كاميرا مدمجه اكتب شنو طلبك وان شاء الله نوفرلك ​

 

[خدمة الشعب]

الأخون ما قصروا بالرد وأعطاءك بعض المعلومات

بالنسبه لي أنصحك بكاميرة سوني 8.1 بيكسل

الشاشه 3 أنش ( باللمس ) وخفيقه جدا وممتازه

بالنسبه لسعرها حاليا 92 جديده وحقيقه تستاهل


الله يوفقك​

 

[man.vip]

جزاكم الله خير يااخوان

والله ما قصرتوا



بارك الله فيكم وما نستغني عن نصائحكم

 

[ابــ عمر ـو]

الله بالخير أخوي man.vip

الكاميرات طبعا أنواع وكل واحد فينا بيمشي على ذوقه

لكن من ناحيتي وتجربتي إن كاميرات الديجيتال السوني إهي الأفضل

وعندك هذا النوع

Sony Cybershot DSCW300 13.6MP Digital Camera

أخر موديل نزل بالأسواق ومن أقوى المواصفات

وعلى فكرة راح تحصلها بأكترونيات الغانم صناعه يايبانيه وصينية

وفرق السعر بينهم بسيط ، ومن الأفضل تاخذ الياباني وأتوقع سعره

مابين 120 دك لى 128 كامل مع اغراضه

واذا حبيت تتطلع أكثر عالمواصفات

إضغــــط هنـــــا

وهذي صورة للكاميرا

موفق بإذن الله​

صحيح انا شايفه بالغانم 124 دينار ويعطونك كابون هديه بس تشتري من ماركات معينه

وعند يوركا 124 ويعطونك مشتريات 10 % بس من شغلات معينه هم عارضينها

وعند الكتروزان 123.9 يعني ارخص بمية فلس بس مايعطونك هديه

وطبعا كلهم صناعتهم يابانيه بس يوركا قبل يومين يقول ماعندي الى حبتين
ويقول في دفعه جديده تبي توصل بعد اسبوع او اسبوعين

 

[man.vip]

جزاك الله خير يابوعمر


الصراحه كل الشباب ماقصرو



والظاهر اني ابي اروح للغانم واشوفها علي الطبيعه


بس عندي سؤال اخير ؟؟ بالنسبه لاسعار شارع الالكترونيات الي في المباركيه هل ارخص من الشركات الي ذكرتوها؟؟؟؟


بارك الله فيكم

 

[ابــ عمر ـو]

ما سويت شي يالغالي

وانا ما رح لشارع الالكترونيات وما اقدر افيدك اخلي الشباب يفيدونك

وبخصوص الغانم انا ما قلتلك كم قيمه الكابون الهديه يعطونك على كل 100 دينار 5 دنانير

 

[كويتي ماركة]

اخوي اهم شي بالكاميرا

ان يكون الاوبتكال زووم عالي

واذا كان الدجتال زوم عالي بعد هم زين

بالنسبه لدقه الكاميرا انت ما تحتاج اكثر من 5 ميجا بيكسل

والشاشه كل ما كنت اكبر اكيد بتكون افضل

وبعدها لازم تجيك على البطاريه و وقتها وسعر البطاريه الافاضيه

ولازم تجيك على كرت الذاكره ( المومري )

وانت بالمحل تقدر تقارن بين الموميريات وايهم افضل بالسعر

وبالنهايه اخوي مو لازم تاخذ افضل شي و اخر التقنيات لانك مو بروفشنال

اخذ الى انت بحاجته بس

 

[man.vip]

جزاكم الله خير

 

[عازف الجيتار]

تصوير كانون من تصوير صديقي فاز بالجائزه الثانيه على كويت

تحياتي لكم ان شاءالله يعحبكم

 

[man.vip]

ماشاء الله خوش صور


هل شكرة كانون افضل الشركات في مجال انتاج الكاميرات؟؟؟