الكابرس ممنوع في أمريكا !!؟

[السوق توافيق]

السلام عليكم ورحمة الله ،،،

توقفت شركة جنرال موتورز عن تصنيع سيارات كابرس عام 1996م

بعد ماوقفت امريكا تصنيع كابرس اعطت هولدن الاسترالية زمام الامور بالبدايه كانت فقط للتصاميم (عام 2000 طبعا)
اما بالنسبه للمحرك والدفرنش والقير والاساسيات كانت تصنعها شيفروليه بأمريكا... اما الداخليه ونوعية معدن الهيكل والمواد المصنوعه منها الداخليه
فكانت تصنعها شركة هولدن الاستراليه.......

واعطت جنرال موتورز لهولدن المجال انها توسع تصاميمها
وتصنع القطع الاساسيه بنفسها ...وبالفعل سوتها هولدن وحتى ان الحكومه الاستراليه صارو يستعملون
الكابرس من موديل 2002 الى موديل 2008 كسيارات شرطه والخ...، وصار الكابرس كله استرالي.

والآن السؤال ،،

ليش الكابرس ممنوع من دخول أمريكا من موديل 2000 الى الان ؟؟؟؟
شنهي الاسباب ؟؟!!!


هل كما يقولون انها ما فيها سيفتي (أمان) ؟؟!!!
والدليل حوادثها البشعه والكثيره واللي يروح السكراب يكتشف الأمر بنفسه !!!!

يا ليت احد يفيدنا عن الموضوع .

تحياتي للجميع​

 

[Alwaseet]

والله ياخوي انا سمعت شي من هالكلام من قبل ٤ سنوات تقريباً.. وان اسم الكابريس ما يستخدم عالهولدن الا بالخليج.. يعني هولدن سموها كابريس بآتفاق مع جنرال موترز عشان يستغلون محبيها من الخليج!! وخصوصا ان الكابريس هي الآكثر مبيعا في وكالتها بالخليج من باقي الفئات فالوكاله بالخليج راح تنخفض مبيعاتها بغياب كابريس الآصليه واسعفوهم بالهولدن.. وبالنسبه لموضوع انها ما تدخل امريكا ما عندي علم الصراحه.. لكن من وجهه نظري ما فيها امان واقل حادث لا قدر الله تصير السياره قطع غيار بالشارع (معاهم حق يمنعونها)!

 

[السوق توافيق]

والله ياخوي انا سمعت شي من هالكلام من قبل ٤ سنوات تقريباً.. وان اسم الكابريس ما يستخدم عالهولدن الا بالخليج.. يعني هولدن سموها كابريس بآتفاق مع جنرال موترز عشان يستغلون محبيها من الخليج!! وخصوصا ان الكابريس هي الآكثر مبيعا في وكالتها بالخليج من باقي الفئات فالوكاله بالخليج راح تنخفض مبيعاتها بغياب كابريس الآصليه واسعفوهم بالهولدن.. وبالنسبه لموضوع انها ما تدخل امريكا ما عندي علم الصراحه.. لكن من وجهه نظري ما فيها امان واقل حادث لا قدر الله تصير السياره قطع غيار بالشارع (معاهم حق يمنعونها)!

مشكور يا الوسيط على اثراء الموضوع ، وبالنسبة لموضوع عدم دخولها لامريكا أنا تأكدت من هالشي لما فتحت المواقع الأمريكية لبيع السيارات ولقيت أن آخر موديل لكابرس هو (96) فقط !!

 

[غيلان 1]

الناس اتجهت للفكتوريا كد ومد

 

[السوق توافيق]

الناس اتجهت للفكتوريا كد ومد

ما دام راحت سيارة الغني والفقير (كابرس) وصار (استرالي) حتى الدوج صار له قيمه عندنا !!!

فعلا ما عوض الناس عن الكابرس الأمريكي إلا الفكتوريا لانه (تقريبا) كد ومد

 

[abdullah6868]

صح كلامكم انا تاجر سيارات من امريكا ممنوع دخول الكابرس وسيارات مماثلة والاسباب
1- التواير غير مطابقة للامن والسلامة
2 - حزام الامان لايتحمل
3 - الشاصي من الحديد المخلوط
4 - الابواب لازم يكون فيها شاصي على شكل رقم 7 بالعربي للوقاية من حوادث الاصتدام الجانبية
5 السيارات الامريكة فيها شاصي زيادة موجود داخل المارش ( المارش يعني الصاجة الى تحت الباب مباشرة)
6 - لتاكد من كلامي روحوا للسكراب واسئلوا عن الى ذكرتة سابقا

 

[الأرستقراطي]

كثير من السيارات الامريكية السيفتي فيها شبه معدوم كالفورد كراون فكتوريا وغيرها لم يتم منعها ،،، ولكن ما حدث هو ان سياسة الشركة لبعد سنة 1996 التركيز على السوق الاسيوي بصنع السيارات الصغيرة بالتعاون مع سوزوكي ودايو المملوكة لجنرال موترز ،،، للعلم هناك من خلف الكابرس وهو الامبالا و قد فشل فشل ذريع من حيث التصميم والاداء ب 6 سلندر ،،، كما هو بالصورة ،،،

 

[alanzi]

ما اقووول بس غير حسااافه كانت عندي كااابرس واستعملها
بالكويت ماينفع غير التويوتا وبس

عن تجربه

 

[560SEL]

الاسباب انها بالاساس طارتها يمين ويحولونها يسار للخليج وانها غير مطابقه للمواصفات الامريكيه ولا تصلح عندهم ولا كان صنعوها لهم وعشلن يوهمون الناس صارت كل سيارات الشفر بعد 2000 الهاند بريك جهت الراكب واول جهة السايق والهولدن حولت السكان بس وتركت الهاند عشان توفر وتحويله مكلف ولا له داعي والشركه الام Gm وافقت وبدات بتحويل الهاند بكل سياراتها الى اليمين عشان ما احد ينتبه للعبتهم