احذروا من نصب شركة الهواتف (زين) في خدمة التجوال هل يعقل قيمة الدقيقه 800 فلس !!!!!

[s man]

اشتر خطوط من البلد اللى تزورها أبرك

عندى خطوط من دبى ولبنان ولندن وفرنسا ومصر , لوشيصير مااحط تجوال لو أروح اى بلد المهمين أدزلهم مسج من خطى هناك ومايكلف 20 دينار السفرة كلها

 

[مستثمردولي]

انا بضيف لكم مصيبه كبرى انا توني واصل لبريطانيا قبل لا اسافر دفعت فواتيري وحبيت اتأكد منهم عن التجوال وكم سعر الدقيقه طبعا اتكلم عن الوطنيه

اتصال للكويت 900 فلس استقبال اظن 800 او 700 وهذا ماهي مشكله

عادي نطوفها

المسج 125 فلس هم عادي


تصدقون لما يدق عليك اي شخص وماترد عليه الدقه 400 فلس..!!!

يعني دافع دافع


حسبي الله ونعم الوكيل

يعني انسى تلفونك سكره وخله بالكويت وحتي لو ترجع يطلع عليك فلوس

وماتقدر تحجهم

مرحبا

متأكد اخوي من الي مكتوب الاحمر

إذا متأكد رحنا فيها

انا نظام تلفوني شغال على طول بس مارد على المكالمات بس من الخط الدوله الي انافيها

الله المستعان

 

[alsharaf]

يا اخوان انا عشت باوربا 9 سنين تقريبا.. اي واحد يروح هناك خل يدش اي بقالة (ويفضل عند المهاجربن العرب والاتراك هناك) ويطلب كرت اتصال مخصص
للشرق الاوسط.. تصدقون ان ب 5 دنانير تقدر تتكلم 95 دقيقة مع الكويت !!!!

 

[TAHOE]

أتحداهم يسوون مثل هالحركات في أفريقيا ، هناك ذباحة ما عندهم يمة أرحميني ، على طول تكسر وحرق بشركتهم ، زيران عبيد الله يكفينا الشر

​

انت عاد تموت على هالسوالف ذبح وتحرق حتى يمشي شغلك ويرتفع سهمك ويتعلق حد اعلى ,,,

 

[دواس]

بالاضافه الي ما تفضلوا فيه الاخوان .

ومع الرسوم العاليه اللي تحصلها زين من الناس الخدمه تعيسه جدا وليست حتي بنصف المستوي المقبول .

الخطوط تفصل.
او ما تعلق او اللي علي الخط الثاني تسمعه يبغبغ بغبغبغبغبغبغ

هذا حجي . هذي خدمه شركه عالميه مثل زين .

بس انشاء الله تجي الشركه الجديده وتصك عليهم بالخدمات الجيده والاسعار المعقوله .

وبعدين نحول اسم الشركه من زين الي شين

 

[المتسامح]

عيل خبرك .. سهمها واصل 5 دنانير من الشركات الافريقية .. ؟؟!!!

اعتقد الكويت منجم ذهب بالنسبة لهم. والله لا يقوله تتفق علينا الشركات الثلاث .. عز الله رحنا وطي ..

من خلال المعلومات التي لدي فعلا هناك أتفاق من خلف الكواليس علي عدم التنافس في الأسعار ,,, عليه نأمل صدور تشريعات تجرم أي اتفاق سواء في الخفاء أو العلن من شأنه التلاعب و المساس بعملية التنافس التي هي من مصلحة البلد و مصلحة شعبها .



و

 

[kajol]

السلام عليكم

أخواني وخواتي

شركه زين الحين اذا تبي تقطع خطك يقولون شنو السبب قول رقمي موا حلو وخل بسمك خط ثاني من نفس الشركه

راح يدقون عليك ويقولون لك شنو رايك نرسلك أرقام حلو ببلاش وهذا الشي صار وياي شخصيا

وأنا ناطر الشركه 3 وشركه زين للعلم كل الناس راح تكنسل أرقامها وتدور الشي الجديد

أما بالنسبه إلي سهمها كان 4.900 في الوقت الحالي 1.500 عاد أنتوا فهموا

 

[bensaad]

من سمع او قرا كلام مدير الاتصالات السعوديه السيد الدويش

كلام يبشر بخير

التنافس لمصلحة العملاء

بدت المنافسه

 

[وافى الوافى]

السلااام عليكم ....

اليوم رحت لمحل معتمد لدفع فاتورة زين ... الشهريه طبعااا
قالولى المبلغ المطلوب عليك 125 دينار !!! مع انى كنت متاكد انه 39 دينار بس !!!
دقيت سلف ورحت لسنترال الصباحيه موقع رئيسى لزين
واخذت رقم وانتظرت ولما وصل دورى شرحت للموظف وشيك على الجهاز قالى فعلاا المبلغ اللى
عليك 125 دينار !!! قلت له مستعد ادفعهم اللحين بس علمنى حق شنوو علشان اعرف بس ليش
انا دافع ها المبلغ مع ان فاتورتى 39 دينار بس !!! قاام يشيك على الجهاز ويتفحص ويدور وقلت له على كيفك ترى انا مو مستعجل ابد !!! وقام من مكانه وقام يفتر على ربعه الموظفين وحسيته محتار !! ودش مكتب المدير وشوى وطلع لى وقال يمكن عليك خط قديم مو ادفع فواتيره !!! قلت ((( يمكن ؟؟؟ ))) !!!

اوكى كم هالرقم القديم اللى(( يمكن )) كان عندى ؟؟!!

ومااخليتهم لماا كنسلوا المبلغ من الجهاز ودفعت بس 39 دينار !!!!

بس قلتها لهم بصرااحه وقدام المراجعين للاسف انتوا وشركتكم عبااره عن لصوص !!!

واكو معلومه يمكن القليل يعرفهاا غير ان الشركتين زين والوطنيه قرروا انهم يقتسمون الكيكه با النص وبلاا تنافس بلاا بطيخ !!!

فى حالة نجاح اى عضو لمجلس الامه او البلدى يوصله خطااب تهنئه من زين والوطنيه مع
خط الماسى وتلفون احدث موديل !!!!

بس نقول قرب الفرج وهاذى الشركه الثالثه على الابواب اللى اعتقد ومتاكد انها راح تقلب عليهم
الطاوله وتخربط حساباتهم !!

 

[بو هادي.]

شركة تبيعك الهواء بقروش يعني حرمنة على أصول ,

سؤال:لماذا حولوا تعرفة المكالمة بالدقيقة بعد أن كانت بالثانية؟

الجواب : نوع من أساليب النصب والإحتيال والمضحك إن الدقيقة عندهم ليست 60 ثانية بل 58 ثانية نصب في نصب.

 

[شحبار]

انا كنسل خطي من زين مع انه من سنه 1993 لانه نصب ،ماليزيا قعت فيها 20 يوم اخذو على 100 دينار والله حرام بس كنت اكلم الوالده فقط
شريت الوطنيه وابي اكنسل خطي قالو لي انطر 65 يوم بعد ما تكنسل خدمت التجوال ليش تنزل اشتراكات علي ؟؟؟؟؟​

 

[wwwQ8]

شوفى شروط السعوديه على زين

حبيبي زين في السعوديه ملوي ذراعها انا اعرف شخص في السعوديه في وزارة العمل عندهم يقول شركـة زين ماوقعنا معها الى لين وافقة على شروط العماله السعوديه وتعرفة الاتصال ولا بعد اجبار زين غصبن عنها بناء مستشفيات بسعوديه ووضع مناظر جماليه في المدن السعوديه وهذا حال كـل الشركـات بسعوديه من شروط الرخصه لي شركـه ان تقوم بعمل جمالي في المدن السعوديه وبناء مستشفيات طبعا الكـل راح يوافق بلد غني وعدد سكـانه 18 مليون مع العمال 25 مليون

 

[سويسرا]

زين رسائل نصف السعر

السلام عليكم

امس اتصل علاي واحد من الشركة زين 109 وقالي عندنا عرض على خدمة الرسائل تكون نصف السعر باستثناء الاعلانات ولمسابقات والتجوال

بس قالي شرط ماتلقي الخدمة وا ماينقطع خطك واذا تبي تفصلها لا يقل عن اكثر من سنتين واذا تبي تفصل الخط تدف رسوم الغاء 100 دينار


احد عندة علم ياشباب ابي توضيح اكثر

 

[Madridi]

أنا متى ما أسافر التجوال شغال معاي واستخدمه لكن بالضرورة، المسجات ما تهدي شغالة 24 ساعة
استخدمه من أسبوع لي أسبوعين بالكثير

والخدمة والإرسال من أفضل ما يكون، يكون أفضل من خط البلد الي انت فيه، اذا في ضغط على خطوط البلد الي انت فيه نفس موسم الحج تلاقي الكل مافي إرسال إلا خطوط زين

والفاتورة ما تتعدى 12 دينار لي 20 دينار

الله يعطيهم العافية

هذي أقولها للأمانة واحقاقاً للحق

 

[SAM7]

انا بضيف لكم مصيبه كبرى انا توني واصل لبريطانيا قبل لا اسافر دفعت فواتيري وحبيت اتأكد منهم عن التجوال وكم سعر الدقيقه طبعا اتكلم عن الوطنيه

اتصال للكويت 900 فلس استقبال اظن 800 او 700 وهذا ماهي مشكله

عادي نطوفها

المسج 125 فلس هم عادي


تصدقون لما يدق عليك اي شخص وماترد عليه الدقه 400 فلس..!!!

يعني دافع دافع

حسبي الله ونعم الوكيل

يعني انسى تلفونك سكره وخله بالكويت وحتي لو ترجع يطلع عليك فلوس

وماتقدر تحجهم

كلامك صحيح وصارت وياي ، لو أي أحد يدق عليك محسوب عليك مكالمة دولية حتى لو ما شلت الخط وكل دقة مكالمة دولية ، بس المصيبة اللي مو عارفينها الأخوان أن حتى الوطنية تطبق نفس الحركة .

 

[ABU -YOUSEF]

السلام عليكم
والله يا جماعة انا امس مكلم الاردن دقيقه بعدين اتصلت على نفس الرقم كان جوال 4ثواني ثم اتصلت 3 مرات على موبايل اعطاني في الثلاث مرات "الهاتف الذي طلبته قد يكون مغلقا" والله شيكت على الرصيد كنت توني معبي كرب بدينار ونص حصلت الرصيد 800 فلس يعني حتى المكالمات الي كان الجهاز مغلق فيها ينحسب علي والمصيبة الاكبر انها كانت بعد الرسالة تقول زين ترحب بكم يعني زين الاردن من الاخر"مو مضبوطين وبيسرقوا العالم عيني عينيك الله يعديهم ويصلح حالهم .

 

[holding]

السطوانه المسموعه علي كل شي ما يعجبنا بالنصب والاحتيال مع أن كل شي أرتفع سعره ومقارنه بباقي الدول والله عايشين بنعمه وخير ولله الحمد .

 

[بوعلي1]

السلام عليكم
للاتصلات الخارجية اهم شي يكون الابتوب واصل الانترنت و استخدم برنامج skype.com
او jajah.com

 

[mena1968]

يعطيكم العافيه

اخواني اخواتي يريت تفيدوني انا الحين خارج الكويت ومشغله الموبايل عشان الطواري واشوف المسجات واعرف انه الدقيقه ب٩٠٠ فلس لكن الشي الغير معقول اذا علي الرنه بدون كلام ب٤٠٠ فلس صعبه جدا يريت تتاكدون عشان اسكر الموبايل لاني ماني محتاجه فعلا اشغله وانتو عارفين الشركه شلون تجمع افلوس من الناس يعني فس علي فس سوي لهم شركات واسفه علي الاطاله

وشكرا

 

[azzd]

قبل اسبوع كنت بالبحرين وشريت خط من شركة زين البحرين وتكلمت مع صاحبي مكالمة بين البحرين والكويت مدة المكالمة 15 دقيقة
تكلفة المكالمة فقط دينار بحريني = يعني 700 فلس
للعلم قبل السفر دقيت على 107 قالي اي مكالمة تجوال قيمتها 300 للدقيقة ارسال او استقبال و داخل البلد 125 فلس والرسالة الي ترسلها 125 فلس واستقبال الرسايل مجاناً
وللعلم كذلك لا يوجد دقيقة ونصف فقط دقيقة , دقيقتان و 3 دقائق وهكذا يعني 300 و 600 و900 وانته ماشي
الاسعار هذي لدول الخليج