دردشــــة شات .

[ابو سالم1]

حيالله الى دخلو تفضلو يا هلا

جورج ها ماوراك دوام اليوم ..؟

 

[جورج المطيري]

اجازه اداوم قبل تاريخ غزو صدام بيوم مابقي شي عاد حزتها باختفى من هالمنتدي الا ماندر
قاعد لى الظهر اصلي وانام نومة هنية تكفى ميه

 

[ابو سالم1]

اسئلو شايب عمرة 120 سنة قالولة الى متى تتوقع تعيش قال عسانى الحق على بروق سهيل كان فى شهر 7 قالهم اثاري يوم كان عمرى 80 سنة كنت ورع .

 

[جورج المطيري]

لى طلع سهيل لا تامن السيل وسهيل 24 ثمانيه بس تصدق يابوسالم من ولدت وانا اسمع هالكلام مع ان اول قطرة مطر تجينا بشهر 11 قبل المربعانيه واخر الوسم
وهذا دليل على ان طبيعة المناخ قبل غير
الحين يجينا مطر بالاخبار يقولون لسوء الاحوال الجويه هذا مطر خير بركه ينظف الارض وهذولى يقولون لسوء الاحوال الجويه

 

[ابو سالم1]

عسالله يرزقنا بالامطار مشتاقين للامطار
المهم وين تبينا نسافر لو خمس ايام اذا كلش للبحرين على الاقل نغير جو

 

[نوط بو 1000]

مطر..؟! نسيت شكله..!! متى آخر مره طق مطر عندنا

 

[ابو سالم1]

اى والله تركيا ماتبينا نسوى بلوك على الى عندنا ونهرب ندور شبيهات لميس ونتزوج زواج مسيار والنية شريفة .

 

[ابو سالم1]

هلا نوط ها تروح معانا تركيا .

 

[ابو سالم1]

ههههههههه توكل على الله انا معاك بغير النسل بجيب عيال شقر على الاقل سالم ولدى يكشخ فيهم باجر ويروح تركيا عند الخوال مو نفس خوالة فى ام الهيمان

 

[نوط بو 1000]

هلا نوط ها تروح معانا تركيا .

أمس نسيبي راجع منها يقول خذيت تاكسي من المطار للفندق ب٧٠ دينار..!!

أقول عسى ما شر بس..؟!

 

[جورج المطيري]

ههههههههههه ام الهيمان وين صايره هذى عفوا؟

 

[نوط بو 1000]

ههههههههههه ام الهيمان وين صايره هذى عفوا؟

شفيه ولد الضاحيه..؟! :d

 

[ابو سالم1]

أمس نسيبي راجع منها يقول خذيت تاكسي من المطار للفندق ب٧٠ دينار..!!

أقول عسى ما شر بس..؟!

اخاف نسيبك حلف على راعي التاكسي وعبا له البانزين لان هناك تفول السيارة بانزين 70 دينار

 

[نوط بو 1000]

اخاف نسيبك حلف على راعي التاكسي وعبا له البانزين لان هناك تفول السيارة بانزين 70 دينار

المشكله قبل تركيا كان بسويسرا يحلف يقول إنه إللي صرفه في سويسرا أقل من نص إللي صرفه في تركيا.. يقول نار تركيا هالسنه مع انه رايح لها قبل بس كانت رخيصه حيل مافي مقارنه مع هالسنه.

 

[Abo Fahad]

ضايق خلقــــــي مادري ليش

الظاهر نومة القايله جذيه لما تقوم المغرب

 

[ابو سالم1]

افا سيتى نت ليش متضايق الحين امرك باليخت ونروح حداق ونروح نتمشى بالجزر

 

[Abo Fahad]

الجو مايسمح طلعه

لكن اذا ناوي ماراح احرجك

خل نطلع النمسا ليلتين

كل شي على حسابي

بس عليك التذاكر والسكن والمصروف

 

[جورج المطيري]

هلا

الجو مايسمح طلعه

لكن اذا ناوي ماراح احرجك

خل نطلع النمسا ليلتين

كل شي على حسابي

بس عليك التذاكر والسكن والمصروف

عرض مغري والله لا يطوفك بوسالم
سيتي نت انا بعد ابي اروح

 

[zoya_y]

سلام عليكم ... اشعندكم !!

 

[نوط بو 1000]

سلام عليكم ... اشعندكم !!

سمعتي طاري البلاش دخلتي ركض..!!

يا حبكم حق المفت