متى اول مره دخلت النت ادخل وجاوب :))

[TAHOE]

OK

dial up

لاتزعل يا ستي نت وتحطها بصفحة البدليات ,,,غلطه مطبعيه

 

[مديرو]

جاوب على 3 اسئله عشان نعرف جم صارلك تحوس اهني



السؤال الاول : اي سنه دخلت الانترنت؟
سنة 96 "تأريباً" على قولة المصريين

السؤال الثاني : ماهو اول برنامج عرفته ؟
برنامج الـ mirc .. وبالبداية حدّي كنت ضايع بالطوشه ..
ودي أدش كل Channel بنفس الوقت ..
خصوصاً إني كنت سوبر بطيئ عالكيبورد و مو ملحق على سوالفهم ..
وأموت من الحرّه اذا شفت واحد منهم مسوي حركات وأشكال وآنا مادري شالطبخه .. !!
السؤال الثالث :هل ندمت على دخولك للنت؟
في البداية كان (دخول بدافع الفضول) والحمدلله إني طقّيت بريك ..
ولا كان الله العالم اليوم شنو بتكون شخصيتي .. !!
المهم اخذت لي شوية (قصدي وايد ) وقت على ما قمت استخدم النت مثل الأوادم ..



إييييه .. أيّام ما تنّسي ..

 

[maryooma-23]

هلووووو

اول مرة دخلت النت تقريبا سنه 1995

اول برنامج استعملته mirc

و طبعا ما ندمت.. و النت ما يكون سلبي الا اذا كان استعمالك سلبي

 

[aziz777]

السؤال الاول : اي سنه دخلت الانترنت؟

سنة 1996 وكنت مشترك بشركه كويت نت (( كل اشوي يقطع وادق عليهم يوقفونه ))

مشترك شهر وطولت وياهو شهرين وشي من كثر اوقف الاشتراك ..

بعدين شركة كمز بودينارن ونص 100 كرت عندي مجمعهم

وايميلي ليلحين محتفض فييه من ذيج السنه

السؤال الثاني : ماهو اول برنامج عرفته ؟

طبعا حزتها توني شري كمبيوتر يديد فكنت ادش اسوي كروت تلفونات

وكنت اطقطق بMIRC وكان عندي سكربت اسمه الصومالي



السؤال الثالث :هل ندمت على دخولك للنت؟

والله بصراحه لا ماندمت بس في اوقات صج كنت اندم عليها لانه خذت من وكتي على الفاضي ..

 

[Abo Fahad]

<<== حاس انكم الربع المحاربين القدامى


شكرا لكل من رد وجاوب بكل صراحته


اهم شي الصومالي ودشداشه والصعايده

وتم احتلال القناه

 

[BMW2007]

دخولنا الله والعالم سنة 97

والبداية طبعاا محادثه وتقعد بالساعااااااااااات

فعلاا ندمت علا دخولي في وقتهااااااا ماكان استخداامي صحيح

ورديتله علا سنة 2003 استعمااااال خفيف مو دااايم

 

[Abo Fahad]

شكرا بي ام

وانشالله هالرجعه تستفيد بوقتك فيها

ترى المنتديات فيها فايده وانصحك تتعلم على التصميم

او البرمجه ينفعونك حتى في مجال عملك

 

[Master-Leo]

سنة 1994- 1995 كنت أدرس الحاسب الآلي بالجامعه وتونا كنا متعلمين على الآي أر سي يحليلنا

من ناحية ندمت أبداااااااا مش حتنازل عن الكمبيوتر ولا النت لأن كل شغلي فيهم

انا بدون كمبيوتر و إنترنت أصير مثل السمك من غير ماء

 

[ناصر الكويت]

السؤال الاول : اي سنه دخلت الانترنت؟

سنة 1996 وكنت مشترك بشركه كويت نت (( كل اشوي يقطع وادق عليهم يوقفونه ))

مشترك شهر وطولت وياهو شهرين وشي من كثر اوقف الاشتراك ..

بعدين شركة كمز بودينارن ونص 100 كرت عندي مجمعهم

وايميلي ليلحين محتفض فييه من ذيج السنه

السؤال الثاني : ماهو اول برنامج عرفته ؟

طبعا حزتها توني شري كمبيوتر يديد فكنت ادش اسوي كروت تلفونات

وكنت اطقطق بMIRC وكان عندي سكربت اسمه الصومالي



السؤال الثالث :هل ندمت على دخولك للنت؟

والله بصراحه لا ماندمت بس في اوقات صج كنت اندم عليها لانه خذت من وكتي على الفاضي ..

سكربت الصومالي كان طفرة

وما ننسا سكربت دووش واسترليني والبقية


اذى احد عنده هل سكربتات خل ينزلها نشبك عليها

 

[الشامري]

السلام عليكم ورحمة الله وبركاته

سنة 1994- 1995 كنت أدرس الحاسب الآلي بالجامعه وتونا كنا متعلمين على الآي أر سي يحليلنا

من ناحية ندمت أبداااااااا مش حتنازل عن الكمبيوتر ولا النت لأن كل شغلي فيهم

انا بدون كمبيوتر و إنترنت أصير مثل السمك من غير ماء

صادوه

طلعت زميل

إنت يا دفعتي يا قبلي بدفعة أو ثنتين

عموما أنا كنت جارك في الخالدية، بكلية الهندسة

وكانت سنة 1995 أول سنة أدخل فيها النت

كان عندي 4 ساعات فراغ، ومقزرها بالكمبيوتر لاب في الجامعة، بس أنا ماكان لي أي شغل بالكمبيوتر

أول برنامج ............ ما كان برنامج كان براوزر النت سكيب وهات يا تصفح

بس كان الإنترنت في الجامعة سريع وقتها، يعني فيديو أبو أربع ثواني يتحمل بأربعين دقيقة بس، لا وما يشتغل آخر شي

وبصراحة ندمت

بس مو على دخولي النت، على انقطاعي عنه حتى سنة 2002-2003

 

[Abo Fahad]

الشامري : طلع من كيبوردك غبــــار :") موفق والله يوفقك يارب بالنت وبرا النت


ناصر الكويت : الله يعطيك العافيه اخوي ناصر وانشالله اشوف ولدك ملك السكربتات


Master-Leo : هم قديــــــــــــــــــــــــــــم وشكرا على تواصلك ويانا

 

[بوعبدالله]

عام 1996 بالتحديد صيف عام 1996
واذكر المكان كان في كافيه بمجمع الدولية

و طبعا البرامج المعروفه بوقتها الفري تيل و الاميرسي و ايام الاندر نت و الاف نت

ومن ناحية الندم الحمدلله لم اندم بالعكس استفدت الكثير من الانترنت

موضوع جميل شكرا لصاحب الفكره

 

[Abo Fahad]

شكرا بوعبدالله
اعتقد الساعه كانت ب ثلاثه ونص؟

 

[انطلق2]

هييييه هييييه...حضرمي قديم قديم...المهم:
أنا أول مرة دخلت للنت في سنة 94 في مختبر الماكنتوش(كان المختبر فوق بالدور الأول) في مبنى 4خ بكلية الهندسة أيام ماكان بوجاسم(حارس المباني بعد الله) يبيع كاوكاو و بطاط و عصير بغرفته بالدور الارضي(بس الإدارة منعوه سنة97 أو 98 من البياعة بالغرفة )
وكان في برنامج محادثة نستخدمه قبل mirc و قبل irc كان إسمه global chat...والله زمان.

 

[Abo Fahad]

حدم عتيج معتق

انطلق 2 شكرا على المرور والرد والداخليه

 

[جورج المطيري]

هلا

سكربت الصومالي كان طفرة

وما ننسا سكربت دووش واسترليني والبقية


اذى احد عنده هل سكربتات خل ينزلها نشبك عليها

اذا انتا من اهل الصليبيخات انا عرفتك واذا موساكن الصليبيخات موانتا رفيجي

 

[الشامري]

هييييه هييييه...حضرمي قديم قديم...المهم:
أنا أول مرة دخلت للنت في سنة 94 في مختبر الماكنتوش(كان المختبر فوق بالدور الأول) في مبنى 4خ بكلية الهندسة أيام ماكان بوجاسم(حارس المباني بعد الله) يبيع كاوكاو و بطاط و عصير بغرفته بالدور الارضي(بس الإدارة منعوه سنة97 أو 98 من البياعة بالغرفة )
وكان في برنامج محادثة نستخدمه قبل mirc و قبل irc كان إسمه global chat...والله زمان.

والله إنك جبتها

بو جاسم الله يذكره بالخير

طلعت زميل يا انطلق

وبرنامج جلوبل شات علمني عليه كذا واحد من الربع بذاك الوقت، بس كنت بطيئ بالكتابة، لذلك تركته

أذكر الإخوان خالد الشلاحي الله يذكره بالخير والمرحوم عبدالله الرشود مطيحين في اللاب

ياخوي ذكرتني بذكريات أول أيام الدراسة الجامعية

 

[ناصر الكويت]

اذا انتا من اهل الصليبيخات انا عرفتك واذا موساكن الصليبيخات موانتا رفيجي

لا مو ساكن بالصليبيخات وان شاء الله رفيجك بالجنة يا المطيري

 

[الصج ينقال]

عيل انا توني طري

دخلت النت سنة 2004 تقريبا لوووول
أول برنامج عالنت مسنجر بس مسنجر واقطع.. تالي بديت المنتديات سنة 2006
وإلى الآن

استفدت من النت الشيء الكثير لكن لا يخلو النت من سلبيات لازم نبينها
الي هي كثرة مجابلة الشاشة الراس يصدع ويعور العين ويآكل من الوقت أكال بس زين حق إذا بتمشي وقت ما تبي تحس فيه

 

[انطلق2]

والله إنك جبتها

بو جاسم الله يذكره بالخير

طلعت زميل يا انطلق

وبرنامج جلوبل شات علمني عليه كذا واحد من الربع بذاك الوقت، بس كنت بطيئ بالكتابة، لذلك تركته

أذكر الإخوان خالد الشلاحي الله يذكره بالخير والمرحوم عبدالله الرشود مطيحين في اللاب

ياخوي ذكرتني بذكريات أول أيام الدراسة الجامعية

من صجك؟؟؟؟!!!!!
عبدالله الرشود إلي بدفعة 95 أو96 توفى؟؟؟؟!!!! و متى ؟؟؟؟!!!!

إنا لله و إنا إليه راجعون...الله يرحمه برحمته التي وسعت السماوات و الأرض.

وخالد الشلاحي أعرفه بعد ..بس أنا دفعة 94