حديث الساعة

[دولار$]

الله يرحمة ويسكنة الجنة
ما أعتقد راح يتغير أي شي
​

 

[ايمان الكويتيه]

منطقيا وبعيدا عن العاطفه الأسهم أسعارها مسوي عليها تنزيلات فأول من يبي يشتري هم الورثه أنفسهم خوفا من دخول آخرين ولاتنسون انهم اعمام وابناء أعمام وشرباكة أهل وكل واحد يبي نصيب لعياله ربي يسخرهم للمساهمين ويتخامطون الأسهم .

 

[الرازي11]

الاستحواذ على شركة واحده أو أثنتين كفيله بقلب الطاولة على

مجموعة ايفا . فعلى سبيل المثال لو تم الاستحواذ على جيزان والدولية م أ

فمن الطبيعي أن المستحوذ سيمتلك 16% من ايفا فهي نسبة ليست ببسيطه

فنصيحة إلى عائلة البحر اذا ارادت ان تحافظ على مجموعة ايفا ان ترفع اسعار

اسهم الشركات أو الخطر قااائم وخصوصا اذا فكر على سبيل المثال الامير

الوليد بن طلال الاستحواذ على ايفا فهو يملك بها كما تعلمون

( ان غدا لناظره لقريب )

 

[نجم الراية]

غلطة عمره البحر --- وغلطة الشاطر كبيرة

كان في موضوع -- مستقبل اسهم البحر --- واغلق الموضوع -- ماني عارف السبب ؟
عموما ------------ الحكومة ابخصصصصصصصصصصصص (المشرفين)
---
بالنسبة لاسهم البحر :
1- اسهم بالقاع - وكل مجموعة البحر --- اسعارها منخفضة جدا .
2- غلطت البحر كان تنزيل اسهمه الفترة اللي طافت ليخرج الناس منها ويخسر الاجل ويرجع الاسهم اللي باعها ويدمج شركاتة ويعيد سيناريو اسهمه بطريقة جديدة تناسب قوانين البورصة الجديدة وطبيعة البورصة بعد فهم الناس --- دهاليز وسوالف المحافظ --- يعني زيادة الوعي الاستثماري لدي المتداوليين بالبورصة .
3- شركات البحر قوية باصولها لكن واللي تعتبر فرصة لمن يرغب بالفايدة فالحرب ضرووووووس بالبورصة ماحد يخلي شي لاحد يعني اللي يشتري وقوي يرغب يستحوذ ومايبطل شرا يجبر ملاك الشركة علي لم الاسهم منه او تسليم الشركة وبالقانون بعد مايطلب جمعية غير عادية ويغير مجلس الادارة -- وعلي قولتهم ---- عمي من اخذ امي
4- انصح ملاك الاسهم عدم التفريط بالاسهم وخصوصا انها اسهم بالارض اسعارها لا مو بالارض بالسرداب اسعارها .
5- السيناريوا لاسهم البحر بدا يوم الاربعاء بس من الي فاهمين واللي خلها ترتفع شوي ---
6- انا سمعت ان عقارات الكويت استحوذ عليها جاسم البحر من زمان من راعيها الاول --- ارجوا من لدية معلومة عن تاريخها يفيدني به ولة جزيل الشكر

7- لا زلت اكررر غلطة جاسم البحر ---------- تخفيض ملكياتة بجميع شركاتة الفترة السابقة --- والله يرزق الناس بعد المعاناة المريرة مع السهم الفترة السابقة .
8- الله يرحم اموات المسلمين جميعا

تقبلوا تحياتي :
نجــــــــــــــــــــــــــــــم الرايــــــــــــــــــــــــــة

 

[بو ذياب]

كلامك حلو نجم الراية .,..
الصراحة وقت وفاة المرحوم راح يخربط المجموعة اذا ماكان فية شخص على قد المسؤولية خصوصا وان اغلب الشركات التابعة للمجموعة راح تندمج مع بعضها مما سيؤدي انشاء الله الى رفع الاسهم مرة اخرى ... (حدي متوهق ابسعر السهم الي ماخذه)

 

[lion_73]

السلام عليكم
يا جماعه الصبر واح اتشوف سهم ايفا فووووق السحاب بس الصبر

 

[Balool]

لا تسبقون الاحداث ما تدرون ما في الغيب .. استحواذ جايز لاكن حتى عائلة البحر تقدر تستحوذ على شركات اخرى كانذار للاخرين ...

لا تنسون العم محمد عبدالرحمن البحر العميد حي و له هيبته و احترامه من بقية التجار

 

[baselko]

انا برايي ماراح يختلف شيئ

 

[أعتمد]

محافظ كبيره وصناديق تعد العده لبيع كبير على اسهم شركات البحر
والله الموفق

 

[مليون دينار]

السؤال هو للجميع ما هو مصير السوق وخصوصا الأسبوع القادم
والسوق عنده مقاومه قوية عند 15 ألف نقطه

وفاة جاسم البحر

دخول المستشفي لسامي البدر والسلطان

 

[فيصل2]

السؤال هو للجميع ما هو مصير السوق وخصوصا الأسبوع القادم
والسوق عنده مقاومه قوية عند 15 ألف نقطه

وفاة جاسم البحر

دخول المستشفي لسامي البدر والسلطان

الله يرحم الميت
ويشفي المريض
هاذا سوق الكويت ......لايتأثر بأحد
واقتصاد الكويت قوي وهاذي دولة لها قوتها الاقتصادية لاتتأثر بالاسماء
وخير دليل ان الدولة فقدت اغلى ماعندها وهو القائد والحاكم ابو اليتام شيخنا جابر الله يرحمة ويسكنة فسيح جناتة ....ولاتأثر سوق الكويت لانه هاذي قوة اقتصادية بنيت من ذو زمن وشركات لها قوتها وارباحها الفعلية
وجأت بعدها ازمة الحكم ...ولاتأثرت البورصة او انهارت

الله يخليلنا الكويت
مثل ماقالو
اياك واليأس من وطنك

 

[عديل الروح]

محافظ كبيره وصناديق تعد العده لبيع كبير على اسهم شركات البحر
والله الموفق

أبي أفهم إنت من ضمن هالمحافظ ولا قاعد اتخمن على كيفك ....

يا أخي اشفيك قاعد تنقل اخبار مو صحيحة وطايحله تخرع بالعالم ...


جاسم البحر الله يرحمه توفى وإنتهى .... لا تنسى محمد البحر الله يعطيه طولة العمر عايش وعيال المرحوم هم فيهم الخير إن شالله

وشركات البحر قوية وراح تبقى قوية وإلى الأفضل ان شالله

اترك عنك هالكلام الفاضي وتكلم بشي فيه خير

(أتمنى كلامي ما يزعلك ...)

ونلتقي معاك يوم الأحد بداية الإسبوع الصبح الساعة 9 صباحا

 

[عديل الروح]

الله يرحم الميت
ويشفي المريض
هاذا سوق الكويت ......لايتأثر بأحد
واقتصاد الكويت قوي وهاذي دولة لها قوتها الاقتصادية لاتتأثر بالاسماء
وخير دليل ان الدولة فقدت اغلى ماعندها وهو القائد والحاكم ابو اليتام شيخنا جابر الله يرحمة ويسكنة فسيح جناتة ....ولاتأثر سوق الكويت لانه هاذي قوة اقتصادية بنيت من ذو زمن وشركات لها قوتها وارباحها الفعلية
وجأت بعدها ازمة الحكم ...ولاتأثرت البورصة او انهارت

الله يخليلنا الكويت
مثل ماقالو
اياك واليأس من وطنك

أحسنت اخوي فيصل وبارك الله فيك

 

[الخمعلى]

محافظ كبيره وصناديق تعد العده لبيع كبير على اسهم شركات البحر
والله الموفق

يااخى لا تتكلم كلام من غير منطق .
لو فيه محافظ عى قولتلك كان ما نزلت اسعار المجموعه

 

[kaifani]

من الصعب جدا جدا جدا يصير عليها استحواذ .

 

[ourq8]

على فكره ... اذا توفى الابن قبل الأب يقوم الأب بوراثة الجزء الأكبر من الثروه و ليس الأبناء .. صح و الا لا؟ واحد من الشباب قال لي هالمعلومه

يعني اذا ما كان في توافق قوي بين أخوانه و عياله ... سيكون مصير التركه غامض

بالنسبه للأسهم ... هي من زمان غارقه ... اللي يبيع الحين شنو خايف منه بعد؟؟

 

[مليون دينار]

على فكره ... اذا توفى الابن قبل الأب يقوم الأب بوراثة الجزء الأكبر من الثروه و ليس الأبناء .. صح و الا لا؟ واحد من الشباب قال لي هالمعلومه

يعني اذا ما كان في توافق قوي بين أخوانه و عياله ... سيكون مصير التركه غامض

بالنسبه للأسهم ... هي من زمان غارقه ... اللي يبيع الحين شنو خايف منه بعد؟؟

نعم كلامك صحيح100%

يعني يشارك أبناء جاسم البحر بالثروة

الجد والجدة والعم والخال

 

[أعتمد]

كما انتم دائما لاتصحون الا بعد وقوع الكارثه كم من الدروس مرت عليكم
ولكن لاحياة لمن تنادى

 

[مليون دينار]

كما انتم دائما لاتصحون الا بعد وقوع الكارثه كم من الدروس مرت عليكم
ولكن لاحياة لمن تنادى

باجر يبين

 

[بومشاري]

ردة فعل قصيرة لان الناس مو عارفة شنو الوضع

بعدها يرجع كل شئ طبيعي

هذي شركات وعريقة ولها ناس تديرها مو جاسم البحر بروحه


الرأي شخصي .. والله اعلم

اتفق معاك بالراى​