تحليل اسهم البحر العقاريه + ايفا للاستثمار

الحالة
موضوع مغلق

splendid

عضو نشط
التسجيل
15 أكتوبر 2005
المشاركات
2,666
السلام عليكم ,,

لله ما اعطى ولله ما اخذ ,, والله يرحمك يا بو طلال ويغمد روحك الجنه ,,

-----------------------------------------------------------------

هذا الموضوع سيكون ان شاء الله مخصص لمتابعه اسهم البحر العقاريه

بالاضافه الى سهم ايفا للاستثمار ,, لان اغلب اسهم البحر اما وصلت الى

قيعان او قريبه جدا ,, ولا يعلم سوى الله سبحانه وتعالى تاثير خبر وفاه

بو طلال رحمه الله عليه على حركه الاسهم ,,

نحاول ان شاء الله من خلال هذا الموضوع وبعد توفيق الله سبحانه ان نحاول

التنبؤ بحركه هذه الاسهم ,,

والتوفيق من رب العالمين سبحانه وتعالى ...
 

splendid

عضو نشط
التسجيل
15 أكتوبر 2005
المشاركات
2,666
ايفا للاستثمار

ستكون البدايه ان شاء الله مع

سهم ايفا للاستثمار ,, لانه هو السهم الوحيد القابل للتحليل بنسبه كبيره

من الدقه ,, لانه شكل موجات دافعه واضحه ومن ثم تراجع بقوه ,, وهذا

السلوك موجود فقط في سهم ايفا ..

-----------------------------------------------------

هذه وجهة النظر Outlook لسهم ايفا وترقيمه ,, واضح وجود خمس

موجات Impulse عظمى باللون الاحمر ,, متناسقه على ترندات وذات امتداد

للموجه الثالثه منها ,,

المهم حاليا هو معرفه ماهي الموجات الموضوع عليها علامات استفهام

,وهل انتهى التصحيح ؟؟ ام لازال هناك المزيد من النزول ,,

وللحديث بقيه ان شاء الله ..
 

الملفات المرفقه:

  • Ifa.PNG
    Ifa.PNG
    الحجم: 33.7 KB   المشاهدات: 1,784

الحيدر911

عضو نشط
التسجيل
29 أكتوبر 2006
المشاركات
183
الله يجزاك الف خير بوبشير
والله كنت بطلب منك التحليل بس مابغيت اكلف عليك .. اشوه انها يت منك :)
على العموم يالحبيب لا تنسى تباشرنا بالتحليل ورحمه على حيك وميتك
بارك الله فيك يبعد حيي :)
 

splendid

عضو نشط
التسجيل
15 أكتوبر 2005
المشاركات
2,666
الله يجزاك الف خير بوبشير
والله كنت بطلب منك التحليل بس مابغيت اكلف عليك .. اشوه انها يت منك :)
على العموم يالحبيب لا تنسى تباشرنا بالتحليل ورحمه على حيك وميتك
بارك الله فيك يبعد حيي :)

اخخخخخ لو ادري كان تاخرت

شويه عشان آخذ منك 1350 فلس على كل تحليل ,,

انت تامر يا بو محمد ,,

--------------------------------------------------------------

في التشارت المرفق ,, السهم تراجع بثلاث موجات ( a b c ) باللون الازرق

,, وواضح ان الشكل عباره عن Zigzag متانسق الطول ,,طول الموجه C

تقريبا مساوي للموجه a ,, والاهم هوانالتراجع كان بمستوى قريب للموجه

الرابعه الحمراء ( الدوائر البنفسجيه ) ,,

وبعد الارتداد من هذا المستوى وصعود السهم ,, عاد وانتكس مره اخرى ,,

شخصيا لا اعتقدان الصعود الذي تبع الموجه C الزقاء كان عباره عن موجه

Impulse ,, لانها ليست واضحه كخمس موجات ,, وايضا لاعتبارات اخرى

عدم تجاوزها ال 50 % فيبوناتشي ,,وهذا مؤشر مهم على انها ليست

Impulse ..

للحديث بقيه ,,
 

الملفات المرفقه:

  • Ifa 2.PNG
    Ifa 2.PNG
    الحجم: 39.4 KB   المشاهدات: 1,739

الحيدر911

عضو نشط
التسجيل
29 أكتوبر 2006
المشاركات
183
مايامر عليك ظالم يالطيب
وتستاهل كل خير .. كافي مجهودك وتعبك ويانا
مالك خاطر ب عشوه طيبه بميس الغانم .. ترا حاضرين للمحللين :D
 

TAKE-OVER

موقوف
التسجيل
19 سبتمبر 2006
المشاركات
2,870
الإقامة
وطن النهار
الله يعطيك العافيه يا بو بشير
و عساك على القوه
و تمنياتي لك بالتوفيق يالغالي
 

splendid

عضو نشط
التسجيل
15 أكتوبر 2005
المشاركات
2,666
مايامر عليك ظالم يالطيب
وتستاهل كل خير .. كافي مجهودك وتعبك ويانا
مالك خاطر ب عشوه طيبه بميس الغانم .. ترا حاضرين للمحللين :D


عسى عمرك طويل يا بو محمد ,,

اعتبرها واصله يالغالي ,,

الحين ركز معاي يا بو محمد ,,وخلنا نشوف شنو صار مع ايفا ,,..,,

طبعا تذكر لما دخل احمد رجب على ايفا شنو صار بالسهم ,, :D


وقتها كان السهم ماشي اوكي وانا حطيت تحليل بالنوادي ان السهم فيه

شي واحتمال يصعد ,, لكن دخول رجب على السهم هو اللي لخبط الحسبه

وخلى صانع السوق يمدد نزول السهم ,, يعني فنيا اللي صار معانا ان

الشكل الفني تطور وتمدد , وراح يصير معانا Zigzag آخر ,,

هالشغله هذه من اصعب الاشياء في التحليل أنك تتوقع ان الشكل الفني

يتطور ويتمدد النزول ,, لانه غالبا اما يصير بسبب خبر سيء مخفي ,, او مو

شرط يكون الخبر سيء ,, او تعمد صانع السوق بتنزيل السهم مره ثانيه ..

لان المنطق يقول المفروض السهم يصعد عشان يصرفون المنحه المجزيه ,,

وهذا الشي اللي خلى شكل الموجه ii الخضراء في الموجه C بهذا الشكل..

وحتى الفوليوم فيها قوي شويه ,,


------------------------------------------------------------


الحين ,,


اللي صاير معانا ان الموجه C تساوي بالضبط الموجه a ,,

وهذا عند وصول السهم امس الى 370 فلس ( توقعتها 385 ) ..

التحليل يقول انه لازم يكون عندنا موجه رابعه وبعدها موجه خامسه تنزل

بالسهم تحت 365 فلس ,, لكن مو شرط هالشي يصير ,,

ليش ؟؟


لان الشكل الفني ممكن يطلع اساسا Double Zigzag بدل ما يكون Single

Zigzag ,, يعني اول شكل من اعلى قمه Single Zigzag مرتبط ب Double Zigzag ,,

وهالشي هذا نادرا ما يصير ,, لكن ما يمنع انهما يصير ..

السهم قريب جدا من القاع ( هذا اذا ما انتهى القاع امس ) ,,ولكن مثلك

عارف تاثير خبر وفاه المرحوم على الاسهم علمه عند رب العالمين ,,

بالتوفيق يا بو محمد ولجميع ملاك شركات المرحوم البحر ...
 

الملفات المرفقه:

  • Ifa 5.PNG
    Ifa 5.PNG
    الحجم: 40 KB   المشاهدات: 1,585

بوعيد

عضو مميز
التسجيل
8 يوليو 2005
المشاركات
816
بو بشير

صراحه مجهود متعوب عليه

متابعه جميله الحلو فيها ان الواحد فوق انه قاعد يشوف تحليل يتعلم ايضا

بارك الله فيك وجزاك الله خير
 

qatel4

عضو نشط
التسجيل
19 يوليو 2005
المشاركات
667
السهم شكله نازل بعد ولا شنو رايكم
 

مناوي الشعر

عضو نشط
التسجيل
5 مايو 2007
المشاركات
763
بو بشير ولا عليك امر تحليل جيزان

واسفين تحملنا
 

splendid

عضو نشط
التسجيل
15 أكتوبر 2005
المشاركات
2,666

splendid

عضو نشط
التسجيل
15 أكتوبر 2005
المشاركات
2,666
عقارات كويت

سهم عقارات كويت ايضا يحتمل

اكثر من خمس او ست سيناريوهات للترقيم ,, لانه لم يتحرك بموجات

Impulse مثل سهم ايفا ..

--------------------------------------------------------

ما يهم بالنسبه لهذا السهم ,, هو انني اتوقع ان السهم انهى الموجه

الخامسه v عند وصوله بالامس الى 162 فلس ,, وبذلك يكون انهى موجه

اكبر ( هي الموجهa الزرقاء ) عند هذا السعر ,, ويكون هناك فرصه حقيقيه

ان شاء الله للسهم للارتداد من هذه النقطه ..

وطبعا كون هذا السهم يحتمل كذا سيناريو للترقيم ,, فلن اتقيد بسيناريو

واحد فقط ,, ومتى ما دعت الحاجه لتغيير الترقيم ساقوم بتغييره ,, ولكن

هذا السيناريو هو الاقوى في الوقت الحالي ,,

بانتظار الارتداد ان شاء الله ,,
 

الملفات المرفقه:

  • عقارات ك.PNG
    عقارات ك.PNG
    الحجم: 31.1 KB   المشاهدات: 1,472

splendid

عضو نشط
التسجيل
15 أكتوبر 2005
المشاركات
2,666
سهم الدوليه م أ شكل مثلث

عملاق مثل ما هو واضح بالتشارت ,,

المطلوب حاليا هو التاكد من هذا النموذج ومدى تحققه ,,

والشي الثاني والاهم هو هل ترقيم المثلث بهذه الصوره صحيح ام لا ,,


-------------------------------------------------------


طبعا الاشكاليه من وجهة نظر فنيه هي ان هذا المثلث ليس لموجه محدده

كأن تكون موجه b او موجه رابعه او موجه x ,, الاشكاليه ان السهم حركته

على المدى الطويل عباره عن مثلث ,, وطبعا التنبؤ بصحه هذا الشكل تحتاج

وقت ,, هذا باختصار ,,

ومرفق ايضا تشارت للين الياباني من سنه 1996 ,, نشوف المثلث واضح

ولكن حتى اليوم ما قدروا محللين نادي اليوت على الحكم عليه ,, وهناك ترقيم

آخر موجود بالاسفل Alt ..

يعني العمليه الله يعييننا عليها ..

ويوجد مناقشه مع الاخ بو فجر بخصوص هذا السهم في موضوع ,,

بالتوفيق ,,ونتامل ان شاء الله ان يتحقق النموذج ..
 

الملفات المرفقه:

  • دوليه م ا.PNG
    دوليه م ا.PNG
    الحجم: 34.5 KB   المشاهدات: 693
  • jpy_monthly_7.PNG
    jpy_monthly_7.PNG
    الحجم: 14 KB   المشاهدات: 706

splendid

عضو نشط
التسجيل
15 أكتوبر 2005
المشاركات
2,666
جيزان

جيزان هذا معقد شويه ,, لانه

اما ان يكون مثلث نفس دوليه م أ ,, او يكون Impulse مثل ايفا ..

:D


-------------------------------------------


المشكله اذا كانت جيزان عباره عن مثلث ,, في ثلاث مثلثات كلها تركب

على التشارت ... :confused::confused:


يعني اعقد من هالتشارت مافي .... :D


----------------------------------------------


هذا اول مثلث ,, وحطيت علامع استفهام عند الموجه C لسبب راح اذكره

في المشاركه القادمه ,,

طبعا انا طريقتي بالتحليل اني اكتب كلام كثير واشرح قد ما اقدر عشان

اللي يحب يتابع تحليل اسهم البحر بموجات اليوت يستفيد ,, ويكون النقاش

مفتوح للفايده ..

وهذا اول مثلث لجيزان ,,

وللحديث بقيه ,,
 

الملفات المرفقه:

  • جيزان.PNG
    جيزان.PNG
    الحجم: 35.2 KB   المشاهدات: 741

splendid

عضو نشط
التسجيل
15 أكتوبر 2005
المشاركات
2,666
وهذا المثلث الثاني اللي ممكن

يكون صاير معانا ,,

----------------------------------------------

المثلث دائما يكون التداول داخله عشوائي ,, خصوصا لما يكون على مدى

طويل ,, صعب جدا ويمكن يكون مستحيل تحديد نقاط الارتداد فضلا عن

تحديد الترند العام فيه ..

واعتقد انه مافي سهم عقد الناس كثر جيزان ,, فاحتماليه سيناريو المثلث

قائمه وبقوه ,,

بصراحه اول مره اشوف سهم ممكن يعطيني ثلاث مثلثات ,, :D

 

الملفات المرفقه:

  • جيزان 2.PNG
    جيزان 2.PNG
    الحجم: 35.4 KB   المشاهدات: 691

ABO_BADER

عضو نشط
التسجيل
30 أغسطس 2007
المشاركات
477
جزاك الله خير أخوي على التحليل
وبارك الله فيك
 

splendid

عضو نشط
التسجيل
15 أكتوبر 2005
المشاركات
2,666
يتبع

وهذا آخر مثلث ,,

هذا المثلث نحتاج اقل شي سنه حتى يعطي اول اشاره على صحه هذا

النموذج ,, يعني انا ذكرته بس لانه احتمال قائم ولكنه يحتاج وقت طويل ,,

يبقى آخر شكل وهو ال Impulse وراح يكون بالتفصيل ان شاء الله ,,

طبعا جميع التشارتات ويكلي ..
 

الملفات المرفقه:

  • جيزان 3.PNG
    جيزان 3.PNG
    الحجم: 34.8 KB   المشاهدات: 683
الحالة
موضوع مغلق
أعلى