مستشفى البحر للعيون

[al7bebe]

ياكثر مشاكلهم من موظفيين وممرضين ومواعيدهم في الاشهر والدكاترة دايماً في اجازة او غياب عن العمل والمراجعين من كبار السن ازداد مرض عيونهم . مما يجعل ذهاب الكثير من المرضى الكويتيين لعيادات خاصه للدكاترة مستشفى البحر المهملين في عملهم والباحثين عن المال.
وللأسف لا حياة لمن تنادي في هذا المستنقع المظلم

 

[zoya_y]

الله يهديهم ويشفى كل المرضى آمين
ولا منت بعض هالدكاتره السيئين عبالهم يشتغلون ابلاش ماتبي تشتغل قدم استقالتك وفكنا حسبي يالله عليهم

 

[(فزاع)]

لا حول ولا قوة الا بالله ..

 

[جورج المطيري]

اخوى المحبوب انا ما اخالف رايك بس رحت مرتين مودي بنتى الصغيره وكان كل شي تمام والى على الاستقبال كان الفنان خالد عجيرب وكانت بنتى توها والده حتى حصلت خوش دكتور عازمى هناك بصراحه محترم ووصفلنا طريقة علاج كانت فعاله والحمد الله انا ما اخالفك الراي لكن هذى تجربتى مع مستشفي البحر
وابى اقولك بكل صراحه شيل الوافدين بروحهم والكويتيين بروحهم شوف الخدمات شلون تصير قبل جم يوم انا بمستشفي الفروانيه وبوسط الجموع الرهيبه اكتشفت انى انا الوحيد الكويتي بينهم
الحل حط مستشفيات للكويتيين خاصه وراح يتعدل كل شي

 

[MOHAMMED11]

اخوى المحبوب انا ما اخالف رايك بس رحت مرتين مودي بنتى الصغيره وكان كل شي تمام والى على الاستقبال كان الفنان خالد عجيرب وكانت بنتى توها والده حتى حصلت خوش دكتور عازمى هناك بصراحه محترم ووصفلنا طريقة علاج كانت فعاله والحمد الله انا ما اخالفك الراي لكن هذى تجربتى مع مستشفي البحر
وابى اقولك بكل صراحه شيل الوافدين بروحهم والكويتيين بروحهم شوف الخدمات شلون تصير قبل جم يوم انا بمستشفي الفروانيه وبوسط الجموع الرهيبه اكتشفت انى انا الوحيد الكويتي بينهم
الحل حط مستشفيات للكويتيين خاصه وراح يتعدل كل شي

انا ايضا مع ولد العم
اذكر اني رحت له مرّه وحده وكان كل شي منظّم
والموجودين كلّهم بقمة الذوق
والدكاتره ايضا
حتى الممرض كان فلبيني مسلم ومتدين بعد

يعني اللي شفته باختصار ان المستشفى منظم
والناس اللي فيه ناس عارفه شغلها عدل


عاد كانها تغيرت من عقب مدري
سالفتي انا قديمه شوي

 

[نيويورك]

( زياره واحده لا تكفي )

السلبيات :
مستشفى البحر للعيون سيء جدا و فوضى ولا يوجد احترام للدور و لكبار السن بالفعل و السبب هو :
- الممر الخلفي مفتوح للواسطات فاللي ماخذ رقم واحد الساعه 7 الصبح .. ممكن يدش على الدكتور عقب الساعه 10 عادي جدا .. لأن زحمة الدكاتره بالواسطات اكثر ..
- فيه توجه لتطفيش المرضى حتى يرغمونهم على العيادات الخاصه لنفس الاطباء اللي بنفس المركز ..
- العلاج يتحصل عليه البنغالي و ج ن س يات اخرى ببذخ صارو من خلاله تجار من كثر بيع الفائض .. و الكويتي يعدون عليه بالحبه الوحده ..
-الاداره بالدور الاول مفصوله عن الارضي ولا لها اي علاقه ولا تراقب شي .. لأنهم مشغولين ( باللجان و الاجتماعات و العمليات و ... ) ما اني شفت احد الاطباء مره معاي في نفس الطريج واصل متأخر و يوم دش عيادته متأخر يقول انه كان عنده عمليه ..
- طريقه انتظار المراجعين الملتزمين بالدور سيئه .. حتو اني كثيرا ما اشوف كبار السن يجلسون على الارض ..
- لا يوجد احترام لخصوصيه المريض .. يعني تدش على الدكتور و تلقى قاعدين كذا مراجع ينطرونك تخلص داخل الغرفه ..و يتفرجون عليك و على الشاشه اللي امامهم و يشاهدون فيلم الموسم ( قاع العين و الشبكيه ) ..


علشان تراجع بشكل دوري لازم يكون عندك واسطه .. او بنغالي متنفذ ..


علشان ما نظلمهم فهناك ايضا ايجابيات : و هي ان العلاج مجاني !!!!


الحل : نسف اداري و طبي .. و بداية جديده بتشريعات لصالح المراجع ايضا و ليس فقط تعليق اوراق تحمل شعار للي يعتدي على الطبيب عقوبته كذا و كذا .. المفروض بعد .. و اي طبيب ما يحترم الدور عقوبته كذا و كذا ...


هذه مجرد وجهة نظر شخصيه .. و الله اعلم

 

[al7bebe]

شكرا للجميع على المرور وابداء الرأي

زيارة واحدة لاتكفي وفي الوقت الحاضر تغير كل ويزال هناك تخبط واهمال لعلاج كبار المسنين واهمالهم .
ومن يريد ان يتأكد ان يذهب هناك الساعه 10 صباحا ويرى الازدحام للمرضى وبالنهاية لايستفيد الا من له واسطه في معرفه ممرضه هنديه او مصرية او دكتور .
الله يحفظكم من امراض العيون فهي مرآة جمال حياة الانسان.

 

[الأرستقراطي]

زيارة واحدة لاتكفي وفي الوقت الحاضر تغير كل ويزال هناك تخبط واهمال لعلاج كبار المسنين واهمالهم .
ومن يريد ان يتأكد ان يذهب هناك الساعه 10 صباحا ويرى الازدحام للمرضى وبالنهاية لايستفيد الا من له واسطه في معرفه ممرضه هنديه او مصرية او دكتور .
الله يحفظكم من امراض العيون فهي مرآة جمال حياة الانسان.

الحبيب اترك عنك المستشفى و شيك على سهم abk ،،، ناطرك بالديوانية ،،،

http://finance.yahoo.com/q?s=abk

 

[al7bebe]

الحبيب اترك عنك المستشفى و شيك على سهم abk ،،، ناطرك بالديوانية ،،،

http://finance.yahoo.com/q?s=abk

-
من عيون تخسر كل شيء ولا تحس في طعم الحياة ولا اهميتها والعيون اغلى من الروح لانها هي منبع الروح

 

[نيويورك]

-
من عيون تخسر كل شيء ولا تحس في طعم الحياة ولا اهميتها والعيون اغلى من الروح لانها هي منبع الروح

شكرا لك اخي al7bebe على الكلمات المعبره ..