اذا استخدمت رنج اليديد تفضل

التسجيل
27 أبريل 2007
المشاركات
342
يا جماعه انا بخاطري اخذ رنج بس الناس
مخوفتني منه يقولون خرابات والهيدرولك مشكله
اشرايكم اخذه ولا لأ
 
التسجيل
21 يونيو 2008
المشاركات
321
هلا

يا جماعه انا بخاطري اخذ رنج بس الناس
مخوفتني منه يقولون خرابات والهيدرولك مشكله
اشرايكم اخذه ولا لأ

اخوي انا عندى غراند شيروكي وكله خرابات وكنت بكراج بالري معروف مابي اقول اسمه عشان لا تصير دعايه وكنت قاعد بحالة حزن على معاشي الى طاير على هالسياره وكانت معاى عصاية اتعكز بها ولى فيها مأرب اخري واندب حظي على هالسياره البايخه وشوي وتخنقنى العبره واذ بي اسمع صوت نواح وعويل فالتلفت يميني لقيت واحد حزين اكثر منى لدرجة انها يبجي ويلطم انا عبالى فى احد يعرفه مات لكن اكتشفت انه صاحب رنج روفر وقاعد يبجي على سيارته يقولى وين اروح لا اقدر ابيعها ولا اقدر اصلحها اذكر كان شي بسيط بالمكينه تصليحه 400 دينار بالكراج وبالوكاله 1000 دينار
وقعد يقولى قصص خرابات سيارته
عشان جذى اقولك لا تاخذه تكفه
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
انا مااستخدمته والله
بس توقع عادي بعد 6 ساعات من طلعته من الوكاله
يوقف عليك ومايشتغل وتالي يقولون الوكاله احنا مالنا شغل >>> على لسان احدى ركابه
 

ابو سالم1

عضو نشط
التسجيل
1 مايو 2008
المشاركات
1,714
الإقامة
الكويت أولا
انصحك تحط الموضوع هذا بقسم المركبات لان هناك كله شريطية الحراج موجودين بيعلمونك فى كل سيارة تسئل عنها
 

" قاصد خير "

عضو نشط
التسجيل
24 أكتوبر 2006
المشاركات
1,614
مرحبا أخوي كناري الاسهم للأمانة أنت طرحت الموضوع وواجب علينا النصيحة أخوي كناري أذا انت راهي أخذ الرنج ولا تهمك الخرابات اللي تنقال عنه ..

و أذا على قد حالك لا الوانيت أبرك مليون مليوووووووووون مره تشيل العيال كلهم تشيل لوازم البيت بعد الدوام أطلع جم بيزة من العبرية ولك القرار :p ..​
 

Q8i11

عضو نشط
التسجيل
8 أبريل 2008
المشاركات
736
أسوأ شركة سيارات بالعالم حسب دراسة جي دي باور هي لاندروفر
المصنعه للرنج روفر

jdpowerdepend1.jpg


أفضل سيارة إعتمادية بالعالم حسب جي دي باور هي اللكزس
تربعت اللكزس على القمة لمدى سنوات طويلة
لاحظ وجود تويوتا و هوندا في المقدمة مع أن سعرهم أقل من نصف سعر اللكزس

اذا تبحث عن ال ( الخمبقة ) كما الكثير من الناس عندنا هنا فالرنج روفر هو الأفضل بحكم شكله
أما اذا تبحث عن الاعتمادية فهو الاسوا بلا شك
 

Q8i11

عضو نشط
التسجيل
8 أبريل 2008
المشاركات
736
حسب دراسات جي دي باور الأمريكية لأسواق السيارات

أفضل جيب كبير الحجم في العالم هو اللكزس LX470
و هو نسخة اللاندكروزر بأسم لكزس
يعني اللاندكروزر

أفضل جيب متوسط الحجم في العالم هو اللكزس Gx470
و هو نسخة البرادو بأسم لكزس
يعني البرادو

jdpowerdepend3.jpg
 

نوط بو 1000

موقوف
التسجيل
6 يونيو 2004
المشاركات
1,426
إذا خاطرك بالرنج إخذه من الوكاله ضمان ٥ سنوات بس تصب بنزين و تمشي مالك شغل بشي..

لكن إذا بتاخذه مستعمل أو تجاري تحمّل.
 

بوغمازات

عضو نشط
التسجيل
15 مايو 2007
المشاركات
2,416
اخوي انا عندي رنج سبورت وصارلي سنه ماخذه وروعه واهم شي كفالة 5 سنين يعني مثل ماقال الاخ صب بانزين ومالك شغل :) وديربالك من التجاري :cool:
 

تكانه

عضو نشط
التسجيل
10 فبراير 2007
المشاركات
186
اخوي انا عندي رنج سبورت وصارلي سنه ماخذه وروعه واهم شي كفالة 5 سنين يعني مثل ماقال الاخ صب بانزين ومالك شغل :) وديربالك من التجاري :cool:

الله يبارك لك ويتمم عليك

بالنسبة لك كناري، المسألة مسألة توافيج يعني مو شرط .. انت وحظك

الرنج العادي / مو السبورت / عليه وايد ملاحظات .. صاحبي عنده موديل 2006 فاتحه من الوكاله .. مشى 3000 كيلو .. اخترب عنده القير !!
وبدلو له القير .. ترى مو شي يغيرون لك القير بعد 3000 كيلو صح ؟
بس ارد واقولك هالسيارة بالذات توااااافيج .. والسبورت للحين ما سمعت عنه وايد مشاكل .. مووفق
 
التسجيل
27 أبريل 2007
المشاركات
342
يعطيكم العافيه بس والله لي لحين محتار
السيارات اللي في بالي:
1-رنج روفر العادي
2-طوارق
3-بي ام دبليو 600
4-دوج تشارجر
5-بي ام 500
 

Abo Fahad

موقوف
التسجيل
8 فبراير 2008
المشاركات
1,260
الإقامة
الكويت
يعطيكم العافيه بس والله لي لحين محتار
السيارات اللي في بالي:
1-رنج روفر العادي
2-طوارق
3-بي ام دبليو 600
4-دوج تشارجر
5-بي ام 500



اخذ طوارق نصيحه واسئل مجرب وعامله معاملة شفر

مطبات وكل شي مايشتكي بس اهم شي من الوكاله

بس مشكلته من داخل لون الليتات ازرق كئيب الديكور

ويضيق الخلق بس استعمال صح

واذا تبي ترتاح نفسيا عيش الجو على انك راكب كايين :)

وسوق الطوارق
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
أخذ لكزس GS300 يازينه زيناااااااااااه :D
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
لاند روفر شكل حلو وقوة بس الدراسات تثبت عكس ذلك ! :)

انا مع الاخوان اذا في عرض بالوكاله يعطيك ضمان أو كفاله 5 سنوات توكل على الله :)
 

الأرستقراطي

عضو نشط
التسجيل
17 أكتوبر 2007
المشاركات
7,180
الإقامة
OKBK
اخوي آنا أشوف ان الرينج روفر شوارع الكويت اتشبعت منه ،،، يعني اذا للسبورت الفل اوبشن يمكن لازال شكله مقبول بالشارع ،،، الحين عندك ال B M W الجيب X6 وعندك الكايين ال G T S وعندك وآنا أشوفه أفضلهم من حيث السعر والتحمل والمواصفات انفنتي Fx37 2009
 

الملفات المرفقه:

  • ewq.png
    ewq.png
    الحجم: 329.1 KB   المشاهدات: 149
أعلى