من يضمن لنا انها حركه تصحيح

التسجيل
27 أغسطس 2003
المشاركات
507
سؤال محيرني من يضمن ان الي قاعد يصير بالسوق من نزول شبه طبيعي للمؤشر الى الان ونزول بالقيمه المتداوله

من يضمن لنا انها حركه تصحيح

وياليت احد يقولنا كم المده ولا متى ممكن يرجع السوق للصعود والدوران المعهود الي القيمه اتكون فيه فوق 100 مليون دينار يوميا اقل شيئ


تحياتي
 

تمويلي

عضو نشط
التسجيل
29 فبراير 2004
المشاركات
26
اتوقع بعد ظهور نتائج ربع الاول

واذا لم يشتغلون اشم رائحة 98
 

قلنا لكم

موقوف
التسجيل
26 فبراير 2004
المشاركات
449
الإقامة
الكويت
الوضع طبيعي جدا

الوضع طبيعي جدا جدا
وهذا النزول سببه اعلان الارباح لاغلب الشركات
عن عام 2003 وشي طبيعي بعد استلام الارباح ان ينزل السهم مفصخ
من دون ارباح وبعد التفصيخ يبدأ المتداولين ببيع السهم بعد ان اخذو ارباحه وسعره اكثر من سعر شراءه فيكونون ضربو عصفورين بحجر اخذ الارباح وبيع مربح ايضا وهذا يسبب نزول السوق
اما عن رائحة 98 فاعتقد بعيده كل البعد لاسباب كثيره
اندحار صدام وربعه
انفتاح السوق العراقي على الكويت
دخول الاجانب العراق عن طريق الكويت
اعلانات الربع الاول قريبه والارباح فوق الممتازه
كل هذه الاسباب اعتقد كفيله بضمان ان السوق لن ينزل كما حدث في 98
الا اذا كان متعمد من كبار السوق واعتقد لن يفعلوها لانهم سيخسرون الكثير
 

123456

عضو نشط
التسجيل
8 فبراير 2004
المشاركات
389
الإقامة
الكويت
تقريبا اوصلو لمرحلة الاشباع من الاسهم والاسبوع الجاى راح يزوعون بس يا رب ادعو معاى يصير بين هالكبار والصناديق تتش قوى ولو لجم يوم علشان نعدل اوضاعنا ترى ملينا والله نروح السوق يوميا ونهد دواماتنا على الفاضى كل يوم العن من اليوم اللى قبله والمؤشر موقادر يقضب ينفسه منهم كل يوم مبهدلينه بلعابهم القذره تونى صغير بالعمر حاشنى ضغط وسكرى منهم مانقول غير يا رب تحط حيلهم بينهم لو يوم واحد يصعد فيه المؤشر وبعدها لكل حدث حديث بس الصبر زين ولا تبيعون بالوقت الحالى بسهم انتو واثقين فيها ومن ارباحها ويمكن تكون خيره الحركه هذى ويكون مدخولها احسن من اسبوعين مضارب ولن يصيبنا الا ماكتب الله لنا بالتوفيق يا مفلسين طبعا انا معاكم بفلس مبجر
 

محمد القطان

عضو نشط
التسجيل
8 فبراير 2004
المشاركات
137
الإقامة
الكويت
أرجاء أخذ العبرة من الماضى

ليش يا أخوان كل مرة ترددون الكلام عن سنة 98 مع وجود فرق شاسع مع 2004 من ناحية تحقيق الأرباح أو الصعود ،لكن هذا النزول ربما يطول فى عمر الصعود المقبل نفس كل مرة يسونها الصناديق و المحافظ أن مع العسر يسرا :)
 

hanikwt

عضو نشط
التسجيل
29 يوليو 2003
المشاركات
105
تفاؤلوا بالخير تجدوه ياجماعة الخير ............ والسوق يبيله قلب شجاع واللي شايف نفسة مايقدر على العوم لايسبح حتى انه مايغرق
والسوق شاء ام ابا راح يرتفع وينصلح حاله بس يبيلة شوية صبر كل اللي يصير بالسوق الحين تهويس وتقريص كي يصير خرير عنده صغار المستثمرين ولا علاقة له بالتصحيح ..... وانا وعلى حسب رأيي المتواضع انه الهدوء الذي يسبق العاصفة ..... الارتفاع طبعا
 
التسجيل
27 أغسطس 2003
المشاركات
507
للرفع

للرفع


نفس السؤال


تحياتي
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
مساكم الله بالخير


أبو عبدالمحسن بقولك كلام واحد عامي


الوضع الاقتصادي بالدوله من احسن مايمكن, والسوق الي متحكم فيه الحين الصناديق والصناديق يابوا الفلوس من المساهمين ....اسأل عن الصناديق شكثر فلوسهم!!

يعني مو من مصلحتهم ينزل السوق مده طويله..... هالهوامير والصناديق مترزقه من السوق ربحانين ربح مايحلمون فيه, مو مصلحتهم ينهار السوق, انا اعتقد لو السوق مثل اول اشخاص الي متحكمين فيه يرفعونه ويصرفون الي عندهم بعدين يهيتون السوق ينزل وهم يتفرجون شان قلت الوضع يخوف. اذا انهار السوق الصناديق راح تسكر والناس تسحب فلوسها منها.

(( على فكره التصحيح يطول عمر السوق))
 

boalons

عضو محترف
التسجيل
17 سبتمبر 2003
المشاركات
4,057
الإقامة
KUWAIT
اول طراق اهو الي يأثر


ياجي الطراقات صارت سهاله تعودنا:D
 

المتأمل

عضو نشط
التسجيل
30 يونيو 2003
المشاركات
49
الإقامة
الكويت
تفائلوا بالخير تجدوه ان شاء الله

أولا أشيد بإخواني الذين كتبوا قبلي على تفائلهم 00 وأني لأجد أن هذا شيء عادي جدا صعود وهبوط والله العظيم اليوم يقولي رئيس إتحاد السماسرة سوقنا من أحلى ما يمكن بس الصناديق والمحافظ شادين حيلهم عليكم وهذولي نسمه قصير وقالي يا بو............. كم يوم وتقول صدق 00 والله يا إخوان إثق بكلامه لأنه عند مكتب وساطة مالية في السوق من التأسيس وقالي لاتخاف 0
شيء عادي ما حصل هذا اليوم وان شاء الله الخير بالطريق وكفوا عن التشاؤم والخوف اقتصادنا حديد وحكومتنا فولاذ
 
التسجيل
27 أغسطس 2003
المشاركات
507
للرفع

أبو عبدالمحسن قال:
للرفع


نفس السؤال


تحياتي


السلام عليكم بعد ما كتبت هذا الموضوع واصل السوق نزوله ثم ارتد الى اعلى اكثر من 250 نقطه لكن لم يثبت عليها ويواصل صعوده بل رجع كما كان وبدماء باااااااااااااااااااارده ( يالله سترك انشالله )

الله لا يخسرنا ولا يخسر مسلم انشالله
 
أعلى