منو يقدر يوظفني على بند المكافاة

[sporty]

السلام عليكم

اخواني انا ابي وظيفه على بند المكافاة دوام صبح او عصر ماكو مشكله

في مكان شركة وساطه او شركات

وجزاكم الله خير

 

[dinars]

السلام عليكم
الله يوفقك وأنشالله تلقى وظيفة على بند المكافأت.. وأذا حصلت عطني خبر ولك الأجر عندالله ومني أنا انشالله الحلاوه من أول راتب أخذه.. لأن أنا نفسك أدور وظيفة على بند المكافأت.. وشكرا

أبو عبدالله

 

[dinars]

للرفع

 

[qoqo]

الله يوقك بس لو لقيت عطني خبر

 

[dinars]

السلام عليكم
أنا رحت لشركة المخازن (أجليتي) وقدمت عليهم ورحت لشركة الاتصالات الثالثه وهم قدمت أوراقي لهم..لكن للأسف محد أتصل للحين... فجربو تروحون يمكن يقبلونكم والوراق إلي يبونها أخر شهاده دراسيه والبطاقة المدنيه وصوره شخصيه واذا في شهادة خبره يكون احسن ولا تنسى تطبع ورقة سيرة ذاتيه (c.v).
زشكرا

 

[NICK]

يا جماعة وزارة الإعلام متروسه من الوافدين على بند المكافات شوفوا لكم فيتامين واو وضبطوا أعماركم

 

[dinars]

يا جماعة وزارة الإعلام متروسه من الوافدين على بند المكافات شوفوا لكم فيتامين واو وضبطوا أعماركم

السلام عليكم

عندك فكره عن الوظائف إلي في وزارة الأعلام؟؟

 

[شـاعري]

والله يا ليت يكون في وظيفة على بند المكافأة والا بأي شركة تكون غير موجودة بالتأمينات

وبصراحة اللي يقدر على هالشي له مني الحلاوة


وعلى قولةالمثل ما يخدم بخيل

 

[NICK]

والله وايد في وظائف فنيه طبعاً مو شرط التخصص عندك مثلاً التصوير مكافأتهم 200 دينار وفني صوت وفني إضاءه وايد وايد وظايف حتى لو تييهم ميح ماتعرف شي يعلمونك لإن في أماكن مايصرفون لك المكافأه إلا بعد 3 شهور عشان تكون فهمت الشغل وفي إداريه عندك يعني مثلاً 2 من الربع مدرسين وموظفين بالوزاره العصر مسئولين عن معدات التصوير وعندك متابعه وتنسيق والقائمة تطول وعسى الله يوفقك

 

[dinars]

والله وايد في وظائف فنيه طبعاً مو شرط التخصص عندك مثلاً التصوير مكافأتهم 200 دينار وفني صوت وفني إضاءه وايد وايد وظايف حتى لو تييهم ميح ماتعرف شي يعلمونك لإن في أماكن مايصرفون لك المكافأه إلا بعد 3 شهور عشان تكون فهمت الشغل وفي إداريه عندك يعني مثلاً 2 من الربع مدرسين وموظفين بالوزاره العصر مسئولين عن معدات التصوير وعندك متابعه وتنسيق والقائمة تطول وعسى الله يوفقك

مشكور ما تقصر والله يوفقك وين ما تروح

 

[sporty]

الله يعطيكم العافيه

بس وين اماكنهم وزارة الاعلام والاتصالات الثالثه ؟