قصه طريفه ....

الموضوع في 'إستراحة المنتدى' بواسطة Abo Muhammed, بتاريخ ‏6 أغسطس 2008.

  1. Abo Muhammed

    Abo Muhammed عضو جديد

    التسجيل:
    ‏19 نوفمبر 2005
    المشاركات:
    503
    عدد الإعجابات:
    0
    مكان الإقامة:
    الكويت
    السلام عليكم

    (منقوله)



    كنت جالس مع شباب خريجين جامعات امريكيه ويشتغلون في شركات




    وأنا مسكين متخرج من جامعة حكومية وقاعد بينهم مثل الأطرش في الزفة!! يسولفون ويضحكون وانا مدري وش السالفه!!




    واذا سألتهم يردون علي بتعجب: 'معقولة ما تعرف؟'




    اسمع السوالف:




    يقول واحد:




    - مدير الـ Hr عندنا مغرور وشايف نفسه

    - هذا قسم المغرورين لأنهم يعرفون ان الكل يحتاجهم.




    - ووين الـ Md؟ ما يتدخل بينكم؟




    - مشغول باجتماعات ما تنتهي مع الـ Ceo.




    - وحنّا متورطون مع جماعة الـ It، ما نقدر نتكلم معهم ابد.




    - أوه.. هذولا اردى ناس .. دايمً يفضحون في الـ Kpi.




    - يا جماعة حنّا في 'الويك إند'.. تكلموا في شي ثاني.




    أتنهد وأقول في نفسي: الحمد لله جاء دوري في الكلام




    يسأل واحد منهم:




    - وش أخبار الـ Dfm؟




    - تعبان، عشان ال Ipo الأخير جاء على غير المتوقع، وما ربحنا فيه ريال




    - قلت لك أن هذا زمن العقارات.




    أقول في نفسي: العقارات؟ أعرفها ولله الحمد




    يقول واحد:




    - فيه فلل للإيجار في الـ Jbr؟




    - طارت الطيور بأرزاقها.




    أصحح كلامه وأقول في نفسي: قُل Tta، طيور، طارت، أرزاق.. يقول أحدهم:




    - اتركوا العقارات وخل نتكلّم عن زحمة الشوارع.




    - أمس جاي من أبوظبي، وبدت الزحمة قدّام الـ Dic إلى بوابة سالك.




    - وأنا كنت في طريقي للـ Dmc وبقيت ساعتين في زحمة شارع الشيخ زايد.




    يخلص الكلام عن الزحمه، ويناظرني واحد منهم بعد الزقاره العاشرة والفنجا ن الخامس:




    - بو محمد، ليش ما تاخذ الماستر'؟




    أقول في نفسي: أكيد أنه يقصد 'ماستر كي' وقبل أن أقول له مفاتيحي كلها في جيبي أتذكر أن المقصود هو الماجستير، فأقول بلا اهتمام:




    - ماعندي وقت




    - وكم كان الـgpa؟




    - ما اذكر، بس انه 'أوتوماتيكي'.




    يضحك الجميع ويعتقدون أنني أمزح. ويوم جا وقت العشا يقولون:




    - مطعم هندي.. لا إيراني.. لا شامي.. يا جماعة اشتقنا إلى الـ Kfc.




    كلهم وافقوا وقعدوا يناظروني ينتظرون رايي، قلت:




    - أنا باروح للبيت وأنتم روحوا للـ Jbm.




    قالوا:




    Jbm !! وشو بعد هذا ؟؟؟




    قلتلهم :




    - 'معقولة ما تعرفون؟'




    شرح الاختصارات:

    Hr: الموارد البشرية.. Md: المدير التنفيذي.. Ceo: الرئيس التنفيذي.. It: تقنية المعلومات... Kpi: مقياس مؤشر الأداء.. Dfm: سوق دبي المالي... Ipo: الاكتتاب.. Jbr: جميرا بيتش ريزدنس.. Dic: مدينة دبي للإنترنت.. Dmc: مدينة دبي للإعلام.. Gpa: المعدل التراكمي.. Kfc: كنتاكي..




    Jbm: جهنم وبئس المصير



    :D :D

     
  2. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    والله زين يسوي فيهم ملـــــــــــــــــغ شلون قاعد معاهم :D :D
    شكرا لك بو محمد
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    شكرا
     
  4. Abo Muhammed

    Abo Muhammed عضو جديد

    التسجيل:
    ‏19 نوفمبر 2005
    المشاركات:
    503
    عدد الإعجابات:
    0
    مكان الإقامة:
    الكويت
    مشكورين على المرور

    :) :) :)