q8_oil
عضو نشط
- التسجيل
- 31 يناير 2008
- المشاركات
- 1,175
السلام عليكم
و الله شي غريب و شي يحزن بالفعل, مابي أطول عليكم و بدش بالموضوع على طول.
شفت بأكثر من موضوع بالنسبة لمواضيع الشركات واحد يسب و يتهجم على شخص ثاني بحجة التطبيل للسهم.
أنا أقول لأي واحد في ناس تبي تفيد الآخرين و تحلل و كلنا عارفين إن التحليل الفني إجتهاد شخصي و له نسبة خطأ تتفاوت من سهم لآخر و الأخبار تلعب دور كبير, على سبيل المثال أنا كنت قاعد أقول بيوم وفاة المغفور له إن شاء الله سامي البدر إن جراند ما أتوقع تنزل أكثر من جذي ثاني يوم الصبح أشوف البدر توفى و أسهمه طاحت بالحالة هذه لا تحليل ينفع و لا شي.
أنا أقول لأي واحد حلو إنك تسمع للجميع و لكن قرار ابيع و الشراء هذا قرار شخصي و إن ربحت عليك بالعافية و لكن إذا خسرت الله لا يقوله لا تلوم فلان و علان.
إنت سمعت إن للسهم هذا صعدة و إرتفاع على الأقل شوف وضعه بالسوق, في ناس وايد يشترون بشركة ما يعرفون عنها و لا شي و لا قرووا عنها ولا معلومة. حتى ما عنده فكره عن الأرباح و سعر السهم قبل إسبوع !!
بعدين يقعد و يلوم الناس و يتهم فلان بالتطبيل و التضليل.
جنه مسكين الثاني صار شماعة قط الغلط كله عليه, إنزين هو غلط بس ما إنضر إنت إللي غلطت عشان سمعت كلام واحد و طبقته و ما تحققت من ولا شي و إنضريت عشان خسرت بيزاتك
أسأل الله العلي القدير أن يرزقنا و إياكم بالحلال و يوفقنا و يرحمنا جميعا
و صلى اله على محمد و على آله و صحبه أجمعين
و السلام عليكم
