تبديل تواير متى وشلون

[sjl71]

السلام عليكم

عندي تواير سوبر جمس
صارلهم سنتين
ماشي عليهم 30 الف
والنقشه جديده
ومحتار ابدلهم ولا اخليهم
وانا ابروح للعمره
بشنو تنصحوني

 

[ابن ضعيان]

نصيحتي لك بدلهم
التاير ما يأثر عليه المشي فقط لكن أيضا الهواء الحار والشمس والبريكات
أنا كان عندي سبير لاند كروزر من الوكالة مانزلته خمس سنوات ولما ركبته بعد يومين طلعتله صعروره وغيرته .....ورماه مع التواير الخربانه وحتى خطوطه الأبيض والأزرق لا تزال فيه

 

[تأبط خيرا]

نصيحتي لك بدلهم
التاير ما يأثر عليه المشي فقط لكن أيضا الهواء الحار والشمس والبريكات
أنا كان عندي سبير لاند كروزر من الوكالة مانزلته خمس سنوات ولما ركبته بعد يومين طلعتله صعروره وغيرته .....ورماه مع التواير الخربانه وحتى خطوطه الأبيض والأزرق لا تزال فيه

و للعلم التواير لهم مدة صلاحية ...

 

[كشخه]

غيرهم افضل لك وللسلامتك

وتروح وترجع بسلامه
وتقبل الله طاعتك

 

[من الكويت]

سلام

لا تحتار ابدلهم أبركلكولاااا تحاتي بسفره ..​

 

[keepintouch]

بدلهم يالغالي اسلم لك

دربك طويل والجو حار مايرحم

وتقبل الله طاعتك

 

[UNIX]

40-50 ألف استعمال طبيعي

هذا عمرهم الافتراضي، انت ماشي 30 بدلهم ما بقى شي على ال 40

 

[BMW-740]

40-50 ألف استعمال طبيعي

هذا عمرهم الافتراضي، انت ماشي 30 بدلهم ما بقى شي على ال 40

انا مع اخوي



بدل

 

[c_4]

بدل ولا تتحسف ترى مافيه شي يستاهل وقفتك بالطريق .

 

[sjl71]

جزاكم الله خير وماقصرتم

الله يقبل منى ومنكم

 

[bo_koko]

انا سمعت نصيحه الوالد و مشيت عليها يقولك لو تاخذ التواير و تسفط السيارة بدون حركة الجو الحار و عوامل الجو من برد و رطوبة و الخ... ياثر فيه
المعدل الطبيعي لاستهلاك التاير سنتين كحد اقصى و بدلهم كلهم و درب السلامة لان التواير ينشفون و تقل مرونتنهم مع السنوات و شكرا

 

[sjl71]

اهل السفر بالسياره

ابي اي انعم وافضل تواير لسوبر جمس رنق 16

وهل في عروض بسوق

مع الشكر

 

[BADR-1]

افضل مابالسوق الميشلان بس غالي شوي وبمثل جودتة اليوكوهاما والبرجستون الياباني ثم يجي الارخص شوي التويو والدانلوب اما تواير الوكالة فهي جنرال ...اما اللي انا اركبة لسياراتي من خلال تجربتي البرجستون تمام والحافظ الله

 

[ولد عطا]

نعم اخوي انا توني مركب تواير لسوبرمان نوع فالكون ياباني اصلي كفاله 6 شهور واحسن حجم لسوبر 275-70-16 اريح لسياره واعرض واثبت وسعره 27 دينار التاير ونقشتهوم حلوه وكيلهم الغنام في الشويخ وشكرا ودرب السلامه يا الغالي

 

[BADR-1]

نصيحة مجرب محب ابعد عن الفالكن 6شهور الي سنة ويحبل يعني يصعرر رح للوكيل وشف الاعذار تري من خلال تجربة هالكلام وابتعد عنة الشفر عندي صعرر والجمس بعد

 

[السوق توافيق]

السلام عليكم


انا عندي راي اذا للحين ما سافرت طبعا ،،،،

اذا التواير سليمه ومافيه ورم ولا رقع روح عليها ولما توصل هناك بالسلامه ركب ميشلان من الطايف او مكه ارخص بكثير -بعد ما نزل سعر الريال- من الكويت وموديلاتها حديثه 2008

انا ركبت اربع تواير ميشلان للوانيت بـ 3400 رس يعني ما يقارب 244دك
ولما وصلت الكويت لقيت سعر الواحد بـ 80 دك يعني الاربع 320 دك (والله فرق)

مع العلم كفالة الميشلان عالمية.

 

[keepintouch]

حبيب قلبي

توني مركب للسوبر قبل كم يوم 4 تواير بريجستون من الوكالة قياس 275-70-16 بـ 45 دينار للتاير الواحد

شغل كد ومد ولا يعلى عليهم تمشي وانت مرتاح نفسيا في هالجو الحار وعلى سرعات عاليه

والله الحافظ باي حال من الاحوال

 

[BADR-1]

نصيحتي قط التواير وامش علي الرنقات وفك عمرك

 

[dr_chart]

ركبت برجستون 460 ريال للوانيت
16/70/245
الخفجي موديل 2008

 

[EXPERT-Q8]

بصراحة تواير ميشلان قوية وكد ومد
صج ان السعر غالي شوي بس بصراحة شي يسوى تقط عليه
درب السلامة وتقبل الله طاعتك