واحد من الربع ماخذ يوكن من الوكاله ...يقول اول ماخذيته كان تمام التمام...بعد اسبوع من الاستعمال بدأ الموتر يتغير بالسياقه وفيه رجفه خفيفه و لما وداه للوكاله بدلوله التواير....و مع الوقت صارت نفس المشكله اللي اهي الرجفه...ويقول راح مره ثانيه للوكاله وقالوله روح اشتر اي تاير تبيه وجيب الفاتوره واحنا نعطيك الفلوس.... و راح ركب ميشلان لما جابلهم الفاتوره قالوله وقع ان احنا ما نتحمل اي مسؤوليه تصير بالسياره بسبب التواير اللي انت مركبهم ونعطيك فلوسك الحين...وقع الرجال و عطوه فلوسه دينار ينطح دينار......يقول صار تمام بالسياقه وبعد اسبوع انصلخ التاير مال ميشلان و وداه لهم قالوله عيب مصنعي و عطوه واحد جديد واستخدمه لمده معينه و خرب عنده شي ماني ذاكر شنو بالضبط اذا ما خاب ظني طق الباككس و لما وداه للوكاله قالوله انت موقع على ورقه ان احنا نخلي مسؤوليتنا من السياره...وصلحه و باعه بخساره 1500 خلال شهرين من الاستخدام فقط....
على كلام اللي شراه و باعه يقول الموتر ثقيل يحتاج تواير اكبر...واعتقد ان مثل ما قال احد الاخوان الموتر يحتاج تواير اضخم قليلاً لان حجمه و وزنه كبير
انا كنت ابي اشتري واحد من الوكاله او مستعمل واكثر من مره اتفقت مع ناس على شان اشتري منهم بس ما الله كتب والحمدالله اني إلتقيت بصديقي هذا اللي ابعدني عنه وخلاني اشتري شيخة السيارات (لاندكروزر) ولله الحمد موتر رزه وممشى وما شفت عليه شي ويشهد الله اني مو قاعد اقول هالكلام لانه سيارتي... بس لان هذا اللي شفته ولو شفت شي مو زين ما راح اخشه عن احد
