ابشركم بارتداد ....طيب ....... للمؤشر العام

[بروكرز]

ابشركم بارتداد ....طيب ....... للمؤشر العام




بانت ملامح الارتداد وبدأ التجميع على عدة اسهم بعد الارتداد 100 نقطه بعد ملامسة الدعم 14480.7 وان شاء الله بادرة ارتداد مجزي .

للمراقبه

بنك بوبيان

الدولي

وطنية عقارية

تمدين أ و تمدين ع

ادنك

انابيب

معادن

التخصيص

جيران قابضة

ميادين

ابراج

تمويل الخليج

هذه بعض الاسهم المتوقع ارتداد ها


ولا نسألكم الا الدعاء​

 

[المرسومي]

جزاك الله خير

ونسأل الله أن يتم الارتداد

بس شنو إلي يدل إن في هناك ارتداد

 

[بروكرز]

السبب هدف التصحيح وتسكير الفجوه ودعم ممتاز (تحليل فني)

 

[خلطة الكذله]

بروكرز انا بشكرك على حسن نيتك وبقولك لاتوصي والسوق واضح انه كله تصريف بتصريف فراح تاخذ دعاوي ناس يمكن تاخذ بكلامك

 

[مديرو]

ممكن شارت التحليل أو تفصيل لتدعيم كلامك و شنهي الفجوه بالتحديد؟​

 

[بو سليمان]

و الله يا اخ بروكرز انا و غيري من الاخوان اللي بالمنتدي قعدنا نشك باي واحد جدد
يمكن الربع استحو لا يقول لك هالكلام

اسمح علي بالكلام لكن هذا هو الواقع

 

[دولار$]

و الله يا اخ بروكرز انا و غيري من الاخوان اللي بالمنتدي قعدنا نشك باي واحد جدد
يمكن الربع استحو لا يقول لك هالكلام

اسمح علي بالكلام لكن هذا هو الواقع

احترامي للأخ : بروكرز
والله صدقت يا بوسليمان

 

[طبعنا]

و الله يا اخ بروكرز انا و غيري من الاخوان اللي بالمنتدي قعدنا نشك باي واحد جدد
يمكن الربع استحو لا يقول لك هالكلام

اسمح علي بالكلام لكن هذا هو الواقع

الاخ كاتب نفس الموضوع بالنوادي
واول مشاركة له بالنوادي

 

[بروكرز]

الفجوه صغيره بين 14506 و14517 وهدف التصحيح كان 14480
اي كسر لهدف التصحيح خروج من السوق . ارشح الارتداد 90%
والله يوفقني ويوفقكم

الفجوه موضحه في المربع الوردي​

 

[بو سليمان]

اكرر و اقول باني لست ضد احد و نرحب باي اخ جديد و لكن يا ليت المراقبين ما يفعلون السماح المشاركة بعد فترة
تدرون وقت ادراج بعض الشركات نبتلش بالجدد و كذلك اوقات النزول و الصعود

اخي لا تفهمنا غلط و لكن هذا كلام بخاطر كل واحد فينا بس مستحين

 

[بروكرز]

الاخ كاتب نفس الموضوع بالنوادي
واول مشاركة له بالنوادي

تبي تسأل وتستفسر مثل الرجال يا مرحبا فيك واذا تبي تهمز ونغمز بدون فود يرد عليك غيري لاني ما ابي اتكلم بغير موضوعي

كانت زيارتك مفيده بارك الله فيك
​

 

[بروكرز]

[

QUOTE=بو سليمان;1405871]اكرر و اقول باني لست ضد احد و نرحب باي اخ جديد و لكن يا ليت المراقبين ما يفعلون السماح المشاركة بعد فترة
تدرون وقت ادراج بعض الشركات نبتلش بالجدد و كذلك اوقات النزول و الصعود

اخي لا تفهمنا غلط و لكن هذا كلام بخاطر كل واحد فينا بس مستحين[/QUOTE]

يا بو سليمان افهمك والا تفهمني عندك نقاش فني هذا الميدان غير هذا الكلام اسمحلي .

لا تفهمني غلط​

 

[صايدها]

جزاك الله خير على هالبشاره الحلوه

والله يسمع منك ويرتد للاعلا باذن الله

 

[بو سليمان]

بروكرز

اخي و الله ستجد من اخوانك كل مود و محبة لكن لاتلومنا فعلا و الواحد بدء يشك بكل ما هو جديد خصوصا عندما يبدء بداية قوية

تصدق المنتدي المؤشر فيه من الحب الكثير و الذي يريد ان يعرف معني الحب يشوف موضوع عزاء البدر و البحر

المنتدي جميل و مترابط و يرحب بك و لكن هناك من استغله و قام باستغلاله استغلال شخصي

 

[مديرو]

يا بو سليمان افهمك والا تفهمني عندك نقاش فني هذا الميدان غير هذا الكلام اسمحلي .

لا تفهمني غلط

حيّاك الله اخوي بروكرز ..
صدّقني الشباب معذورين بردودهم ..
و ترا كلنا عارفين ان محد يقصدك بالتحديد ..
وعشان توضح الصوره أكثر .. ترا الأعضاء ما قاموا يثقون بأي عضو يديد ..
وطبعاً هذا كله كان ردّة فعل من (تخنبق و تطبيل) بعض الأعضاء الغير معروفين بتوصياتهم وتحاليلهم ..
عشان جذي ..
ياليتك تتحمل أي تعليق (حامي) ..
وحيّاك مرّه ثانيه .. ​

 

[acton]

اتمنى اشوف الارتداد باجر ومايكون ارتداد وهمي لان ملينا من النزول بالتوفيق اخوي

 

[بروكرز]

اخوي صايدها : شكري وتقديري وكلمة جزاك الله خير (مبالغه بالثناء كما قال رسولنا الكريم صلى الله عليه وسلم)

اخوي بو سليمان الانسان يكشف صدقه عند المحادثه والاستفسار اذا لم يوضح ما ابداه هنا تشك فيه ومع احترامي عدد المشاركات مو مقياس هناك من تفوق مشاركاته الالاف وودك تقلب الاصفار فيها


اخوي مديرو شكرا لتوضيحك وللعلم انا لا اهتم لمن لا يعرف اسلوب المخاطبه ليربوه اهله لا اربي البشر . ولك شكري وتقديري

 

[بروكرز]

اتمنى اشوف الارتداد باجر ومايكون ارتداد وهمي لان ملينا من النزول بالتوفيق اخوي

اللهم امين​

 

[طبعنا]

تبي تسأل وتستفسر مثل الرجال يا مرحبا فيك واذا تبي تهمز ونغمز بدون فود يرد عليك غيري لاني ما ابي اتكلم بغير موضوعي

كانت زيارتك مفيده بارك الله فيك
​

لاتفهمني غلط ياخوي
المقصد ان لك نفس الموضوع بمنتدى ثاني
وان شاءالله يكون كلامك صح ويرتد السوق
لاتزعل بس

 

[ابوعلي(الاوحد)]

مساكم الل بالخير
هدوا اشوي يا حبايبنا علشان نفهم منكم اشياء
تنفعنا بتداولنا ​