طلب استفسار: محتار بين هوندا وكامري

[alanzi]

السلام عليكم ياااخواني




ولكن انا استفساري

انا ابي اخذ سياره من الوكاله ولكن محتاار


بين هــوندا الشكل الجديد--- سعرهاا 5600 موصفاات حلوه كيباات وبلوثوث


وبين الكاامري الشكل الجديد--- GLx سيدي كيباات سنسر

ومحتاار بينهم

واي ارخص قطع غيار فيهم

واي افضل استعماال من حيث القياده

ومشكوورين​

 

[wiyana]

نصيحتي اخذ كامري افضل مليون مره من الهوندا
الكامري رغابها اكثر وسعرها فيها

 

[كويتي ماركة]

والله اخوي فرق السما عن الارض

شجاب الهوندا لتيوتا

اصلا حتى في البيع التيوتا سعرها فيها

 

[alhajeri]

كل السيارتين استعماله اوكي بس في البيع الكامري احسن لاكن الاستعمال نفس الشي

 

[ضحية المخازن]

والله من ناحيتي افضل الهوندا بكثير على الكامري

الهوندا صناعة يابانية ميه بالميه ، بينما الكامري تجميع استرالي
الهوندا فخمة جدا من الخارج والداخل ، بينما الكامري فخمه من الخارج ولكن ليس بفخامة الهوندا اما من الداخل فلا يوجد فيها فخامه
كلا من الهوندا والكامري ممتازة بالاستعمال
عدد سيارات الكامري في الشارع اكثر بكثير من الهوندا وبالتالي عند البيع يمكن ان تحصل بسهوله الكامري ، مع العلم ان الهوندا تحافظ على سعرها كما الكامري ولا يوجد فرق كبير بينهما بالسعر.

تحياتي لك

 

[كيفاني]

لا تشتري الا تويوتا وبس 000

 

[aadm1]

الكامري صناعه استراليا

الهوندا اعتقد ياباني

 

[alanzi]

مشكوورين

وللحين محتاار

 

[jreea]

اخوي اشترهم اثنينهم وريح بالك :d

 

[شركة قنفذ كمبني]

السلام عليكم

اخوي الهوندا الاكورد واسئل مجرب بس الناس ما تعرفلها مو رغابه يابانيه كرف بس عيبها شي شي واحد الاكسات

 

[مـضـاررب 2007]

طال عمرك اشتر كامري Glx ولا تشاور عند اخوي كامري 2007 Glx فل ابشن عدا الشاشه

استعمالها خوش استعمال ومرريحه وراسيه على الخط واقتصاديه في البانزين والله يفولها بـ3 دنانير

وكبيره جدا من داخل وفخمه والمكيف بعز الظهر ميه ميه ومثل ما قالو الاخوان سعرها فيها

وقطع غيارها رخيصه حييل

والهوندا والله ما ادري عنها ولا عمرنا جربناها ؟ وما احس انها مرغووبه الا السوناتا فقط

وطال عمرك انا لو مكانك والله اخـــذ أوريون فل ابشن الشباب الي استخدمووها يمدحونها حييل حييل ..

والامر راجعلك انت ....

 

[ضحية المخازن]

طال عمرك اشتر كامري Glx ولا تشاور عند اخوي كامري 2007 Glx فل ابشن عدا الشاشه

استعمالها خوش استعمال ومرريحه وراسيه على الخط واقتصاديه في البانزين والله يفولها بـ3 دنانير

وكبيره جدا من داخل وفخمه والمكيف بعز الظهر ميه ميه ومثل ما قالو الاخوان سعرها فيها

وقطع غيارها رخيصه حييل

والهوندا والله ما ادري عنها ولا عمرنا جربناها ؟ وما احس انها مرغووبه الا السوناتا فقط

وطال عمرك انا لو مكانك والله اخـــذ أوريون فل ابشن الشباب الي استخدمووها يمدحونها حييل حييل ..

والامر راجعلك انت ....

lمرحبا اخوي
اولا السوناتا هي هيونداي وليس هوندا
ثانيا تفويلة الكامري 4 دنانير بالنسبة لل6 سلندر وليس 3 دنانير
الهوندا افخم بكثير من الكامري
تكييف الهوندا ممتاز ولا يعلى عليه

 

[ابو رجا]

اخذ هوندا والله من افضل السيارات سياره راكده وجباره مكيف بارد جير اوتماتيك 5 غيار

يكفي انها ياباني 100% والكامري استرالي

الكامري اذا بتاخذ اخذ 2006 وتحت هاذي سيارات

2008 + 2007 عيوبهم كثيره

1 السياره مو راكده بس تناقز
2 تشرب البانزين شرب
3 مكيف مو بارد مقارنه بالقديم
4 عندي وحده فيها صوت بالمكينه صبابات بس للحين على الكفاله

 

[السبيطي]

شوف يا الحبيب اذا ناوي تستعمل وما تفكر بالبيعة اخذ الهوندا لاني ادري اهي الى عاجبتك وبالنسبة للقوة حسب الاستعمال ترى المرسيدس اذا تهملا وتقلبه وانيت يخترب والسيكل اذا اداريه يقعد 20 سنة بس انا الى الان ما قلت رايي
انا افضل على السيارتين سيارة اخرى وبنفس السعر تقريبا بس ها لا يقولولك كوري وانت شتسوي حسب الاستعمال خذ الازيرا ولن تندم

 

[alanzi]

جزااكم الله الف خيرر وماقصرتوااا

جميعاااا

 

[rheeb777]

لسلام عليكم بالنسبه لي انا عندي هوندا تبارك الرحمن واستعامل حلو بس اهم شي تبدل الدهن والفلتر بوقته وشوف الاستعمال وربي يوفقك

 

[micron]

السلام عليكم

أخوي اخذ هوندا أكورد وانت مغمض للاسباب التاليه:
1- هوندا ياباني ... كامري استرالي
2-مكيف الاكورد أقوى .... مكيف الكامري الشكل اليديد مو شي وخاصة ال 4 سلندر فيه عيب شرعي مو مثل القديم
3- الاكورد اثبت على الارض من الكامري
4-الفخامه الخارجيه للاكورد اكتر من الكامري
5-الفخامه الداخليه 100% للاكورد ... الكامري عادية جدا من الداخل
6-السعر متقارب عند الشراء .... عند البيع الكامري اغلى لكن ليس بالفرق الكبير يعني ممكن يكون في فرق 250 - 500 دينار عند البيع لصالح الكامري.
7-عيب شرعي بالكامري: اقعد بالكرسي الخلفي واسمع الاصوات
8-الفينيشينغ مال الاكورد متعوب عليه مو مثل الكامري اي شي
يعني اسمع صوت الشارع وانت ماشي .. الصوت في الهوندا أخف من الكامري

تحياتي واتمنى اني افدتك