منو عنده خبره بالـ Lcd نبي نشتري من موقع امازون

الموضوع في 'اعلانات بيع وشراء متفرقة' بواسطة فاضي حدي, بتاريخ ‏13 أغسطس 2008.

حالة الموضوع:
مغلق
  1. فاضي حدي

    فاضي حدي عضو جديد

    التسجيل:
    ‏30 يونيو 2008
    المشاركات:
    223
    عدد الإعجابات:
    0
    السلام عليكم

    اخواني انا تصفحت موقع امازون واشوف الاسعار فيه ممتازة افضل من السوق وفرق شاسع

    ياليت الي اشترى من امازون قبل هالمره وعنده خبره بالتلفزيونات يعلمنا

    انا من ناحيتي عجبني السوني 40 بوصة Hd وسعره تقريبا 330 دينار بموقع امازون
    .اذا في احد عنده ملاحظات واقتراحات نخلي هالموضوع مخصص للتلفزيونات
     
  2. mr_magookw

    mr_magookw عضو جديد

    التسجيل:
    ‏2 أغسطس 2008
    المشاركات:
    84
    عدد الإعجابات:
    0
    اخوي الاسعار فعلاً ارخص بأمزون لكن الشحن راح يكلفك وايد
     
  3. kokokaka

    kokokaka عضو جديد

    التسجيل:
    ‏1 أغسطس 2008
    المشاركات:
    324
    عدد الإعجابات:
    0
    السلام عليكم

    والله موضوعك جدا رائع يافاضي حدي .... انا موبعيد منك حدي فاضي :)

    نبي تبادل معلومات حول التقنيات الجديدة وغيرها

    انا بكتب اشويه معلومات علشان يستفيد منها الاعضاء

    بس ماعليه راح اطول عليكم .... والغايه الاستفادة

    انا كنت بشتري من موقع ebay تلفزيون سوني بس الشحن يطلع غالي

    هذا اذا وصل صاغ سليم

    بالنسبه LCD هذا اخر تقنية الي وصولها بس مو معناته ان مافي عيوب

    في ناس تاخذ تقنيه البلازمه لي اسباب

    خلنا على LCD :

    انا عندي تلفزيون LCD 36 بوصه التلفزيون هذا له ايجابيات وهي

    1- تقنيه LCD تعتمد على السائل ....يعني الالوان اوضح واكثر

    2- من اهم مواصفاته بالنسبه للبعض ان الجهاز مايعكس الأضائة

    3-والي له بالالعاب سوني ولا الاكس بوكس لازم يكون عنده lcd وخصوصا

    اذا جا 1080P قمة المتعه بالالوان

    طبعا السوني الي انت اتقول عنه في انواع

    المواصفات الجهاز القوي (بالنسبه لي ) :

    1- Full HD يعني يجي 1080P بس تدفع زايد على الميزة هذي

    (حق السوني والاكس بوكس)

    2- Dynamic Contrast Ratio من 7000:1 وفوق طبعا اوصلوا في السامسونج 25000:1

    ولكن من شركه الى شركه يختلف يعني في ناس اتقول السوني 7000:1 احسن من

    السامسونج 25000:1 ....... كل واحد حر برأية

    3- اكثر الLCD يجي فيه فتحات HDMI ولكن اذا حصلت اكثر من فتحه احسن

    4- طبعا ميزة الشاشه انها اتحول شاشة كمبيوتر

    5- النظام السمعي .... مثل ال بووس ولا البيي ولا الدولبي ويفضل ان السمعات

    اتكون سماعه يمين وسماعه يسار الان توزيع الصوت يجي متنسق... الان في نظام

    ان السماعه تجي تحت الشاشه بالعرض هذا النظام قديم


    6- الجهاز الي عندي فيه فتحه حق USP يعني اذا عندك فلاش ميموري اتحطه بالتلفزيون

    ويشغلك صور ويشغل ويفات ويشغل افلام MP4 .. واذا ماعندك افلاش ميموري

    في فتحة حق الميموري تلفون ... يعني اتشيل الميموري حق نوكيا وتحطه بالجهاز


    بالنسبه للحجم هذا يعتمد وين بتحط الجهاز يعني بالصالة ولا الدوانيه ولا في غرفة النوم

    افضل تلفزيونات بالنسبة لي سوني والسامسونج

    وبالنسبه للاسعار اهني بالكويت.... اعتقد التلفزيونات طاحت اسعارها مو مثل قبل سنه

    يعني شركه سوني امسويه خصم عندها 32 بوصه 190 دينار كان قبل 290 دينار

    وسامسونج هم بعد عندهم خصم

    انشاء الله انكم استمتعتوا بالمعلومات

    وشكرا
     
  4. Business Man1

    Business Man1 عضو نشط

    التسجيل:
    ‏11 يناير 2008
    المشاركات:
    2,023
    عدد الإعجابات:
    0
    مكان الإقامة:
    Kuwait - New York
    والله ماانصحك تشتري تلفزيونات من الامازون

    اول شي تكلفة الشحن غااااااالية
    وثاني شي لازم اتأمن على جهازك لأن اغلب شركات الشحن ماتأمن وانت حضك اذا وصلك سليم ولا قطع او الشاشة حايشة طقه ولا زلقة,,

    فامانصحك دير بالك ,

    اذا تبي رووح خذلك فرة بالامارات ارخص
     
  5. Uncharted81

    Uncharted81 عضو جديد

    التسجيل:
    ‏2 ديسمبر 2007
    المشاركات:
    393
    عدد الإعجابات:
    0
    مكان الإقامة:
    الكويت
    1. طبعا سعره أرخص لأنه مو ملتي سستم.. يعني لو تشتري من موقع أمازون راح يوصل لك من أمريكا ويكون نظامة أمريكي - Ntsc. أما التلفزيونات الموجوده بالكويت كلها ملتي سستم وتشغل برامج و أجهزة من كل العالم..
    2. و حط في بالك تكلفة الشحن راح يتكون وايد يعني توقع الشحن مو اقل من 100دينار.
    3. الجهاز ماراح يكون عليه كفالة.

    تبي نصيحتي.. اخذ لك سامسونج حاليا افضل شي بالكويت من ناحية كواليتي و خدمة وكفالة...
     
  6. VeRoN

    VeRoN عضو جديد

    التسجيل:
    ‏10 أكتوبر 2007
    المشاركات:
    102
    عدد الإعجابات:
    0
    السلام عليكم

    والله يا شباب الموضوع جاي بوقته يليت تذكرون الاسعار عندنا بالكويت بالنسبه للسوني والسامسونج
     
  7. netq8

    netq8 عضو جديد

    التسجيل:
    ‏19 نوفمبر 2007
    المشاركات:
    9
    عدد الإعجابات:
    0
    دير بالك لاتشتري اجهزة كهربائية من امريكا لإن كهربتهم 60 هرتز والكويت 50 هرتز
     
  8. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    السلام عليكم بالنسبه للشحن للتلفزيونات انا توني كنت عند ارامكس
    وقالولي اذا الوزن مال التلفزيون من خمسه واربعين كيلو و فوق الشحن راح يكون عن طريق كارجو و ياخذ وقت من اسبوعين لي ثلاث اسابيع و بالنسبه للتكلفه راح تكون دينار و ربع للكيلو الواحد من وزن الجهاز
    و زيد عليهم مصاريف رسوم جمركيه و سيكيوريتي و هذي تقريبن تتراوح من عشرين لي خمسه وعشرين دينار على كلام ارامكس نفسهم
    اما اذا اقل من خمسه واربعين كيلو راح اتصير عالحسبه العاديه اول نص كيلو ثلاث دنانير و كل نص كيلو زياده بدينارين ونص
     
  9. meshal1974

    meshal1974 عضو جديد

    التسجيل:
    ‏6 مارس 2007
    المشاركات:
    554
    عدد الإعجابات:
    0
    السلام عليكم,

    الله يسلمك انا شريت تلفزيون سوني W Series 40بوصه سعره في الكويت 765دينار بس خذيته من الخبر 645دينار فرق معاي 120دينار طبعا يبته بالسيارة بس في مشكلة إن مو مكفول في الكويت :) وفي أنواع وايد السوني طبعا والسامسونج هم تقريبا نفس الفرق هذا التلفزيون كان في الكويت 720دينار و هناك سعره 610 وعلى كلام الوكيل هناك إن الكفالة شاملة الكويت وانا قريت ورقة الكفالة فيها الكويت عكس السوني انا اقول اترك عنك أرامكس وروح اشتر من السعودية أحسن لك أو الإمارات أرخص بعد :)
     
  10. شاب محترم

    شاب محترم عضو جديد

    التسجيل:
    ‏3 مارس 2008
    المشاركات:
    1,061
    عدد الإعجابات:
    0
    تلفزيون سوني LCD مواصفاتة Full HD 1080p شاشة 32 انش (جديد من الشركة)

    ينباع بشركة سوني بالكويت بـ 310 دينار
     
  11. xvictim

    xvictim موقوف

    التسجيل:
    ‏17 ابريل 2008
    المشاركات:
    146
    عدد الإعجابات:
    0
    انتبه من الكهرباء اللي عندهم v110 فولت ، والكويت 240v ،، انا ابتلشت قبل ترى بالسالفة ،،
     
  12. بومعالي

    بومعالي عضو جديد

    التسجيل:
    ‏29 ابريل 2006
    المشاركات:
    380
    عدد الإعجابات:
    0
    مكان الإقامة:
    الـكـويـت
    ما انصحك تطلب التلفزيون من بره لأسباب كثيرة منها تكلفةالشحن وعدم وجود كفالة واختلاف الأنظمة في التلفزيون الأمريكي و المخاطرة بتعرض الجهاز للكسر بسبب الشحن ...

    أنا اشوف الأسعار عندنا ممتازة خصوصاً في هالوقت ... الغانم مسوي عروض منها توشيبا 42 ب 390 دينار ومعاها ديفيدي هدية

    قبل جم شهر شريت شاشه 42 بوصه كورية من شركة دايو ... طلع علي سعرها 350 دينار وللأمانه الشاشة من أفضل ما يكون وكل الكلام اللي سمعته عن وجود ضلال بالأفلام طلع غير صحيح .

    شوف شاشة الدايو بالغانم يمكن تعجبك و هي كورية يعني جودتها ممتازة مو مثل الصيني

    بالتوفيق :)
     
  13. speed up

    speed up عضو جديد

    التسجيل:
    ‏9 ابريل 2008
    المشاركات:
    395
    عدد الإعجابات:
    0
    انا بعد توني ماخذ من يوريكا lcd بس حجم 26 بوصة لأن حق غرفة صغيرة
    ماركة BEC كوري و ما شاء الله من احلى ما يمكن .. بـ 149 دينار

    ما تسوى تشتري من برة .. الاسعار بالكويت زينة و على طول في عروض .. و كفالة و مضمون
     
  14. indexmontaha

    indexmontaha عضو جديد

    التسجيل:
    ‏15 فبراير 2008
    المشاركات:
    135
    عدد الإعجابات:
    0
    خوش موضوع.
    دورت مثلك أمازون و غير أمازون على تلفزيونات LCD و نفضت الإنترنت نفاض :) آخر شي مردي شريت من الكويت تلفويون LCD 52 FULL HD 1080 SAMSUNG شريته من الغانم 1250 دينار طبعا رفضت كوبونات الشراء ب 60 دينار و طلع علي 1250 و الحين نازل سعره يوصلونه لك البيت و يشغلونه و إذا فيه شي خراب،خدش،كسر يردونه بسيارتهم و يبون لك غيره و لكن إذا وصلك من امريكا مكسور، الشاشة مجروحة أو ما أشتغل شتغبر فيه و ين ترده عليهم؟ نعم بإمكانك ترده لكن عاد تحمل فلوش الشحن مرة ثانية ... و أنت تعجبني لأنك تشاور قبل لا تسوي الشي أو تشتري و مثلنا الكويتي يقول "شاور الأكبر منك و الأصغر منك و ارجع لعقلك"
    و ليش بره أرخص من الكويت لأنه بدون كفالة. إشتر من الكويت مع الكفالة أحسن لك المشترا من الكويت ولا الديرة مثل بيع العميان :cool:سلم و إستلم. لكن من امازون و غير أمازون تدفع و بعدين يطرشونه لك و سعيد بخيت اللي توصله بضاعته سالمة. أخوي شرا كاميرا فوجي احترافية من الإمارات و قالوا له كفالة دولية و يوم خربت بوشهري وكيل فوجي بالكويت رفض يصلحها على الكفالة الدولية، دفعوه فلوس سألهم و الكفالة الدولية و ين راحت؟ قالوله: "الأول تحول و الغزل انقلب صوف" قال ما فهمت قالوا: "كفالة الإمارات نقعها و أشرب مايها".::verymad::
    و بالتوفيج
     
  15. فاضي حدي

    فاضي حدي عضو جديد

    التسجيل:
    ‏30 يونيو 2008
    المشاركات:
    223
    عدد الإعجابات:
    0
    والله كلكم ابداع وماقصرتو

    عطيتو الموضوع حقه وزياده

    الله يجزاكم خير

    انا ملاحظ اكثر المديح للسامسونج والظاهر اركز على هالماركة والله كريم
     
  16. Doc30

    Doc30 عضو نشط

    التسجيل:
    ‏13 ابريل 2008
    المشاركات:
    1,192
    عدد الإعجابات:
    1
    بارك الله فيك ..مشاركه ممتازه.وتعلمنت منها الكثير عن ال LCD

    انا عندي Sony Bravia 40 بوصه . ماخذه من سنه ونص تقريبا . وانشاء الله ناوي اخذ سامسونج 40 عندهم او 42 (ما اذكر) بس ابي رايك . شنو الفرق بين ال Ready HD و full HD .؟

    ادري انه Full HD ( اليديد) 2 ميجا بكسل والنوع القديم HD Ready بس 1 ميجا ...سؤالي هل يفرق مع افلام البلو راي وغيره ....يعني وايد فرق ولا فرق لا يلاحض ؟؟

    يعني اضل على ال HD Ready ولا اخذ Full HD?
     
حالة الموضوع:
مغلق