دعوه من تلفزيون الكويت ..للمحللين

[TAKE-OVER]

يستاهل الفهلوي
و بالتوفيق يا بو مشعل

 

[Zero]

يستاهل الفهلوي

و الله يوفقه و يبيضها على الشاشه

 

["المتخصص"]

ارشح العضو
"المتخصص"​

للاسباب كثيرة:

منها..

1- محلل رقمي
2- محلل فني
3-محلل اساسي.

4- ماستر في السوق الكويتي. وكفاءته


5- رجل متحدث.

6- خبرة بالسوق.

باختصار خير من يمثل المنتدى ولا قصور بالاخوان..


الله الموفق

مشكور يا خوي محمد على هالمشاركة لكن انا ماني حمل هالأمور وصدق اني اتردد كثير في رفع تحليل او فتح موضوع لأن المسألة مو سهلة فيها مسائلة في يوم صعب. والحمد لله تم ترشيح رجل ثقة وعلى قدر كبير من الكفاءة وهو اخونا ابو مشعل وللأمانة هالدعوه تعكس كثير من الامور اهمها مصداقية هالمنتديين ووجود كفاءة عالية فبها.
(شكر خاص الى بو عبدالله لإهدائه اخوانه هالدعوتين)​

 

[AC.MILAN]

الله يوفق من وقع عليه الاختيار
وكل المحللين فيهم خير وبركة ان شاء الله .....

 

[ميكانيكي]

يستاهل الفهلوي

 

[nabeels8]

الله يوفقك أخوي بومشعل​

 

[جمبازي]

تم ترشيح واختيار الاخ العضو Q8 Stock



الله يعينك على تمثيل المنتدى



((تم قبول اعتذار الفهلوى ))

 

[الشامري]

تم ترشيح واختيار الاخ العضو Q8 Stock



الله يعينك على تمثيل المنتدى



((تم قبول اعتذار الفهلوى ))

كلهم يستاهلون

بوعلي عاد هالله هالله

ما نبيك تعطيها فل سكبه

ترى البلد لازال فيها عذارى، شوي شوي على قلوبهم

باجر أخونا فزاع بغير نكه ويسويه Q8stock بين قوسين ويحط صورتك بتوقيعه

(نتحرش يا بوسالم طوف )

 

[kwk]

الف مبروك اولا للمنتدى ثانيا له شخصيا وثالثا لنا جميها وان شاء الله يوفقه ويكون خير للجميع بس ياريت انعرف متى المقابله وجزاكم الله لف خير

 

[BoDousar]

مع احترامي وتقديري لكل المحللين
ارشح بو عبدالله ماشاء الله عليه انسان فاهم

 

[بو سليمان]

بو علي يستاهل و العملية هي نقل وجهات نظر و طرح وجهات نظر المستثمرين و المضاربين

 

[frozen]

متي المقابله

 

[TAKE-OVER]

تستاهل يا بو علي
و بالتوفيق

 

[Silat]

جمبازي الحبيب


متى المقابلة ؟

خلال هالايام ؟

و ياريت احد يسجل المقابلة و يعرضها بالمنتدى للي ما يناسبه وقت المقابلة..


يستاهل بوعلي :d

 

[(فزاع)]

البشت مني يا بو علي ..

 

[nabeels8]

مساء الخير

مبروك بوعلي وعسى الله يوفقك يارب​

 

[(فزاع)]

كلهم يستاهلون

بوعلي عاد هالله هالله

ما نبيك تعطيها فل سكبه

ترى البلد لازال فيها عذارى، شوي شوي على قلوبهم

باجر أخونا فزاع بغير نكه ويسويه Q8stock بين قوسين ويحط صورتك بتوقيعه

(نتحرش يا بوسالم طوف )

توني انتبه على مشاركتك
هههههههههههههههههههههههههه
آآآخ جكيتني عن خططي الجهنميه المستقبليه الطاحونيه
يبه تحرش .. تمون على راسي وعلى عيني ..​

 

[الفهلوي]

تم اختيار الفهلوى



لتمثيل المنتدى

تم ترشيح واختيار الاخ العضو Q8 Stock



الله يعينك على تمثيل المنتدى



((تم قبول اعتذار الفهلوى ))

شنوووو يعني ما راح اطلع في التلفزيوووووووووون


يصير خيييير يصييير خير ياجمازي ::verymad::

ان ما خليتك تلف المنتديات واحد واحد .. ما تلقى واحد يسجلك .. ما اكون آآنااا الفهلوي


لا وبعد مرقعها .. تقووووول اني اعتذرت شلون اعتذرت وانا ما احد دق علي

يعني بسببك رحت ودفعت كل فواتيير تلفوني .. عشان يمكن احد يدق علي وما يكون الخط مقطووووع

لالالالالالا شلوووون ما اكوووو تلفزووووووون


زين والغتره اللي شريتها بدينارين ونص وكويتها بربع دينار عشان البرنامج منو يعوضني عنها ::verymad::::verymad::


المهم ...


هي الحرب الضرووووس قد أتت :::: فاشدد فإنك بها مقتولو
واعلم بان الايقاف عندي :::: سهل والكل عندي موقوفو



الفهلوي​

 

[قاروه]

طاق رصيف

الضرووووس​

بومشعل تبي حشوه ؟

 

[الاوربي]

طاق رصيف :d



بومشعل تبي حشوه ؟

يحب الكوكاو