طلب خدمة اتمنى من الجميع الدخول

w9k2

عضو نشط
التسجيل
10 أغسطس 2008
المشاركات
142
السلام عليكم

شباب ابي خدمة وأتمنى أحد يضبطني

عندي سن ذابحني عوار رحت المستوصف وقالوا ما ينشال الا جراحة

وعطوني موعد الاربعاء القادم في عيادة بنيد القار أتمنى اذا أحد يعرف أحد

يداوم في عيادة بنيد القار يضبطني في موعد قريب أحس راسي يبي ينفجر

والعيادات الخاصة تخاف تروح لها سببين السالفه جراحه وبصراحه سعرهم

يبجي أقل عيادة 150 دينار مو خوش سالفة
 

w9k2

عضو نشط
التسجيل
10 أغسطس 2008
المشاركات
142
هذا رقمي يا جماعة والجهاز مفتوح على طول

9748749

لا بارك الله في وزارة خلتنا نذل نفسنا على المواعيد
 

ابو سالم1

عضو نشط
التسجيل
1 مايو 2008
المشاركات
1,714
الإقامة
الكويت أولا
احمد ربك موعدك الاربعاء الجاى صج واسطتك قوووووية انا قبل نفس حالتك عطونى موعد شهرين بالعدان التخصصي وانت اسبوع وهم تبي واسطة
عسالله يشفيك انشالله واكل مسكنات الى لونهم احمر هذى حق الضرس زينة والاربعاء الجاى قريب موعدك ممتاز لو تروح للعدان اقل شى يعطيك موعد 3 اشهر
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
اخوي مافيه ذلّه ان شاء الله
والناس للناس والكل بالله مثل ما يقولون




بس لو تروح للمستوصف تاخذ ابر مسكنه وان شاء الله يروح
العوار .. على ما يجي موعد مراجعتك


او تروح لأقرب صيدليه وتشتري حبوب Cataflam
قيمته على مااعتقد دينارين وشي العلبه الصغيره

وتاخذ لك حبتين وعن تجربه خوش مسكن


وماتشوف شر ان شاء الله
 

w9k2

عضو نشط
التسجيل
10 أغسطس 2008
المشاركات
142
والله يالغالي ما ادري شقولك

يعني منو يتحمل الم لمدة أسبوع ؟

على طاري العلاج الي قلته صج 50 غرام قطيته في الزباله لنه ماله أي

مفعول و شاري علاج من الصيدليه 500 غرام أفضل من علاج الي عطوني

ياه بس ضحتكي لم قلت عندي واسطه شنو الواسطه هذي الي تخليك

تتألم لمدة أسبوع ؟
 

w9k2

عضو نشط
التسجيل
10 أغسطس 2008
المشاركات
142
الشر ما ايك ولد عمي بنسبة للمستوصف خلني ساكت بس

رحت لهم الصبح وحياتك ثلاث ساعات ياله دخلت على الدكتور

واخرتها حولني الى بنيد القار واذا رحت يقولك خلك على علاجك

وله روح الصيدليه اشتري علاج ثاني وتوني ياي من الصيدليه

خذيت علاج اسمه
Mefac

500 غرام

وناطر بو ساعه واخذه لني كنت ماخذ العلاج القديم قبل اشوي

بارك الله فيك
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
الله يعينك والله
وينهم دكاترتنا الي بالمنتدى خل يطلعوون
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
اخوي الابره لها مفعول قوي
اطلب يعطيك الابره وعلى فكره ممكن يعطونك اياها كل يوم
يعني يعطيك ورقه وكل يوم تاخذ هذي الابره
ومفعولها فوق الممتاز وتسكن العوار
 

abu.omar

عضو نشط
التسجيل
18 يوليو 2006
المشاركات
1,246
الإقامة
بالـــ/ خطــ الأحمــْـرُ ...
خيووووو صحتك أولي من الفلوس

عياده بهبهاني العماره المدوره سوق السالميه القديم

فاتحين اربع وعشرين ساعه 55 دينار

تنظيف مــع خلع الضرس وفك عمرك وأكثر من عشر

دكاتره موجودين بنوبه الليل شلعه وأفتك​
 

w9k2

عضو نشط
التسجيل
10 أغسطس 2008
المشاركات
142
مشكورين أخواني على المرور

يا ريت يالغالي يكون نفس السعر الي ذكرته بس انا محتاج جراحه يعني

السالفه مكلفه مو خلع عادي لن راح يكون فيها فتح لثه
 

abu.omar

عضو نشط
التسجيل
18 يوليو 2006
المشاركات
1,246
الإقامة
بالـــ/ خطــ الأحمــْـرُ ...
مشكورين أخواني على المرور

يا ريت يالغالي يكون نفس السعر الي ذكرته بس انا محتاج جراحه يعني

السالفه مكلفه مو خلع عادي لن راح يكون فيها فتح لثه

والله خيووووو

ما أدري شقول لك بس الله يهونها ويسهلها ويشفيك​
 

AL_ESSA

عضو نشط
التسجيل
21 مارس 2008
المشاركات
216
أول شى الله يعافيك ويهون عليك وينسيك ألمك
ثانى شى ما شاء الله عنك صج واسطتك قوية
تصدق كان عندى نزيف دم من المعدة وحولونى مستعجل مستشفى مبارك والكاتبة اللى هناك عطتنى موعد بعد 4 اشهر وراويتها ورقة المستوصف مكتوب عليها مستعجل - رديت على وقالت : اخوي هذا اقرب موعدى اذا ما تقدر تنطر روح مستشفى خاص
 

سهم مرتاح

عضو نشط
التسجيل
3 أبريل 2006
المشاركات
1,244
الإقامة
kuwait
اخوي انا نفس حالتك عندي ضرس حفر الى تحت اللثه وبقى منه جزء بسيط وقالولي لازم جراحه وعطوني مواعيد عمليه يشقون اللثه ويطلعونه
ومدحولي دكتور بحفر الباطن ورحتله وحمدلله شاله بـ 150 ريال +30 ريال فتح ملف يعني التوتل تقريبا 15 دينار:)
والحين كل مارحت الحفر مريته:)
 
أعلى