انا اعرف ان هذا من صنع يدي- ولكن انت السبب يا&

[بو ضاري 2005]

الله كريم اخوي وبالمال ولا بغيره وتأكد ان اكثر من 90% من اخواننا المتداولين تغيرت اوضاعهم وللاسف الي الاسوأ منذ الدخول الي السوق وقليل جدا ونادرا مااسمع ان احد ربحان بالسوق الكل متدبس بأسعار عاليه وينتظر الفرج
وتأكد ان معاناتك نفس معاناتنا صار الفلس علينا بالحسرة
والله ياخوي كان رصيدي 70الف دينار وكنت حاط وديعه ببيتك ومرتاح ومستانس وكنت اسلف الربع وكل اللي اعرفهم واوقف معاهم بظروفهم وكسرت الوديعه ودخلت السوق ومن خسارة الي خساره وماصفي منهم الا 5الاف دينار والحين قاعد علي توزيعات وارباح الشركات
عسي الله يعوضنا ويعوض جميع اخواننا

العلم عند الله سبحانه انا عمرى ماوصية فى المنتدا مدام صفية علا 5 تالاف اجل بوصيك حطهم فى العقاريه عندهم زيادة راس مال وماراح يخليها تتفصخ علا هل سعر مجرد توصيه ممكن قابله للخطا واترك الرد لباقى الاخوه

 

[حفار قبور]

الله يعينك ويعوضك

 

[frozen]

الله يكون بعونك يالغالي

بس نصيحه لا عاد تدخل السوق بقرض

السوق يدخله للي عنده سيوله كاش ومو في حاجتها ايضاً

الدخول بالقرض يعتبر مخاطره ولا احد ينصح فيه

بخصوص البحر فالبحر ماله ذنب هذا سوق فيه الغث والسمين

القرار انت اللي تملكه في الشراء والبيع دائما لاتضع اللوم والاخطاء اللي ترتكبها على غيرك

لو انا دخلت اسهم البحر وربحت منه هل راح امدح البحر او اي شركه من المجاميع فى السوق!

ما راح امدحهم لان انا اللي مختار السهم وحسب اطلاعي ومعرفتي في السوق

راح تفتخر بنفسك انك حققت شيء والعكس صحيح

اسمح لنا على المداخله ولكن هذا الواقع

احلي مشاركه قريتها ولله

 

[شرياص العديلية]

الله يعينك ويعوضك

مادري ليش عندي احساس ... يا حفار

أن دارك حاط لها ورق جدران ( آخر صفحة بالجريدة )

وفراشك تابوت عوووود ..

وتنام ونت واقف لالا ..

مبروك على دورك في فلم ( WAZ ) وايد بدعت !​

 

[baselko]

الله يعينك ويعين كل عبد مسلم ابضيقه من اى نوع
عموما الجواب الكلاسيكى لحالتك يقول شد الحزام و خفف الخدم وبدل السيارة الى سياره قصدها اقل الى ان يفرجها ربك و ما تدرى لعل الامر خير و كما قال الحبيب صلى الله عليه وسلم "" عجبا لأمر المؤمن امره كله خير ان اصابته سراء شكر فكان خير له وان اصابته ضراء صبر فكان خير له "" او كما قال صلى الله عليه وسلم
وعسى ان تحبوا شيئا و هو شر لكم وعسى ان تكرهوا شيئا وهو خير لكم والخيرة فى ما اختاره الله

والله توني بشور على اخوي نفس اللي كاتبه بس انت سبقتني بارك الله فيك

 

[متداول جديد]

العلم عند الله سبحانه انا عمرى ماوصية فى المنتدا مدام صفية علا 5 تالاف اجل بوصيك حطهم فى العقاريه عندهم زيادة راس مال وماراح يخليها تتفصخ علا هل سعر مجرد توصيه ممكن قابله للخطا واترك الرد لباقى الاخوه

اشكرك اخوي بوضاري
وان شاء الله بأخذ بتوصيتك
وجزاك الله خير

 

[Audacity]

الله كريم و راح يعوضك و السهم تقدر تصبر عليه و تاخذ أرباحه و يعوضك على المدى الطويل.
إنشاالله خير، ما تدري هل الفلوس لو إشتريت فيهم سيارة و لا سمح الله صار حادث ممكن الخسارة تكون أكبر.
الله يوفقك و أكيد رح يعوضك.

أخوك بو حسين.

 

[iig+grand]

انعين ونعاون يا خوي ..

أكلمك جد ..

مايردك الا لسانك ..

الكويت لسه بخير ...

راسلني عالخاص .​

جزاك الله خير ونحسب كذلك ولا نزكي على الله احد

وعندي احساس الرجل صادق
100%

 

[حفار قبور]

مادري ليش عندي احساس ... يا حفار

أن دارك حاط لها ورق جدران ( آخر صفحة بالجريدة )
وفراشك تابوت عوووود ..
وتنام ونت واقف لالا ..
مبروك على دورك في فلم ( WAZ ) وايد بدعت !​

​

 

[بو سليمان]

متداول مبتدئ ..

من شاف مصيبة غيره .. هانت عليه مصيبته

عندي واحد من الربع ( حسبة أخو ) 24 ساعة معاي ..

هذا راتبه 2.600 دك ( طيار بالكويتية )

وهذي استقطاعاته :

500 ( قرض عقاري )
130 ( قسط التسليف )
220 ( قسط السيارة )
300 ( قسط أثاث بعشرة آلاف )
300 ( مصروف البيت - عايلته صغيره - ولدين )
---------------------------------------------
الفائض = 1.150 دك مصروفه الشخصي !
ملاحظة ( عنده مبلغ 25.000 دك كاش بصندوق )

أما صاحبنا الثاني راتبه 900 دك ( بالخارجية )

متزوج وعنده عيال 3 و أجار شقته 350 دك ..ناهيك عن المصاريف

الأخرى .... السؤال : بنظرتك المبدئية ... من هو اللي عايش صح ؟؟

علق على الشخصين ... وبعدين راح أصدمك ​

عندي شخص عزيزي شراء اللبنانية ليام عزها 1100 و و المخازن 4500 و سلطان 1700
و طاحت و اصيح عليه بيع و هو فعلا رجل عنيد و لسانه سليط و قلبه ابيض و صوته عالي يطلعك غلطان و انت ما سويت شي

صاحبنا هذا اكثر ربحية الله يرزقه من الاكتتابات
الوقود الاولي قام بالشراء من اخوين الاول لديه 7 افراد و الثاني 9 افراد
الاول توفي و حضر صاحبنا الدفن و العزاء و اليوم الرابع حضر لاخوان الشخص و سلمهم شهادة الاكتتاب و قال اللهم اني مسامحة هذي عطوها عيالة

بعد تقريبا شهرين او اقل توفي الثاني توفي و حضر صاحبنا الدفن و العزاء و اليوم الرابع حضر لاخوان الشخص و سلمهم شهادة الاكتتاب و قال اللهم اني مسامحة هذي عطوها عيالة

يمكن صاحبي حاليا يقرا هذا الموضوع و يقول ليش تقول عني عنيد و لساني طويل

لكن ارد عليه و اقول انت قلبك ابيض و يدك بيضاء بس بودي شي يكمل عندك انك لا تشتري الشركات و البنوك الربوية

 

[raay]

الله يعينك
اخوي تصدق باللي تقدر عليه واصبر ان الصبر مفتاح الفرج
ودايما قول الحمدلله والشكر له احنا باحسن حال

بقولك سالفه وانت احكم
واحد تحويشه عمره ( اكثر من 22 سنه توفير لاحظ معاي 22 سنه ) حارم نفسه من سفر وغيره
المبلغ اللي موفره مع بعض بيعات مختلفه المهم المبلغ وصل الى 120 الف دينار مع بيع جزء من راتبه التقاعدي
سمع عن البورصه وقصو عليه بعض الناس وقالوله هذا مبلغ يخليك تصير مليونير بظرف سنتين
صدق الريال وقالهم ها شنو اسوي وششتري
صرفو عليه اللي عندهم ( بعض اللي يقعدون بالبورصه ) والحين ياجماعه الخير لا هو من فلوسه ولاهو من ارباح الشركات لانه يبيع قبل التوزيعات وكل ما اشوفه يقول بس توبه من هالبورصه ولا اسمع كلام الناس ، والله وكيلكم ثاني يوم اسمع عنه اشترى لا ويبرد على اسهمه
المهم زوجته تشكي الحال وتقول لا من بيزاتنا ولا من ابونا اللي شنه مسبه ولا من حتى راتبنا التقاعدي
المصاريف كثرت والعيال كبرو ولسان الحال يقول حسبنا الله ونعم الوكيل.
شوف وضع هذا الرجل شيقول الحين ( الحمدالله على السلامه والصحه وعيالي واهلي حواليني والناس راضيه عني )
واللي مونسني فيه انه قنوع وراضي بحكم الله ويطلب من الله التعويض بصبره وصبر عياله عليه

ياجماعه هذا حال الكثير بس اهم شي الصحه ورضا الله
والله بعينك ويفرج عليك

 

[hassana]

الله يكون بعونك اخوي خل اقولكم سالفة ولد خالتي دش البورصه بقرض 100 الف دينار على معلومه وصلته من شخص ثقه على سهم دار الاستثمار يوم ان على سعره 500 فلس وقاله لا تبيع لين اقولك وفعلاً شرى بكل فلوسه على سعر 500 فلس وارتفع السهم لين وصل 1800 فلس وقاله رفيجه بيع وفعلاً باع على 1800فلس تصوروا كم ربحه يعني اكثر من 260 الف دينار للاسف ما طلع من البورصه ولا سدد القرض ولكن طمع وأخذ معلومه ثانيه من صديق ثاني على سهم مركز سلطان يوم كان سعره 2580 فلس وقط كل فلوسه على مركز سلطان بسعر 2580 تصوروا زهقنا ونقوله بيع بيع والسهم ينزل وما باع ولليوم ما باع والحين هو متقاعد ويسدد القرض والله يعينه رايح فيها

 

[HSE]

الله يعوظكم خير من هذا كلة
والله مو خوش سالفة

 

[iig+grand]

ثبت هذي الصفحه يا استاذنا المشرف

والله تفيد المبتدئيين والجميع

 

[faisel 2]

متداول مبتدئ ..

من شاف مصيبة غيره .. هانت عليه مصيبته

عندي واحد من الربع ( حسبة أخو ) 24 ساعة معاي ..

هذا راتبه 2.600 دك ( طيار بالكويتية )

وهذي استقطاعاته :

500 ( قرض عقاري )
130 ( قسط التسليف )
220 ( قسط السيارة )
300 ( قسط أثاث بعشرة آلاف )
300 ( مصروف البيت - عايلته صغيره - ولدين )
---------------------------------------------
الفائض = 1.150 دك مصروفه الشخصي !
ملاحظة ( عنده مبلغ 25.000 دك كاش بصندوق )

أما صاحبنا الثاني راتبه 900 دك ( بالخارجية )

متزوج وعنده عيال 3 و أجار شقته 350 دك ..ناهيك عن المصاريف

الأخرى .... السؤال : بنظرتك المبدئية ... من هو اللي عايش صح ؟؟

علق على الشخصين ... وبعدين راح أصدمك ​

طيار الكويتيه هو اللي عاش صح لانه عنده فائض1.150 و25ألف كاش..!

 

[faisel 2]

اللي يسمعكم يقول محد ربح من السوق مثل ما انت خسرت ترى اللي باع عليك ربح .........وين الي أشتروا الدوليه م أ 120أو 200فلس وين الي أشتروا مينا القابضه .............وغيرها من الاسهم التي تضاعفت اسعارها الكل خسران يا سبحان الله الكثير ربح بس يقول أنا خسران لانه خايف من العين....!!!!!!!

 

[متداول مبتدئ]

بسم الله الرحمن الرحيم​

اتقدم بالشكر الجزيل لجميع الاعضاء الذين شاركوا بموضوعي هذا والذين نصحوني ووجهوني والذين عرضو عليه مساعدة ، ولساني يعجز عن التعبير ولكن تأكدوا انني لم اكتب هذا الموضوع إلا وانا في ضيقة مادية والله العظيم انني في ضيقة مالية ، ولكن سأصبر وأحتسب الى ان الله يفرجها علينا ، وآسف اذا لم ارد على اي مشاركة لانها مشاركات كثيرة فاردت ان ارد لجميع الاعضاء الذين وضعوا رد .



وشكرا لكم

 

[شرياص العديلية]

طيار الكويتيه هو اللي عاش صح لانه عنده فائض1.150 و25ألف كاش..!

للأسف يا أخ زيد ... اللي تقول عنه عايش صح ...

فيه فايرس الكبد سي (Habititous C) هابيتايتس سي ..

قول آمين الله يكفيك شره ... كل 4 أيام يطق ابره ب100 دك ..!

وممنوع عنه كل الأكل اللي يحبه قلبك .. غير الأشعات اللي تجي له

من ألمانيا و أمريكا ... الريال حالته حاله مع وظيفته .. احتمال يتقاعد

تقاعد طبي .. وكل دكتور يعطيه علاج ... فر العالم كله .. ما في

دكتور تطابق تشخيصه مع دكتور ثاني ...! ناهيك عن نفسيته ..

الله يشافيه .. ويكشف ضره وجميع المسلمين ...

الفلوس مو كل شي ...

ما لها طعم الفلوس من غير تحري الحلال والصحه...

اللهم شافي مرضانا و مرضى المسلمين

واقض الدين عن المدينين

وفرج هم المهمومين

وارزقنا الشهادة .. بعد طول عمر .. وحسن عمل ​

 

[الفال الطيب]

ايوالله السعاده مو بالمال ..
السعاده بطاعة الله وبطاعة الوالدين , والله العظيم لها طعم خاص ..

ولا تنسون التجاره الرابحه على لابواب , مو باقي شي باقي تقريبا 14 يوم .
الخسران اللي يضيعها " ايام معدوده وتنتهي ".

 

[Falcon]

يا جماعة هذي سنة الحياة
يمر عليك يوم متضايق ماليا ...و يوم لا و الله ماتدري و ين تودي الفلوس...

و لكن السؤال ...أعتبر نفسك مدير تنفيذي في البيت...شنو الخطوات المطلوبة حتى تقدر تعدي من الازمة بأقل ضرر:

1- بدل خدامتين ....خل خدامة وحدة
2- أخذ سيارة بحيث القسط الشهري ما يزيد عن 100 دينار( سيارتي هوندا 85 دينار شهريا)
3- و قف استخدام الكاش ...يعني استخدم كي نت ....مهم جدا
4- أشوف دوام أخر بعد الدوام الرسمي

بالتوفيق