سؤال: الناس اللي تسوم وتختفي شنو وضعهم؟

[q8-boy-13]

يعني انا ما ادري هل هذا هو الدارج في المنتدى؟ الناس تسوم وبعدين تعطيك طاف بدون حتى اعتذار, اذا الواحد بطل شنو المشكله انه يقول, ترى مو صعبة , "والله هونت!" ماشي قول علشان اعرف اتصرف, بس تعليق الناس مو خوش سالفه. ولا يردون لا على عام ولا على خاص!!!

ياريت اسمع رايكم, واذا في حل حق هالسالفة​

 

[nokia*nokia]

الله بالخير أخوي

الحل سهل ومايبيله كلام

السوم + وضع رقم الموبايل للسوام

وتنتهي المشكله ​

 

[خدمة الشعب]

السلام عليكم

أنا أختلف معاكم يا اللي فوق !!

الناس ما تختفي , يمكن القلّه

لكن العيب بصاحب البضاعه كل شوي ( فوق و up ) والأخ بعد أسبوع يدقدق على الناس

ليش , ما في بضاعه غير بضاعتك !! أكيد ما راح أنتظر رحمته عشان الأخ يبيع

أنا أسوم يا يبيع يا يقول لا وخلصنا​

 

[مهم للغاية]

انا فعلا احط ايدي على ايدكم في هالموضوع

 

[mf5]

كلام ممتاز لازم فترة معينة للرد او يتلغى السوم

السلام عليكم

أنا أختلف معاكم يا اللي فوق !!

الناس ما تختفي , يمكن القلّه

لكن العيب بصاحب البضاعه كل شوي ( فوق و up ) والأخ بعد أسبوع يدقدق على الناس

ليش , ما في بضاعه غير بضاعتك !! أكيد ما راح أنتظر رحمته عشان الأخ يبيع

أنا أسوم يا يبيع يا يقول لا وخلصنا​

كلام ممتاز لازم فترة معينة للرد او يتلغى السوم

 

[sjl71]

المشكله بعد في صاحب البضاعة
انا مو احط سومتي وانطر يومين ثلاثه يمكن اسبوع

الافضل الواحد يحدد يكتب ترا يومين ببيع اوثلاثه

ياخوي على سبيل الميثال محتاج تلفون اعطيك سومه اعجبتك بيع

ما اعجبتك انت حر حلالك عندك وحلالي عندي

بس الحجي إذا اتفقت مع واحد على البيع ونحش

لاهو الي قالك هونت ولايرد علي الخاص

وجنه ماسام ولاواعد هذا انا وياك

 

[q8-boy-13]

يعطيكم العافيه على الردود
أنا حاط عرض بليستيشن 3
واحد من الشباب أنا كلمة وتفقنا على أسعر وبعدين الريال صارله يومين مختفي حتا بالموضوع ماكو أعتذار ولا مسج رقمي عند الريال ولا على الخاص هذا مو كلام

 

[أحمد ظاهر]

والله يا اخي q8-boy-13 انا اتفق معاك تماما .. كثير كثير كثير تصير معاي .. انا من مدة بسيطة اضطريت اعيد الاعلان اكثر من مرة واعيد المزاد اكثر من مرة بسبب هالناس اللي تسوم وتحط ارقام تلفوناتها وبعدين ............................

المشكلة انه خلاص نتفق على السعر وتدق عليه لا هو يرد ولا هو يعتذر .. والأدهى والأمر من هذا كله، يجيك واحد وتتكلم معاه بالتلفون وتتفق معاه على المكان والزمان وتلاقيه بعدين لا يجي ولا يرد!!

انا صج ودي افهم هالناس هاي شلون تفكر!؟ .. يا اخي اذا انت فاضي غيرك مو فاضي!! .. اذا انت هوّنت عن الشروة خلاص مو عيب تقول انا خلاص بطلت!! .. خو ما حد جابرك!! ..

الله المستعان!!

مشكور اخوي على طرح هالموضوع اللي كثر بالفترة الاخيرة للاسف .. واعتذر للاطالة

 

[q8-boy-13]

يا أخوي يعطيك العافيه على الكلام أطيب
أنا أتفقت مره معا واحد وتفقت على السعر و المكان وساعه جم الموعد أنا رحت ونطرته نص ساعه فوق الموعد أتصل علي جهازه مغلق هذا مو كلام بس الله المستعان

 

[state of kuwait]

المشكله بعد اذا كان رجال يعرض بضاعته ووقت اللي فيه المشتري ملتزم بالمكان والوقت والسعر يتعذر البايع بأعذار بايخه ومكشووفه جان من اول قلت مابي بهالسعر وانتهينا .. شي يقهر بصراحه

 

[nino1983]

ياجماعه انا مرتين صارلي نفس الموقف احط سومتي وصاحب البضاعه يطول على مايرد علي ,,, وانا مو معقوله اكون ناطره المده كلها 12 ساعه على مايرد وبعدين يقعد بو شباب يقول وين السوام ويتحجى ويسولف وانا ما ادري عنه اي شي ,,, اقل شي على راعي البضاعه يدزلي رساله على الخاص وتنتهي السالفه وبس ,,, عدل ياشباب ولا انا غلطان ,,, وشكرا ,,,

 

[kazamezaa]

افضل حل ان يكون للسوم وقت محدد يعني صاحب البضاعة يحدد وقت معين للسوم و كل من يسوم بدون رقم تتعبر سومتة ملغية
وانا ما احضر جديد في الاقتراح لان ما يحدث هنا معاناه بمعني الكلمة
ناس تتدخل تخرب البيعة بسومات تكون مو حق البضاعة

 

[kazamezaa]

وفي طريقة اخري انا شايف انها ممكن تكون صعبة

مثلا انا عندي موبيل و هاعرضة هنا للبيع .. بحدد وقت معين بكون موجود فية اون لاين ع المنتدي
مثلا هاكون موجود من الساعة 12 ليلا لغاية 3 صباحا و بشوف السومات المباشرة و اذا وقعت السومة علي شخص معين بيتم التأكيد بأني بتصل بية
اذا كان الشخص دة غير جااد بكتب في موضوعي ان الشخص الفلاني غير جاد في الشراء
وبكدة الكل بيعرف ان في شخص كلة مهتمة انة يتسلي لا اكثر
وحتي اذا دخل في موضوع تاني غير موضوع بيكون مكشوف
زي بالظبط كدة لما المشرف بيكشف شخص معين بيدخل بكذا اسم علشان يزود بضعتة
وكلنا لو عملنا كدة كل المهرجين هاينكشفوا
واسف علي الاطالة
مجرد اقتراح

 

[xnet]

السلام عليكم للجميع
انا معاكم بكل الى تقوولونه ومن المواقف الى تقهر مرتين بعت لاب توب بالسعر الى انا طالبه واتفقنا وبعد المعاينه ماكو عيب بس يقوولي نزلي مومشكله الى يصير بس الواحد يكون ملزم بالسومه ...
ومرات يخربون البيعه يعني تبي بالسلعه 200 اييك واحد يقول 220 ويحط رقمه ادزله مسج يقوولك والله اخوي صاحبي الى سايم ادق عليه ويشفط ولا يقول اخوي مسوين عرض على سلعتك اشرايك اتنزلي 30 عيل مدام عليها عرض ليش سايمها انا كل ماادش اشووف شي غالي اسكت مااعلق ولا لي شغل ولا اخرب البيعه عسى الله يرزق البايع والشاري احنا داشين على شان نستفيد وانفيد وعمووما الى ودي اقووله
الى يسووم على سلعه لزم يكون مجبر عليها خلال 24 ساعه يعني يوم على الاقل يمكن صاحب الموضووع مستلم ماعنده كمبيوتر ولا صارله ضرف يعني خلال يوم اعتقد يقدر يشبك ويشووف والى حاس نفسه سام ومايبي السلعه والله عادي قوول اسحب سومتى لا اتخرب ولا تحرج نفسك على الله يوفقنا جميعا

 

[q8-boy-13]

والله كلامكم على عيني وراسي
ممكن أتثبيت للمناقشه معى الجميع

 

[1aziz]

السلام عليكم

أنا أختلف معاكم يا اللي فوق !!

الناس ما تختفي , يمكن القلّه

لكن العيب بصاحب البضاعه كل شوي ( فوق و up ) والأخ بعد أسبوع يدقدق على الناس

ليش , ما في بضاعه غير بضاعتك !! أكيد ما راح أنتظر رحمته عشان الأخ يبيع

أنا أسوم يا يبيع يا يقول لا وخلصنا​

100%​

 

[talal555]

نفس المشكلة صارت معاي

سمت جهاز بسعر طبعا كان أعلى سعر ،،، وما في أحد حط سعر بعدي أعلى من سعري

وبعدها دخل راعي البضاعة وقال الجهاز تم بيعه


قلت يمكن أنا .. وحطيت رقمي وما في أحد إتص فيني

وبعدها تفاجئت إن راعي الجهاز بايعة خارج المنتدى


الله يرزقه إن شاء الله

 

[q8-boy-13]

وايد أتصير

 

[q8power]

السلام عليكم ورحمة الله وبركاتة

اخواني انا معاكم و مو معاكم كلامكم صحيح و على راسي
في عيوب تكون من البائع و في عيوب تكون من المشتري او السايم

اخطاء البائع:
1: يعض شغله و يقول على السوم واذا وصلت سعر معين و محد زاد على السومه يهون او يطنش او مايرد ليش ؟؟

بما انك قلت على السوم يعني اخر مبلغ ينسام في انت ملزوم انك تبيع لانك ما حطيت سعر معين
========
2: ليش ما تشرح عن الجهاز اذا كان في زلق ولا مكسور ولا في خراب وانت مرهمه يعني الواحد يسوم ويتابع معاك و لي راح شاف الشغله لقاها محكوكه حك وانت كاتب كالجديد ؟؟؟ هم هذا مو كلام ياخواني
========
3: لي عرضت شغله ما يحتاج كل 5 دقايق كاتب أب أب أب لي متى يعني ؟ بضاعتك وصلت لي سعر معين انت ملزوم اتبيع واذا كنت حاط سعرك النهائي وطاف عليه اكثر من 3 ايام يعني يا سعرك غالي يا البضاعه مو مرغوبه
========
========
========
تخطاء الشاري

1: يسوم وبعدين ما يشتري جنه يتوهق
========
2: يسوم الف شي و من كثر الشغلات ينسى او نقدر نقول يتناسى السومات

========

موقفين احب اذكرهم بس بدون اسماء والي يعرف انه الكلام عنه وانا ما احب الفضايح

1: سمت شغله و وصلت معاه الى مبلغ معين وللعلم محد كان يزيد غيري و كنت ازيد على نفسي
وكنت اكلمه خاص و مايرد علي ولا معبرني
وبعد مرور 3 اسابيع دازلي خاص يقولي للحين بخاطرك الجهاز تعال اخذه

هذا كلام ينقال ؟ وينك من 3 اسابيع

==========

2: نفس الشي واحد كاتب نفس الشغله و كالجديد وسمت معاه الى ان وصل سعر و محد زاد علي و كلمته خاص و ماقصر عطاني رقمه مع العلم اني كنت اكلمه بالعام و يقولي مافي زلق جديد
ويوم شفت الجهاز ولا مزلوق زلق العمي يشوفه قتله انت ما قتلي مزلوق يقولي عادي مايبين ما يأثر .!.!.!!!!
هذا كلام شباب ؟؟

ولو انا احب الفضايح و اذكر اسامي جان ذكرت و ماني خايف من احد بصراحه
مايخاف الا الغلطان

=========
والمفروض يكون في اكثر من مشرفين ثلاثه و ملتزمين في القسم ويتابعون اول بأول
ولو اتكون بينهم دوريه كل يوم على واحد او كل فتره مشرف يطل على المواضيع

واسف الطواله والسموحه منكم جميعا

 

[q8-boy-13]

كلامك أخوي على عني وراس
ويعطيك العافيه على المشاركه