صورة من التحايل والخداع

[q82007]

بسم الله الرحمن الرحيم

وجدت في الامس في صندوق الصحف مجلة إعلانية مجانية واشك

في انها غير مرخصة فتصفحتها على السريع فوجدت فيها الكثير من

الاعلانات المشكوك فيها اما اغبى هذه الاعلانات فهي لمحل وهمي

للستلايت وتفضلوا الصورة​

 

[Doc30]

ماشاء الله عليك . اشلون صدتها.

جمبزه في جمبزه . واحنا الي ناكلها

 

[بني سعد]

ما فهمت شنو اللى موجود بالجريده الاعلانيه وضح

 

[q82007]

اخوي Doc30 كنت مركز على تصميم الاعلان بعدها لاحظت تكرر الرقم

اخوي بني سعد اعلانين من شخص واحد برقم تلفون واحد يوهم الناس بانهم محلين

ومشكورين على المرور

 

[بني سعد]

اي والله
يحصلونها باخرتهم

 

[zoya_y]

لوووووووووول

 

[Bo_Fahad_Q8]

اخونا هذيل لاهم محلات ولا شي

هذيل عندهم شقق ويبيعون لك رسيفرات .. و يسون خدمات تركيب .. ويبيعون كروت رسيفرات .. الخ

كله عن طريق التليفون

يعني تتصل على الرقم الي بالاعلان .. ويقولون لك .. نجيك الى عندك بالبيت

اكثرهم سوريين

واكثر شغلهم ممنوع

مثل بيع الرسيفرات الممنوعة والكروت المنسوخة وغيره

طبعا وزارة التجارة وحماية المستهلك عندنا .. نايمين بالعسل​

 

[فاضي حدي]

مو بس الستلايت

شغلات وايد وحتى لابتوبات تحصل واحد كاتب اعلان عن لاب توب

وتحت كاتب نشتري لابتوب

لازم ياجماعة ندقق على الارقام اذا كانت متشابهه فهذا يعني نفس الشخص ومو شرط يكون نصاب لكن لازم يكون عندك علم بالشغله هذي

 

[q82007]

صدقت اخوي Bo_Fahad_Q8 كل ماذكرت صحيح

(فاضي حدي ) نعم الحذر والانتباه مطلوب

وشاكر لمروركم

 

[©A©]

المزعج بالموضوع الاعلانات الي يحطونها على البيوت و على السيارات

اما كأعلان انا ماني شايف فيها شي يعني و ين النصب؟؟

تبي رسيفر او تبي تصلح دق عليه... ولا خل الناس تترزق الله.

 

[q82007]

اخوي ©a© ركز بالصوره وتفهم الموضوع

ان شاء الله مانقطع رزق احد والدليل قمت بتغطيه اسم المجله والارقام غير كامله

والهدف من الموضوع تنبيه لاخواني الاعضاء

 

[©A©]

ادري اخوي شايف الاعلان انا

بس الي بغيت اقوله انا الي يهمني جوده العمل مع اقل سعر

والفاتوره مسجل عليها رقم التليفون. اذن وين المشكله ؟؟

ارخيص و شغله زين كان بها.. شغله مو زين قظبته الباب ان شاء الله عنده خمسين اعلان او ما عنده خير شر

هذا الي انا اقصده

 

[q82007]

حياك اخوي ©a© وجهه نظرك واحترمها

ومع ذلك هذا المحتال لايحق له ابدا ايهام

الزبون بوجود محل اسمه معالي للستلايت

وفي الاعلان المجاور له تغير اسم المحل الى

عزوزي سات للستلايت وشاكرلك حسن المرور

 

[cot]

ازيدك من الشعر بيت

اذا اتصلت قلتله منو معاي يقووولك خالد

لاني اكثر واحد اتصل فيهم و كلهم اسم خالد

 

[Latino]

على طاري الستلايت ما أقول الا حسبي الله عليهم
قبل جم يوم دقيت على محل من هالمحلات خدمه 24 ساعه
وبسعر مغري حتى اعلانهم في مجله مو معروفه
ابيه يضبط الستلايت على الرسيفر ويوم وصل الحبيب
قالي اضبطلك كل شي وابدلك سويجات واحطلك مادري شنو
قلت له سو الي تبي اهم شي كل القنوات تطلع والاشاره تكون اوكي
5 دقايق والا الحبيب خالص !
جان يقول حسابي 35 دينار مني مناك جان اعطيه 30
واليوم الثاني الا الحبيب مخرب الدنيا ولا قناة تطلع
واكتشفت انه مبدل سويجات الواحد سعره بربع دينار
وحاسبه علي ب 10 دنانير !!!
واتصل فيه والحبيب مايرد اخذ الفلوس وشفط
واسم المحل (الأصيل للستلايت)
ويقول محلنا بحولي رحت دورت بحولي مالقيت هالمحل
والي يضحك بالموضوع كله اسم المحل
أصيل وحرامي !!!

 

[cot]

اخواني لازم تتاكدون من هالمحلاات اكثر واحد ينقرص منهم

تبوني اقنعكم في شي


اي واحد فيكم يتصل على اي محل ستلايت و يقوله ابي اركب رسيفر العجيب اللي يفتح الشفرات

راح يقولك سعره مابين 60 الى 70 او 75

لكن اذا جاك راح يغير كلام و يقولك بدك هيك و هيك و يطلع عليك الحساب 110 اقل شي

عشان تتاكدون اكثر قوله ابيه من غير تركيب اعطيك اللي تبيه اذا باعه لكم لازم يركب عشان ينصب على العالم

 

[ضحية المخازن]

والله ياجماعة انا ماني شايف فيها اي شي

فعلا رخيص وكويس انا بالنسبه لي ركبت الرسيفر اللي يفك الشفرات قبل اسبوعين تقريبا وكلفني 70 دينار مثل ماذكرروا بالاعلان

 

[Ricardo kaka]

ايهب يا الذيب صادهم

كفو

هذول ابو عقاد

 

[ضحية المخازن]

ايهب يا الذيب صادهم

كفو

هذول ابو عقاد

تاج راسك

 

[السيد الأصلي]

تاج راسك

طوول بالك... الريال ما قال شي طال عمرك ​