عندي كاش جاهز

[مليون دينار]

تصدقون عندي كاش وجاهز بس محتار شنو اشتري كل اليوم اتردد

وبصراحه الأسهم أسعارها بالحضيض ومغريه للدخول من كثر الاسهم النازله مو عارف أختار

بس بصراحه عيني على المجموعة الدوليه وجراند والمستثمرون

ومجموعة البحر ايفا ودوليه م أ وجيزان

وعربي قابضه واسكان والساحل والمال ومبرد

بصراحه من كثرهم محتار

كل يوم اقول اصبر ممكن احصل اقل الاسعار

شنو رايكم متي ادخل

 

[ALSALEM]

اخذ اللي من بدايته شغله نظيف وماشي عدل حتى لو ارتفاع بسيط بس راكد والرخص مو شرط لان اللي يرتفع بسرعه ينزل بسرعه والعكس صحيح

 

[(فزاع)]

على قولت بو فجر ..
باجر نلقاه ارخص ..!

 

[هموم وكدر]

الله تقول بالحضيض ذكرتني بيوم كان السهم فوق

ذكريات احلم لو ترجع الايام جان اول شي سويته اطق مدير البنك علشان ما الغي الوديعه

وادخل بالاسهم بس ما نقول الا

قدر الله ومشاء فعل امر ومكتوب ولا بد يصير

الله يوفقك اخوي ويرزق رزق حلال وديربالك يا خوي مليونير كل ما قلنا وصلنا القاع طلع فيه قاع

مخفي تحته

 

[ABU -YOUSEF]

انا لو مكانك اشكل يعني ادخل على البحر اخذ منه احسن سهم مثلا جيزان واخذ من البدر جراند واخذ من المدينه اكتتاب واخذ من وياسلام لو خليت عندك 20000 من عربيه عقارية على الاسعار الحاليه وقول يا رزاق وادعيلي

 

[kwk]

نصيحه الصفاة العالميه

 

[المانع]

تصدق فيهم نصيحه من اخ انتظر الصفاه للاستثمار وكت ماينزل شوى ودش وتوكل على الله

 

[واحدمليون]

الاسبوع هذا اكتتاب المدينة والاسبوع الي بعده متوقع ابراج والله اعلم مجرد راي مجتهد

 

[kuwaitey]

اخوى انصحك فى الاسهم التشغيلية

1-الهواتف حاول انك تدخل عليها بعد توزيع اكتتابها

2- والصفاة انصحك فيها

3- مزايا حاول تنطرها تحت و لاخر السنة فيها خير ان شاء الله

وماخاب من استشار انصحك تستشير الاخوة

المحللين الثقه وياكثرهم عندك

بتوفيق ان شاء الله​

 

[akash]

السلام عليكم
توكل على الله وأخذ عارف الأستثماريه

 

[saber ayoob]

الكاش ملك

[COLOR="Blue"]اقضب كاشك لين تشوف اسعار ما تتوقع تشوفها. الوضع يذكرني[/COLOR] بنزلة السوق قبل سنتين (زايد ناقص). اتوقع علي المدي الطويل, السوق نازل بس علي دفعات. وهذا اخطر بكيرر من النزول الحاد لانه يصيد الكبير قبل الصغير. وكل يوم تشوف سهمك نازل 5 و10 فلوس وصاعد 5 والنتيجه جك بك وانت خسران 50 و100 فلس وعاد اهني تقول اصبر احسن ما ابيع بخساره لان سهمى قوي وتشغيلي (ما ادري منو سهمه ورقي

وتالي الجرايد تشتغل وتنفخ ان ماكو الا العافيه والسوق صاعد لا محاله وبين السطور وبالحبر السري. والشباب بالمنتدى (بحسن نيه) كل ما تسال عن سهم للاستثمار كل واحد يعطيك السهم اللي يملك فيه او اللي يحبه ومو قادر يشتريه.

المخلص, فرصة ربح تفوت ولا دينارك يموت, اذا انت مضارب يومي الله يعينك. واذا انت انتهازي (بورصويا) انتظر واستمتع بالحياة علي ما تحين الفرص الاحلي.

علي فكره انا نايم علي مبلغ كبير وناطر وما ورانا شي والصراحه ماني مستعد اعيد اخطاء الماضي ما صدقنا علي الله نطلعلنا بيزتين حلوين بعد خساير امريكا ونزلة السوق القديمه.

 

[Bo Enzo]

التخصيص

القيمة الدفتريه : 259
قيمة السهم الحالية :176

 

[حبيبكم]

نصيحتي لك ، لا تأخذ ألحين
إذا بتاخذ خذ بعد ارتداد السوق علشان ما تتحسف لما ينزل السهم وهو عندك محد يدري إلى وين نازل السوق ليما ألحين.
وخذ أكثر من سهم ولا تحط كل ما تملك بسهم واحد و خل عندك شوية كاش للحاجة.

وبالتوفيق

 

[البيت الخليجي]

تصدق فيهم نصيحه من اخ انتظر الصفاه للاستثمار وكت ماينزل شوى ودش وتوكل على الله

و الله صحيح تصدق فيهم ... على الأقل تأخذ أجر من رب العالمين
فهذا أحسن من أن تشوف فلوسك تتبخر قدامك مع هالشركات الفاشلة
سبحان الله تركت الشركات المحترمة و طحت على أسوء مجموعات السوق ... الله يهديك بس... ( أنا تبخرت مني 35 ألف دينار مع مجموعة البدر ).
تبي نصيحة ... روح سوق الأسهم غير المدرجة و اشتري الخليج القابضة و الامتياز ... الخليج القابضة سعرها 165 فلس (محمل بالأرباح) و راح توزع أرباح بعد شهر 10% نقدي و 10% منحة...
الأمتياز سعرها 420 فلس و راح تنزل البورصة بعد أقل من سنة ب650 فلس بإذن الله تعالى (السهم متفسخ ومافيه أرباح حاليا .

 

[مليون دينار]

أشكر الجميع على المداخله

وأشكر من دز على الخاص

 

[بو ضاري 2005]

مسا الخير تبى سمهم حلو وسعره احلا النقل واستثمارات صناعيه وصافتك وتمدين استثماريه وبنك الشرق لوصط

 

[shshoor]

ماانصح بالدخول انتظر وانا لااملك ولاسهم من يوم وصل السوق 15000 الف سيلت كل اللى عندى والان انتظر الاوضاع فى المنطقه والاكتتابات والتصحيح يمكن نوصل الى 12500 واذا صار شى بالمنطقه الله يستر راح تشوف الاسهم بالقاع والعقار بالقاع والمؤشر بالقاع وكل شى بالقاع

 

[سكارفيس]

تصدقون عندي كاش وجاهز بس محتار شنو اشتري كل اليوم اتردد

وبصراحه الأسهم أسعارها بالحضيض ومغريه للدخول من كثر الاسهم النازله مو عارف أختار

بس بصراحه عيني على المجموعة الدوليه وجراند والمستثمرون

ومجموعة البحر ايفا ودوليه م أ وجيزان

وعربي قابضه واسكان والساحل والمال ومبرد

بصراحه من كثرهم محتار

كل يوم اقول اصبر ممكن احصل اقل الاسعار

شنو رايكم متي ادخل

السلام عليكم ...

الله يوفقك ويرزقك الرزق الحلال ...
بعطيك اسهم ينعدون على الاصابع ...

بيت التمويل الكويتي -تمويل خليجي - الصفاة للاستثمار خلك بالشرعي يرزقك الله اذا مو بالدنيا خله بالآخره .

دقق على اسعارهم وقارنهم بالاسعار في 1-1-2009 اذا ماصار حرب او غيره من الاشياء الي تأثر على البورصه بشكل قوي ...لا سمح الله ...

 

[bensaad]

نصيحه حط ثلثين الكاش بالدار

والثلث الاخر ضارب فيه

 

[frozen]

تصدقون عندي كاش وجاهز بس محتار شنو اشتري كل اليوم اتردد

وبصراحه الأسهم أسعارها بالحضيض ومغريه للدخول من كثر الاسهم النازله مو عارف أختار

بس بصراحه عيني على المجموعة الدوليه وجراند والمستثمرون

ومجموعة البحر ايفا ودوليه م أ وجيزان

وعربي قابضه واسكان والساحل والمال ومبرد

بصراحه من كثرهم محتار

كل يوم اقول اصبر ممكن احصل اقل الاسعار

شنو رايكم متي ادخل

دار الاستثمار + بنك بوبيان+ بوبيان ب + اسمنت الفجيره