الاخ مستثمر كويتي المحترم
اسمع هاللي صار معاي اليوم في فرع بنك الوطني بالسالمية
سألت الموظفة عن اوراق اكتتاب الشركة الثالثة قالت ماعندنا
سألتها عن زيادة راس المال لشركة زين وكنت ابي اكتتب عن عيال اخوي وحسابهم ليس على الوطني قالت لازم شيك مصدق او حوالة ولازم حضور الشخص نفسه.
قلت لها ليش انتم البنك الوحيد اللي تطلبون حضور الشخص تدري شنو ردت
قالت لان الاكتتاب بالزيادة 75% بس يمكن مايعطونك المطلوب وممكت تاخذ 50 % فقط وبالتالي لازم نرجع الفلوس حق نفس الشخص.
قلت لها منو قالك ؟ هالكلام يطبق على الشركة الجديدة وليس على زين لان الجمعية العمومية حددت 75% وراح العميل يكتتب فيهم ويحصل عليهم كلهم.
المهم قلت لها طيب عطيني كم المبلغ المطلوب من كل شخص من ابناء اخي عشان اخليهم يسوون شيك مصدق او حوالة وأعطيتها البطاقات المدنيه لهم فقالت مايصير اقولك الا بحضورهم شخصيا.
يعني المفروض العميل يحضر الى احد فرع البنك الوطني عشان يعرف قيمة المبلغ المطلوب منه.
ثم يذهب الى بنكه ويصدر شيك مصدق او حوالة.
ثم يعود الى البنك الوطني ويكتتب.
اشرايكم ياللي تدافعون عن الوطني وتقولون عنه افضل بنك
طل بعينهم افضل بنك
