|||||||||||| للبيـــــــع تلفــــون 6210 Navigator اليديــــد ||||||||||||

[ASUS]

توني بايع جهازي اب 115 و لو ناطر جان يابلي 120 و اعتقد جهاز الريال يستاهل 120 ياشباب

 

[الجبري555]

حياك

الله يعطيك العافيه علي هالسومة الطيبه وتستاهل كل خير ولله

بس ودي يزيدون شوي وانشالله أبيعه لآنه يديد ولله وماخذه ب140

يالغالي انا قاعد استعمل جهاز ابو طقه وزهقت بصراحه منه احلى مافيه الكشاف ماله ههههههه وانا بصراحه رايح اشتري باجر اي جهاز يديد بيعني انت اولا من غيرك والجهاز عطيتك فيه اعلى سعر ترى الخساره في الاعمار وانا خوك وانت طيب وانا استاهل توكل على الله وماراح تندم وانا اتمنى لك كل خير والله الشاهد عشان حدي باجر بس اول ماشتري ماعاد يلزمني ولا تقول لي سام ونحاش مثل باقي الاخوان الله يجزاهم خير نعطيهم اسعار وينطرون بعدين يردون على ولمن اقولهم والله شريت قالو سام وانحاش

 

[نبض الهواجر]

105 وهذا رقمي 7722352


اعذرني اخوي الجبري علشان سمة اكثر من سومتك بس الحال من بعضه وانا ادور جهاز نفسه

اذا عزمت البيع علي سومتي اتصل فيني او دزلي مسج علشان انا مادش الموقع مبجر كله متأخر
والله يوفقك اذا حصلت السومه الكثر من سومتي ويوفق الشاري

 

[almussak]

الله يعطيكم العافيه علي السومات شباب

 

[نبض الهواجر]

شقلت اخوي تبيع او لا بهذي السومه

 

[almussak]

ولله ولد عمي المحلات معطيني 100 و 105 ومابعتلهم ,, عالعموم مشكور علي سومتك

 

[نبض الهواجر]

موفق نشاالله بس تري هذا سعره
ونشالله الله يرزققك بسومه الطيبه الي بخاطرك

* عندي جهاز 6110 نفسه القديم ستعمال بضبط 9 ايام تبدلني وزيدك25
الجهاز الي عندي شبه جديد لا يوجد فيه اي خدوش او زلوغ

 

[last chance]

يالغالي سعلا الجهاز مستعمل بكل المحلات مايتعدى 90 او 95 بالكثير
لان النفجيشن ماله بفلوس
والبرنامج اللي انت حاطه مدته سنه بس
والطلب مو وايد عليه
ما اقول هالكلام عشان ابخس بالسلعه
لا والله
بس قلته عقب ما تاكدت من السوق

 

[almussak]

يعطيك العافيه ,
انشالله الناس تروح وتتأكد تشوف جم سعره يديد ومتسعمل
واذا تقول 95 مستعمل ؟ ورب الكعبه وما احلف انا علي شي تافه
ان اكو محلات معطيني 100 و105 ,, واذا حاب تتأكد 6677430
نروح انا وياك ونتأكد

, والخرايط مجاناً انا متأكد , وقبل لا اسوي هالشي فار علي كذا محل

last chance , أوكي وانا ناطرك؟ تعرف شنو الي ضايقني انك تقول لا بالكثير بعد
,,, ابيك ادق علي ونروح نفتر بالمحلات اوكي؟ ونتأكد

وعيب تجذب الاوادم

 

[saad1975]

يعطيك العافيه ,
انشالله الناس تروح وتتأكد تشوف جم سعره يديد ومتسعمل
واذا تقول 95 مستعمل ؟ ورب الكعبه وما احلف انا علي شي تافه
ان اكو محلات معطيني 100 و105 ,, واذا حاب تتأكد 6677430
نروح انا وياك ونتأكد

, والخرايط مجاناً انا متأكد , وقبل لا اسوي هالشي فار علي كذا محل

last chance , أوكي وانا ناطرك؟ تعرف شنو الي ضايقني انك تقول لا بالكثير بعد
,,, ابيك ادق علي ونروح نفتر بالمحلات اوكي؟ ونتأكد

وعيب تجذب الاوادم

اخوي صج كلامك والله انك صاج انا توني بايعه بالمحلات 105 دينار وكفالة بهبهاني بعد ويا جماعة اللي ما يبي يشتري لا يتدخل بالبيعة ويقول يسوى وما يسوى مو عاجبك السعر لا ترد وتحرج نفسك وتحرج غيرك .

 

[almussak]

مشكور اخوي سعد ,, والناس الي اهني ما سامو ب100 وب105 عبط لآنه يدرون سعره اكثر من جذي , ولا اهما مو مغفلين يعرفون الاسعار , بس شتسوي اذا في ناس مايدرون وين الله قاطهم بس الي فالحين فيه يتحجون , ماتدري شتسوي فيهم , الشكوى لله

 

[باحث الانترنت]

ارجو تقبل اعتذارى لانى اكتشفت حاليا ان الجهاز نازل شكل جديد واخوى اخذ اللى اول شيء مادرى كم رقمه بس بسعر 97 وجهازك غير عنه اسمحلى يالمصك

 

[almussak]

لا افا مسموح وماصار الا الخير

 

[نبض الهواجر]

شقلت اخوي تباركلي علي بيعته 105وهذا رقمي 7722352 تراني ستعمالي انا يعني افضل من تبيعه علي شريطي او محل

 

[almussak]

الله يعطيك العافيه نبض الهواجر علي سومتك الطيبه ,, وانشالله يبيله شوي ونبيعه

 

[بوعبدالوهاب1975]

شراي

 

[almussak]

ما فهمتك بو عبدالوهاب ؟

 

[VISION]

اخوي بالنسبه للخرايط

نفس خرايطه الاصليه رود 60 ولا خرايط ثانيه اللي نزلتها؟

خرايط 2007-2008؟

وشكرا

 

[almussak]

تم بيع الجهاز

لا خرايطه يديده 2008 وطريقتهم وايد حلوه

انا كان عندي navigator القديم وايد فرق بين خرايطه وخرايط هالتلفون

هذي وايد واضحه المناطق والدخلات والدواوير

ويعطيكم العافيه

 

[speed up]

مبروك البيعة و بالتوفيق ان شاء الله للبايع و الشاري

===============================

اشوية بدخل عرض

مادام تكلمتوا عن الخرايط

ممكن احد يحط لنا معلومات عن الخرايط .. و شنو الفروقات بينهم اللي ذكرتوهم لأن ما عندي فكرة بصراحة .. و شنو اللي سنه و اللي على طول و من وين نحطهم

آسف على الازعاج