استفسار الله يرحم والديكم ...

[الحلو123]

السلام عليكم ورحمة الله وبركاته ...
عندي مكسيما موديل 2000 كامل المواصفات فاكها على ايدي لونها ابيض .. كم سعره بالسوق لاني والله ودي ابيعها وماأدري كم ابيعها لاني ودي اغير صارلها عندي تقريبا" 9 سنوات ...

 

[BADR-1]

احجزها حقي اذا نظيفة... والسعر اكون غير عادل لاني ابي اشتريها منك باذن اللة اذا نظيف واذا عندك سعر راسلني علي الخاص اذا تكرمت مع ذكر حالة السيارة

 

[sanad2007]

اسومها منك 1700 اذا اوكي دزلي رقمك على الخاص

مع الشكر

 

[BADR-1]

يستاهل سند بيعة يستاهل

 

[الحلو123]

بسم الله الرحمن الرحيم ..
يعطيكم العافيه الاخ سند والاخ بدر تبون الصراحه السياره فيها بعض الملاحضات بخصوص البدي حاشته بعض الدعمات الخفيفه وسويتهم .. وبدلت اليتات الاماميه والشبك بالوكاله وصبغت الدعاميه والمداقر الاماميه بكراج بوبيان بالشويخ وشغله مضبوط الكلام هذا قبل سنتين تقريبا" .. وحاليا" ليتها الامامي الايمن مكسور وفيها خفس خفيف بالباب الخلفي الايمن والصبغه سليمه وهم بعد فيها ضربه بالدعاميه الخلفيه ادت الى تلف الصبغه فقط ))
وبالنسبه للمحركات شرط الفحص ..
ولمزيد من الاستفسار : 9885085
وشكرا"

 

[سوق خضرة]

بسم الله الرحمن الرحيم ..
يعطيكم العافيه الاخ سند والاخ بدر تبون الصراحه السياره فيها بعض الملاحضات بخصوص البدي حاشته بعض الدعمات الخفيفه وسويتهم .. وبدلت اليتات الاماميه والشبك بالوكاله وصبغت الدعاميه والمداقر الاماميه بكراج بوبيان بالشويخ وشغله مضبوط الكلام هذا قبل سنتين تقريبا" .. وحاليا" ليتها الامامي الايمن مكسور وفيها خفس خفيف بالباب الخلفي الايمن والصبغه سليمه وهم بعد فيها ضربه بالدعاميه الخلفيه ادت الى تلف الصبغه فقط ))
وبالنسبه للمحركات شرط الفحص ..
ولمزيد من الاستفسار : 9885085
وشكرا"

هذي انا اشهد فيها ان شغله مضبوط والمعلم اسمه ( طوني ) ​

 

[BADR-1]

مثل ماقلت بارك اللة فيك الموتر النظيف من 1500 وتحت انت كم خاطرك فية طبعا اذا الشاصي نظيف ومشكور لصراحتك

 

[الحلو123]

السلام عليكم ورحمة الله ..
باختصار 1600 نهايتها والله كريم ويعطيكم العافيه
وأسأل الله التوفيق
مشكورين وآسفين على الازعاج

 

[BADR-1]

سند عطاك خوش سومة بيعة يستاهل