مهم جدا يا حريم

[jarrah_aam]

جلسة عشاء جمعتني مع احد المحامين القديمين المعروفين... سألته بحكم خبرتك الطويلة في المحاماة وقضايا الناس ما هي أغرب قضية مرت عليك ..


قال زوجه مستقيمة لرجل معروف باستقامته وعيال ناس ومعروفين .. قررت الزوجة في يوما ما ان تغير الصالون اللي تروح له ..


وراحت لصالون صاحبته إيرانية ... اللي كانت تعرف شغلها زين وارتاحت لها الزوجه ..


كانت في كل مره يعطونها قهوة تحس ان راسها يتعدل بعدها ..


وحست انها تحتاج اكثر من مرة تروح للصالون ..


لدرجة ان الزوج سألها صرتي تكثرين روحاتج للصالون تقول زينين وقهوتهم ما تطوف ..


مع الفترة صارت الزوجه تروح بس عشان فنجان هالقهوة ..


بس تبي تشرب قهوة عندهم ..


حست الزوجه _ بعد فوات الاوان _ ان القهوة فيها نوع من المخدرات ..


صاروا يبيعون لها الفنجان ... بالسعر الفلاني !


الزوجه لما اكتشفت انها في نص ورطتها ... سترت على نفسها وخافت ولا قالت لاحد ..


صارت تروح لصاحبة الصالون وتعطيها الفلوس اللي تبي عشان قهوة ..


لين صارت فلوسها تخلص ..


وراسها يعور وجسمها ينفض من غير هالقهوة ..


لما قالت لصاحبة الصالون انها ما عندها فلوس ..


كانت تترجاها عشان فنجان هالقهوة ...


هني قالت لها صاحبة الصالون الايرانية ...


خلاص ... تروحين مكان معين ... تقضين ساعة او ساعتين .. مع الشخص اللي نجيبه لك ... راح نستلم احنا الفلوس ... ونعطيج القهوة !


هني فزعت الزوجه المسكينه ..


وراحت لزوجها وبجت وقالت له كل شي ...



اخذ الزوج زوجته للمخفر وبلغوا المباحث اللي تباعت بدورها الصالون ..


وتم اكتشاف شبكة تديره صاحبة الصالون الايرانية ...


بطريقه خاصة يحطون مخدرات للبنات ... ولما يغرقون هالبنات في المخدرات ... ياخذونهم على شقق دعارة ...


تطلع البنت مهتوك عرضها ... وماخذه مخدرات ... وصاحبة الصالون ربحانه من الصوبين من بيع المخدرات ومن بيع اعراض الناس ...


طبعا تم القبض على صاحبة الصالون .. واخلي سبيلها بكفالة اللي بدورها انحاشت ايران بالفلوس اللي جمعتها


وصار عليها حكم غيابي سبع سنوات فقط !!



سمعت القصة ...


احسست بعدم الامان ...

واحسست ان لدينا قانون غير رادع على الاطلاق !


الله يحفظ ديرتنا واهلها وناسها

القصة منقولة من دولة خليجية شقيقة

 

[بوالعيس بيك]

السلام عليكم

من زمان مقيوله بس خلني ساكت ..وليلحين نسمع بهالسوالف ماوقفت علي هالصالون وبس.

جزاك الله خير..

 

[yoyo1983]

لا حول ولا قوة الا بالله

 

[nestla]

الله يستر علينا
الاحسن ما نشرب ولا ناخذ

 

[nestla]

الله يستر علينا
الاحسن ما نشرب ولا ناخذ اي شي من الصالون

 

[man.vip]

جزاك الله خير علي التنبيه ,,,

والحرص واجب لكل خواتنا احرصوا من هذي الاشكال والله يستر علي المسلمين اجمعين..

 

[الفايدة للجميع]

والله مصايب على الديره تتحذف من كل مكان والسبب ما فيه حكم رادع للمجرمين

 

[ورق خسران]

جزاك الله خير

 

[قلب المؤشر]

الله يحفظ أعراض المسلمين
ويرد كيد من كاد لهم في نحورهم

 

[برميت]

لا حول ولا قوة الا بالله

 

[jarrah_aam]

الله يحفظ أعراض المسلمين
ويرد كيد من كاد لهم في نحورهم

اللهم امين

 

[al7bebe]

طبعا تم القبض على صاحبة الصالون .. واخلي سبيلها بكفالة اللي بدورها انحاشت ايران بالفلوس اللي جمعتها


وصار عليها حكم غيابي سبع سنوات فقط !!
-----------------
س: سؤال
لماذا وضع القانون ؟
جيم جواب :
فائدة للمجرمين والمكسب المادي
--------------
الخلاصة:-
قانون الكويت لايحمي المغفلين والنية الطيبة وانتهى عصر الاوليين

 

[بترولي نشط]

حسبنا الله ونعم الوكيل علي كل من يحاول ايذاء المسلمين